Benshreeni Amrut Vani Part 2 Transcripts-Hindi (simplified iso15919 transliteration). Track: 72.

PDF/HTML Page 441 of 1906
single page version

mumukṣhuḥ- āpakī bātase bahut himmat ā gayī. nahīn to andaramen koī vichār karate hain to kuchh samajhamen nahīn ātā. vikalpommen ... to bhī kuchh nahīn milatā to aisā lagatā hai ki ātmākā milanā mushkil hai. lekin āpakī kr̥upāse bahut himmat ā gayī.

samādhānaḥ- ātmākā milanā mushkil nahīn hai. ātmā svayam hī hai. svayam svayaṅko bhūl gayā hai. ananta kālase svayam svayaṅko bhūl gayā. gnāyak svabhāv, gnānasvabhāvako grahaṇ kar, gnāyakako grahaṇ kar le to samīp hī hai, dūr nahīn hai. parantu antaramen- bhītaramen anādikālake abhyāsake kāraṇ vikalpa-vikalpakī aisī ekatvabuddhi ho rahī hai ki bhinna karanā mushkil ho gayā. svabhāv to sulabh hai, vibhāv durlabh hai.

parapadārtha ananta kāl gayā to bhī apanā nahīn huā. svabhāv to saral aur sugam hai. svayam hī hai, kahīn bāhar khojane nahīn jānā hai. antaramen dekhe to svayam hī, sva svayam hī hai. apanā astitva, gnāyakakā astitva maujūd hī hai. ananta kāl gayā to bhī parapadārtha apanā nahīn huā. par to par hī hai, sva to sva hī hai. ātmāko ek bār grahaṇ kare, pratham bhūmikā vikaṭ hai, parantu ek bār ātmāko grahaṇ kare to phir mārga sulabh, sugam ho jātā hai. alpa kālamen darshan, gnān, chāritra pūrṇa pragaṭ karake usakī mukti ho jātī hai, kevalagnān prāpta hotā hai.

vibhāv, parapadārtha.. anantakāl gayā to bhī parapadārtha apanā nahīn hotā. svabhāv to sahaj sugam hai. ek bār usako grahaṇ kare to turanta hī pragaṭ hotā hai. lekin pratham bhūmikā vikaṭ hotī hai. anādi kālake abhyāsake kāraṇ aisī ekatvabuddhi ho gayī hai, use toḍakar use antaramen jānā duṣhkar ho jātā hai.

mumukṣhuḥ- mātājī! sab dravya to shuddha hai, jīvake sāth hī anādi kālase ashuddhatā lagī huyī hai, samajhamen nahīn āyā.

samādhānaḥ- apanī bhūlake kāraṇa. sab shuddha hai, ātmā bhī shuddha hai. apanī bhūlase ashuddhatā ho rahī hai. sab dravyamen to aisā hai ki usamen bhūl (nahīn hotī). chaitanya hai to bhūl-bhrāntimen paḍā hai, isaliye usamen ashuddhatā hotī hai. svayam shuddha honeke bāvajūd

PDF/HTML Page 442 of 1906
single page version

vah vibhāv pariṇatikī or jā rahā hai, āshcharyakī bāt hai. svayam chaitanya hokar bhī, jānanevālā hone par bhī parapadārthakī or bhrānti karake vahān̐ jātā hai, āshcharyakī bāt hai. chaitanyamen bhūl ho rahī hai. (dravya to) shuddha hai, paryāyamen bhūl ho rahī hai. prayojanabhūt tattva jāne to ātmākī prāpti to ho sakatī hai.

mumukṣhuḥ- ruchikī tīvratā..

samādhānaḥ- ruchikī tīvratā. puruṣhārtha kare to ho sakatā hai. nakkī kare ki vibhāvamen kuchh sukh nahīn hai.

mumukṣhuḥ- bāhar achchhā to dikhatā hai, vah kaise jame andar ki vibhāvamen nahīn hai?

samādhānaḥ- bāhar achchhā lagatā hai. bhītaramen achchhā laganeke liye nakkī kare, svabhāvako grahaṇ karake nakkī kare ki svabhāvamen hī achchhā hai. vibhāvamen achchhā nahīn hai, vah sab to duḥkharūp-ākulatārūp hai. aisā nakkī karanā chāhiye, aisā dr̥uḍh nishchay karanā chāhiye ki yah sab to ākulatā-ākulatā hai, kahīn sukh dikhāī nahīn detā. sab vikalpakī jālamen apanī ichchhā anusār koī parapadārtha pariṇamatā nahī̃n. sab vikalpamen ākulatā-duḥkh hai. aisā yathārtha nakkī kare. svabhāvako nakkī kare ki yah merā svabhāv hai. pratīti dr̥uḍh kare ki gnāyakamen hī sukh hai. gnāyak svabhāv hī mahimāvant hai. mahimākā bhaṇḍār ho to gnāyak hai. bāharakī mahimā ṭūṭ jāy, svabhāvakī mahimā āve, svabhāvakī jarūrat lage, vibhāvase virakti āye ki vibhāvamen achchhā nahīn hai. svabhāvakī mahimā lage. svabhāvako vichār karake grahaṇ kare ki sukh to isamen hī hai, bāhar kahīn nahīn hai. aisā vichār karake gnāyak svabhāvako grahaṇ kare, vibhāvase virakti ho, svabhāvakī mahimā āye to is prakār ruchiko dr̥uḍh kare.

... vichār kar-karake dr̥uḍh karatā rahe. .. mahāpuruṣh bhī sab chhoḍakar, ātmāko- svabhāvako grahaṇ karake antarase virakti aur svabhāvakī mahimā lākar ātmākī sādhanā kī hai. ātmā hī sarvashreṣhṭha padārtha hai. aur antaramen vichār karake nakkī kare ki yah svabhāv hī mahimāvant hai. isaprakār ruchiko dr̥uḍh kare.

mumukṣhuḥ- .. kuchh samajhamen nahīn āyā .. gurudevashrīse mainne pūchhā, mahārājashrī! kalyāṇake liye kyā karanā? to bole, paryāyako andar bāla.

samādhānaḥ- paryāy bāhar jātī hai, use svabhāvakī or jhukā. arthāt dravya par dr̥uṣhṭi kar to paryāy bhītaramen jātī hai. paryāyako jhukā.

mumukṣhuḥ- to paryāy aur dravya koī judī chīj hai, mātājī! ki ...

samādhānaḥ- dravya aur paryāy aise judī chīj nahīn hai. dravyakī paryāy hai, parantu

PDF/HTML Page 443 of 1906
single page version

usamen vah ansh hai aur (dravya) anshī hai. itanā bhed hai. ansh-anshīkā bhed hai. sarvathā bhed-koī bhinna-bhinna ṭūkaḍe nahīn hai, bhinna ṭūkaḍā nahīn hai ki paryāy koī bhinna hai aur dravya bhinna hai. dravya bhinna hai aur paryāy bhinna hai. aisā ho to paryāy dravya ho jāya. paryāy judī hove to paryāy dravya ho jāya. paryāy vaise bhinna nahīn hai. sarva apekṣhāse bhinna hai. parantu ansh hai aur yah anshī hai, itanā bhed hai. ek ansh hai, ek anshī hai, itanā bhed hai.

dravyakī paryāy hai, paryāy koī dūsarekī nahīn hai. dravyakā vedan apaneko hotā hai. svabhāvakī or jhuke, svabhāvakā vedan hove to paryāy hotī hai. parantu vah vedan svayaṅko jānanemen jātā hai, vedan koī dūsareko nahīn hotā. apaneko vedan hotā hai. paryāy apane dravyamense pragaṭ hotī hai. bāharase nahīn ātī hai.

mumukṣhuḥ- samavāy-bhavitavyatā, kālalabdhi, puruṣhārtha ek hī samayamen sab samavāy kaise hote hain? ... ek hī samayamen puruṣhārtha aur ...

samādhānaḥ- donon ekasāth hote haĩn. puruṣhārtha jo kiyā vah apanī or jhukā, gnāyakakī or puruṣhārtha jhukā, svayam puruṣhārtha karake apanī or jhukā vah puruṣhārtha huā. aur usī samay pariṇati jo usakā svabhāv thā, us prakārase jaise honevālā thā vaise huā. vah sab sāthamen hotā hai. donon virodhī lage parantu sab sāthamen hotā hai.

mumukṣhuḥ- kramabaddhaparyāy aur puruṣhārtha, donon virūddha lagate haĩn. puruṣhārthase jo vastu pragaṭ huyī, usī samay kramabaddhaparyāy huyī?

samādhānaḥ- sab ekasāth hotā hai. kramabaddha aur puruṣhārthamen sambandha hai. jo hone yogya thā vah huā, parantu vah hone yogya us prakārase hotā hai ki puruṣhārthase hotā hai. puruṣhārtha, hone yogya, svabhāv ādi sab ekasāth hote haĩn. sab ekasāth hote haĩn. kṣhayopasham, us prakārakā kṣhayopashamabhāv sab ekasāth hotā hai.

mumukṣhuḥ- kyoṅki virodhābhās to lagatā hai..

samādhānaḥ- hān̐, aisā lage.

mumukṣhuḥ- .. vikalpātmak vichār āye ki shuddha pariṇatike samay vikalpa to rahatā nahī̃n.

samādhānaḥ- shuddha pariṇatike samay vikalpa nahīn ho to bhī vikalpake binā bhī upayog to hotā hai. upayog svayam svayaṅko jānatā hai. bāhar vikalpa yānī rāgakā vikalpa. rāgavālā vikalpa chhūṭ jāy to bhī nirvikalparūpase usakā jānanā chalā nahīn jātā. jānanekā svabhāv to khaḍā hī rahatā hai. jānatā hai, svayam svabhāvako jānatā hai. upayog bāhar nahīn hai. upayog yānī vikalpātmak aisā usakā artha nahīn hotā.

PDF/HTML Page 444 of 1906
single page version

mumukṣhuḥ- svabhāv..

samādhānaḥ- hān̐, svabhāvako jānatā hai, svabhāvako jānatā hai. svabhāvakī or upayog nirvikalpapane hai. upayog nirvikalpa hai. vikalpa ho hī upayog kahanemen āye aisā nahīn hai. jāne, svayaṅko jānatā hai. apanī or upayog gayā, parantu nirvikalpapane jātā hai. nirvikalpa upayogarūp hotā hai.

mumukṣhuḥ- ..

samādhānaḥ- rāg sāthamen hai isaliye vikalpa hotā hai. rāg chhūṭe, vikalpa ṭūṭakar svayam antaramen jāy to gnānasvabhāv nāsh nahīn ho jātā, gnān to gnān hī hai, usakā jānanā kahīn chalā nahīn jātā. jānanekī pariṇati jānanerūp hī hai. apanī or upayog gayā vah nirvikalpa hai. rāgakā vikalpa nahīn hai.

mumukṣhuḥ- upayog us vakta bhī kām kar rahā hai.

samādhānaḥ- kām karatā hī hai. rāgakā vikalpa ho to hī upayog kām kare, aisā nahīn hai. utpād-vyay-dhruv tīnommen virodh lage to bhī tīnon ek samayamen sāthamen hote haĩn. dhruv dhruvarūp rahatā hai, utpād aur vyay donon virodhī lagate haĩn. to bhī sab ek samayamen hote haĩn. vaise puruṣhārtha, kramabaddha sab sāthamen hī hotā hai.

mumukṣhuḥ- ... ātmā pūrā usamen līn ho jātā hai. bhagavānake sāth...

samādhānaḥ- pūrā līn nahīn ho jātā. gnāyakakī gnāyakarūp pariṇati rahakar bīchamen jo shubhabhāv āte hain, us shubhabhāvakī pariṇati kām karatī hai. shubhabhāv, vāṇī sab bhinna-bhinna haĩn. shubhabhāv bhī bhinna hai aur vāṇī bhī bhinna hai. sabakā nimitta naimittik sambandha hai. shubhabhāv aur vāṇīmen sambandha hotā hai, isaliye us prakārakī vāṇī nīkalatī hai, vaise bhāv hote hain, phir bhī andar gnāyakakī pariṇati bhinna rahatī hai. bāhar līn ho gayā to gnāyak nahīn rahatā, aisā nahīn hai.

mumukṣhuḥ- mātājī! ..ke vikalpamen to gnānīpuruṣh kuchh kare nahīn, andar ātmāke sāth itane ekākār hote hain to gnāyakakī pariṇati..

samādhānaḥ- itanī sthūl dr̥uṣhṭise dekhanā vah dekhanā nahīn hai. antar dr̥uṣhṭise dekhanā hai. vah kharī parīkṣhā hai. bāhya dr̥uṣhṭise dekhanā vah kharā dekhanā nahīn hai. antarakī pariṇatiko (dekhanā hai). shrīmad kahate hain na? sthūlatāse dekhanā, bāharase dekhanā vah vāstavik nahīn hai. antarakī pariṇati alag hotī hai. shāstramen ātā hai na? hāthīke dikhāneke dānt alag aur chabāneke dānt alag hote haiaĩn. bāharase nāp nahīn kiyā jātā. shubhabhāvamen pūre (līn) dikhāī de to bhī gnāyak bhinna hotā hai.

mumukṣhuḥ- mātājī! ... āpakā do barābar dikhāī detā hai ki kahīn bhī...

PDF/HTML Page 445 of 1906
single page version

samādhānaḥ- pariṇati bhinna hī rahatī hai.

mumukṣhuḥ- ... us vakta bhedagnān karanā ki main sharīrase bhinna hūn̐, to vah vāstavik sharaṇ hai, yā bhagavānako yād karanā, vah sharaṇ hai? us duḥkhase kaise dūr honā?

samādhānaḥ- sharīrakī vedanā bhinna aur ātmā bhinna hai. andar bhinna ātmāko jānanā vah sharaṇ hai. mukhya sharaṇ vah hai. main ātmā jānanevālā, main gnāyak, merā svabhāv jānanekā hai, main sharīr nahīn hūn̐, main sharīrase atyanta bhinna hū̃n. usakī vedanāmen jo andar duḥkh hotā hai, vah duḥkh bhī merā svarūp nahīn hai. vikalpa āye ki yah sharīr so main aur main hī sharīr hūn̐, usake sāth dab jātā hai, rāgake kāraṇa. vah rāg bhī merā svarūp nahīn hai aur yah sharīr bhī main nahīn hū̃n. main to jānanevālā, mukhya sharaṇ vah hai. sāthamen shubhabhāvamen bhagavān bhī use shubhabhāvanāmen āye, bhagavānako yād kare, parantu vāstavik sharaṇ gnāyakako yād karanā vah mukhya sharaṇ hai. lekin sāthamen bhagavān yād āye binā rahe nahī̃n. aise prasaṅgommen jo ātmārthī ho use bhagavān, dev-guru-shāstra yād āye binā nahīn rahate. parantu sāth-sāth sharaṇ to gnāyakakā sharaṇ mukhya sharaṇ hai. gnāyakako pahachānanekā prayatna karanā. vedanā sharīramen hai, ātmāmen vedanā nahīn hai.

mumukṣhuḥ- vah ṭikatā nahīn hai, mātājī! kṣhaṇik shātā hotī hai, phir punaḥ sharīrakī or lakṣhya jātā hai.

samādhānaḥ- bārambār palaṭate rahanā, bārambāra. ṭike nahīn to bārambār ātmāko- gnāyakako yād karate rahanā. us vichāramen ṭik nahīn pāye to jinendra dev, guru, shāstra, manivar, shāstramen kyā kahā hai, gurudevane kyā kahā hai, bhagavānane kyā kahā hai, aise vichār kare parantu sāthamen gnāyakako yād kare. gnāyakakā mukhya sharaṇ hai. jo munivar ātmākī sādhanā karate hain, bhinna hī rahate haĩn. munivaroṅkī sādhanā... pratyek prasaṅgamen ātmā ekamek ho jāy, aisā nahīn hai, do dravya bhinna hai. donon dravya bhinna hai, ek kahān̐-se ho? jo bhinna hai vah bhinna hī hai.

mumukṣhuḥ- tīvra puruṣhārtha..

samādhānaḥ- hān̐, puruṣhārthako tīvra (karanā). andarase ekatvabuddhi toḍe. ātmā bhinna hai vah bhinna hī hai. gr̥uhasthāshramamen samyagdr̥uṣhṭi ho, koī bhī prasaṅgamen bhinna hī rahate haĩn. usamen ekamek nahīn hote. sharīramen koī vedanā ho athavā kuchh bhī ā jāy, koī vyavahārake prasaṅg, pravr̥uttike prasaṅgommen bhī, chakravartīke rājamen bhī samyagdr̥uṣhṭi bhinna hī rahate haĩn. shāstramen dr̥uṣhṭānta ātā hai na? gr̥uhakām karate hue andarase bhinna hī rahate haĩn. unakī gnāyakakī pariṇati bhinna hī rahatī hai. gnāyak to bhinna hī hai, sharīrakī vedanake samayamen, aise prasaṅgamen svayam bhinna paḍanekā prayatna karanā, bhāvanāko ugra karake. bhinna hai vah bhinna

PDF/HTML Page 446 of 1906
single page version

ho sakatā hai. bhāvanārūp, parantu bhinna hai vah bhinna hī hai. svayam sharīr nahīn hai. svayam andar jānanevālā gnāyak bhinna hī hai.

bārambār yād karanā. upayog to palaṭ jātā hai. jo duḥkh hotā hai vahān̐ bār- bār (jātā hai). anādike abhyāsake kāraṇ bārambār vikalpamen juḍ jāy to bhī upayogako bārambār badal denā. bārambār dev-guru-shāstrako yād karanā, bārambār gnāyakako yād karanā, bārambār yād karanā. isamen kaṇṭālā lage yā thak jānā aise nahīn, bārambār yād karanā. apanā svabhāv gnāyak hī hai. bārambār yād karanā.

prashamamūrti bhagavatī mātano jay ho! mātājīnī amr̥ut vāṇīno jay ho!

 