Benshreeni Amrut Vani Part 2 Transcripts-Hindi (simplified iso15919 transliteration). Track: 97.

PDF/HTML Page 603 of 1906
single page version

samādhānaḥ- is dhanaterasamen sab bāharakā karate hain, vāstavamen to antaramen dhanateras hai. ātmākā svarūp dhan hai, use pragaṭ karanā vah vāstavamen dhanateras hai. mahāvīr bhagavān mokṣha padhāre, isaliye yah dhanateras ādi divas āte haĩn. antaramen svarūpadhanako pragaṭ karanā vah dhanateras hai. antar svarūpamen, antaramen ātmāmen sab khajānā bharā hai. ātmāko pahachānakar, bhedagnān karake us par dr̥uṣhṭi karake, usakī mahimā lākar andar svarūpakā dhan pragaṭ karanā, yah dhanateras hai.

vah nahīn ho tabatak shubhabhāvamen dev-guru-shāstra, bhagavānane jo prāpta kiyā, tīrthaṅkar bhagavān mahāvīr bhagavānane jo pragaṭ kiyā, use svayam smaraṇamen lākar us prakārakī shubhabhāvanā, bhakti mahimā bāharase bhagavānakī kare. antaramen ātmākā svarūp-dhan kaise pragaṭ ho? yah karanā hai. jinendra dev, guru, shāstrakī mahimā lāve. bhagavānane sab pragaṭ kiyā, guru sādhanā karate hain, shāstramen sab varṇan ātā hai. shubhabhāvamen vah aur antaramen shuddhātmāmen dhan bharā hai, use pahachāne. usakī shraddhā, usakā gnān, usamen līnatā kare.

mumukṣhuḥ- ...

samādhānaḥ- bhagavānakā nirvāṇ kalyāṇakakā mahotsav karate hain, usamen āge-pīchheke din maṅgal din haĩn. usamen dhanateras kahate haĩn. laukikamen dhanaterasa. gautamasvāmīko kevalagnān pragaṭ huā, bhagavān mokṣha (padhāre). isaliye āge-pīchheke dinoṅko maṅgalarūp kahate haĩn. shāstramen to yah ek nirvāṇ kalyāṇakakā din ātā hai. usake āge-pīchhe ke dinoṅko maṅgalarūp kahate haĩn.

mumukṣhuḥ- savikalpātmakamen pahale ruchimen svayaṅkā gnāyak ātmā ānā chāhiye aur use parakī ruchi chhūṭ jānī chāhiye. usake bād use dr̥uṣhṭikā jor āve. usakā artha yah huā ki jabatak vikalpātmakamen use merā ātmā hī mujhe sukharūp hai, dūsarā kuchh bhī yānī ... vikār bhī sukharūp nahīn hai. aisā jabatak abhiprāyamen nirṇay na ho, tabatak dr̥uṣhṭikā jor arthāt dravya sanmukh hokar yah gnāyak hai vahī main hūn̐, aisā sachchā jor use ā nahīn sakatā. aisā āpakā kahanā thā?

samādhānaḥ- jor nahīn ātā. svayammen sukh hai aisā nirṇay na ho, apanī or

PDF/HTML Page 604 of 1906
single page version

ruchi na āve to apanī or jor nahīn ātā. dravya par dr̥uṣhṭikā shraddhākā jor nahīn ātā. kyoṅki meremen hī sukh hai, vahī prayojanabhūt hai, vahī jarūratakā hai, utanī ruchi antaramense nahīn ho to shraddhākā jor nahīn ātā.

mumukṣhuḥ- is prakārase vichār karake ek bār nahīn parantu .. bhāvamen baiṭhatā hai ki sachamuchamen sukh mujhamen hai aur isamen sukh nahīn hai. is prakār gnāyak hai vahī main hūn̐, yānī ki āshray karanekā jo... yah gnāyak hī main hūn̐ aur yah sab mujhase par hai. is prakār kahaneke bād kyā karanā bākī rah jātā hai ki jisamen abhī jis prakārakā pariṇām-phal ānā chāhiye, vah nahīn ātā hai?

samādhānaḥ- nakkī karake gnāyakakā āshray nahīn letā hai. gnāyakakā jo āshray lenā chāhiye vah āshray letā nahī̃n. buddhise vichār kiyā, vichār-vichāramen rah gayā aur shraddhā kī. parantu gnāyakakā jo āshray lenā chāhiye vah āshray letā nahī̃n. main yah gnāyak hī hū̃n.

kṣhaṇ-kṣhaṇamen use jo laganā chāhiye, kṣhaṇ-kṣhaṇamen bhāsanā chāhiye ki main to gnāyak hī hū̃n. gnāyakakā āshray letā nahīn hai isaliye āge nahīn jātā. gnāyakakā āshray nahīn letā hai. āshray-dr̥uṣhṭi par or hai. nakkī to kiyā lekin āshray gnāyakakā lenā chāhiye, gnāyakakā āshray nahīn letā hai.

mumukṣhuḥ- gnāyakakā āshray yānī āpako kyā kahanā hai?

samādhānaḥ- yah gnāyak hai, yah gnāyak hai vahī main hūn̐, aisā kṣhaṇ-kṣhaṇamen antaramen gnāyak hī usakī dr̥uṣhṭimen bhāsit honā chāhiye. kṣhaṇ-kṣhaṇamen gnāyak dr̥uṣhṭimen bhāsit nahīn hotā hai. par bhāsatā, vibhāv bhāsatā hai, usakā vedan hotā hai. lekin gnāyakake antaramen jāya. main to gnāyak hī hūn̐, aisā use antaramen lagatā nahī̃n. usake āshrayamen ek gnāyak nahīn ātā hai. koī bhī kārya karate hue, main to bhinna hī hūn̐, vah jo use kṣhaṇ- kṣhaṇamen laganā chāhiye, vah lagatā nahīn hai. usakī laganī us prakārakī (lagī nahīn hai). gnāyakakā āshray nahīn letā hai. vichār kiyā, nirṇay kiyā kiyah gnānasvabhāv hī main hūn̐, lekin gnānarūp rahanekā svayam prayatna nahīn karatā hai. gnān so main, aisā nakkī kiyā, parantu vah gnātārūp kahān̐ rahatā hai? ekatvabuddhi hotī hai.

mumukṣhuḥ- mātājī! jab gnānamen nakkī hotā hai, jis prakārase bhinnatā hai, paradravyakī, vibhāvakī aur ek samayakī paryāy aur gnāyakabhāv, usakī jaisī bhinna hai vaisā vichār kiyā, aur yah vichār karane par aisā huā ki, sachamuch merā paramārtha svarūp to gnāyak hī hai. achchhā, dr̥uṣhṭimen arthāt ruchi apekṣhāse bhī vichār kiyā ki gnānamen to pahalū honese gauṇ-mukhya hote haĩn. lekin dr̥uṣhṭimen to vichār kiyā ki ek gnāyakabhāvake

PDF/HTML Page 605 of 1906
single page version

sivā kahīn bhī thoḍā bhī sukh nahīn hai. aur aise ... karatā nahī̃n.

samādhānaḥ- nakkī kiyā ki usamen sukh nahīn hai, vah nakkī vichāramen rahā, nakkī kiyā ki sukh nahīn hai. parantu vah sukh nahīn hai to usakā kārya, gnāyakako grahaṇ karake gnāyakakā āshray jo use antaramen ānā chāhiye, gnāyakakā āshray nahīn huā hai. gnānasvabhāv hūn̐, aisā nirṇay kiyā, lekin gnānasvabhāvarūp honekā prayatna nahīn karatā hai.

mumukṣhuḥ- āpase yah jānanā hai ki gnāyak honekā prayatna athavā gnāyak hotā nahīn hai, to gnāyak kaise honā?

samādhānaḥ- usakā āshray nahīn letā hai. use kṣhaṇ-kṣhaṇamen jo vichār, vikalpa āve us vikalpamay hī svayam ho jātā hai, us vakta bhinna kahān̐ rahatā hai? jo- jo vikalpa āve, vichār āve, us vikalpamay ekamek ho jātā hai. nakkī kiyā ki main to yah jānanevālā gnānasvabhāv hū̃n. koī bhī vikalpa, vichār āve usamen ekamek hotā hai. jo-jo vichār āte hain us vakta vichār karake dekhe to ekamek ho jātā hai, thoḍā bhī andar bhinna nahīn rahatā hai. bhinna hūn̐, aisā nakkī kiyā to usakā ekatvabuddhikā ras kam huā, sab huā, mandatā huyī, lekin vah bhinna nahīn rahatā hai. bhinna rahanekā bhedagnānakā prayatna nahīn karatā hai. nakkī kiyā ki main bhinna hū̃n. nakkī to kiyā, bhinna hū̃n. lekin bhinna rahanekā prayatna nahīn karatā hai.

mumukṣhuḥ- dūsarā prayatna to mātājī! ekāgratā ho aur vikalpa ṭūṭe to nirvikalpa anubhav ho, to-to aisā lage ki gnānarūp rahā. jabatak rāg ṭūṭe nahīn tabatak to shāstra kahatā hai aur āp kahoge ki ekatābuddhi hai aur rāgako tū terā mānatā hai. abhyās chāhe jitanā karate ho, bhinna rahanekā prayatna karate ho, to āpako bīchamen ek bāt karatā hūn̐ ki, aisā sādhan hai ki...

samādhānaḥ- bhinna hokar vikalpa ṭūṭe vah nirvikalpa hotā hai, vah to hotā hai, lekin usake pahale usakā bhedagnānakā abhyās nahīn hai. bhedagnānakā abhyāsa. vah vichār kare, sharīr jab kām karatā ho, kām karatā ho, bolatā ho, khātā ho, pītā ho us vakta use khyāl rahatā hai ki main bhinna hūn̐? pratikṣhaṇ khyāl rahatā hai? bhedagnānakā abhyās kahān̐ karatā hai? yah sharīr bhinna, yah bhinna, vikalpa bhinna, rāg bhinna, usase main bhinna hūn̐, aisā use bār-bār usakī pariṇatimen ātā hai? usakā abhyās to pahale hotā hai na? ekadam nirvikalpa ho vah kvachit kisīko hotā hai. ekadam bhedagnān hotā hai aur nirvikalpa ho jātā hai. pahale to usakā abhyās hotā hai.

mumukṣhuḥ- āpako to aisā kahanā hai ki itanā nakkī karaneke bād bārambār bhed abhyās honā chāhiye?

PDF/HTML Page 606 of 1906
single page version

samādhānaḥ- bhedakā abhyās honā chāhiye. pahale use sahaj nahīn hotā hai. sahaj bhale nahīn ho, lekin usake vichāramen us prakārase ātā hai. sahaj bhedagnānakī dhārā ho nirvikalpa honeke bād, vah alag bāt hai, use to sahaj hai. pratyek kāryamen sahaj hī hai. usake abhyāsamen chaubīs ghaṇṭemen jo-jo kārya aur jo-jo vichār chalate hon, usake andar svayaṅko kitanī bār bhinnatā bhāsyamān hotī hai?

mumukṣhuḥ- bhāsyamānamen to mātājī, aisā hai ki vikalpapūrvak to vichāramen lete hain ki main gnāyak hūn̐, yah mujhase bhinna hai. rāg ho to bhī mujhase bhinna hai. paradravyakī koī kriyā hotī ho to vah bhī main karatā nahīn hū̃n.

samādhānaḥ- lekin jab vah kisī kāryamen tanmay huā ho us vakta use bhinnatā rahatī hai yā nahīn?

mumukṣhuḥ- vah nahīn rahatā.

samādhānaḥ- jis samay tanmay hokar koī vichārommen ulajhā ho, us vakta use bhinnatā rahatī hai yā nahīn? to bhedagnānake abhyāsamen usakī kṣhati hai.

mumukṣhuḥ- utanā bhed abhyās honā chāhiye.

samādhānaḥ- hān̐, bhedagnānakā abhyās honā chāhiye. bār-bār nakkī kare ki main bhinna hī hū̃n. vichāronse nakkī karatā rahe, lekin usake kāyāmen, usakī pariṇatimen vah kitanī bār bhinna rah sakatā hai?

mumukṣhuḥ- vikalpapūrvak bhī nirantar bhinna nahīn rahatā hai, bāt sachchī hai.

samādhānaḥ- hān̐, bhinna kahān̐ rah sakatā hai? abhī to yah bhed abhyāsakī bāt hai. sahaj to bādamen hotā hai. bādamen kyā karanā hai? parantu yah bhedagnānakā abhyās karanā hai. bhinna nahīn rah sakatā hai. sādhanākī paryāy to aise hī pragaṭ hotī hai ki main chaitanya hūn̐, aisī dr̥uṣhṭikā jor aur āshray kab ho? ki bhed-bhinna paḍanekā prayatna abhyās ho to usakā āshray balavānarūpase hotā hai, nahīn to balavānarūpase vikalpakā āshray rah jātā hai. vikalpase nakkī karatā hai. bhale jorase nakkī kare ki main bhinna hī hū̃n. main bhinna hī hūn̐, bhinna hī hūn̐ yah yathārtha hai. to use itanā andar lage ki main bhinna hī hū̃n. bhinnarūp rahatā to nahīn hai. utanī andar ruchikī tīvratā honī chāhiye ki mujhe nishchit hai ki main bhinna hū̃n. lekin bhinna rah nahīn sakatā hai. utanā prayās nahīn hai.

nirṇay kiyā ki is gām̐vameen jānese nukasān hai. aisā nakkī kiyā. isamen sukhakā kāraṇ nahīn hai, is or jānese hī sukh hai. aisā nakkī kiyā to phir jo sukhakā rāstā hai, sukhakā dhām hai vahān̐ jānekā prayatna-prayās karatā nahīn hai, us or kadam

PDF/HTML Page 607 of 1906
single page version

baḍhātā nahī̃n. vichār karake khaḍe-khaḍe nakkī karatā hai lekin us orakā prayās kitanā hotā hai? nukasān hai, aisā nakkī kiyā to kyon jātā hai? utanī usakī ruchikī kṣhati hai. us or use duḥkh lage to bhī, us or duḥkhakā gām̐v-nagar hai to bhī us or jātā hai. aur is or kitanī bār prayās karatā hai?

shraddhākī balavattaratā ho to use kāryānvit karanā chāhiye. vichārase bhale shraddhā karatā ho. pahale aise vichārapūrvak shraddhā hue binā rahatī nahī̃n. lekin usamen aisā hai ki dhīre-dhīre ho, utāvalīse ho yā dhīre-dhīre ho parantu mārga grahaṇ kiyā hai, jis mārgako vichār karake grahaṇ kiyā use to barābar ṭikākar us or jānekā prayatna karanā. to use āge jānekā avakāsh hai. terī shraddhā tū barābar rakhanā. shāstramen ātā hai, ho sake to dhyānamay pratikramaṇ karanā, nahīn to shraddhā kartavya hai. shraddhā yānī usamen sab le lenā. vah to samyagdarshanapūrvak hai, phir bhī shraddhā to barābar rakhanā. prayatna terā kam ho, dhīre ho, tvarāse ho, koī bār thak jā to bhī terī vikalpapūrvakakī shraddhāko barābar dr̥uḍh rakhanā. to tujhe āge baḍhanekā avakāsh hai.

yadi tū thak jā aur āge nahīn baḍh sake to thakakar tū dūsare rāste par mat jānā. use to barābar grahaṇ karake rakhanā. gurudevane jo mārga batāyā aur tune vichārase antarase nakkī kiyā, svabhāvakā milān karake nakkī kiyā to use to tū barābar grahaṇ karake rakhanā. use to tū sam̐bhālakar hī rakhanā. usase bhī āge baḍhe vah alag bāt hai, lekin jahān̐ khaḍā hai utanā to sam̐bhālakar rakhanā. yah dhan sam̐bhālanekā kahate hain na? tere gahane, dhan ādi (sam̐bhālakar rakhanā).

vaise pañchamakālamen gurudev mile aur yah jo mārga batāyā, vah pañchamakālamen milanā mushkil thā. vah to gurudevane batāyā aur tūne vichārase nakkī kiyā to use barābar sam̐bhālakar rakhanā. utanī dr̥uḍhatā tū barābar rakhanā. idhar-ūdhar mārga par kahīn mat jānā.

mumukṣhuḥ- gnāyakako svayaṅko gnāyakapane ... nahīn aur savikalpa dashāmen bhī use us prakārakā prayatna karanā chāhiye ki māno rāg huā to rāgase bhinna jānanevālā hai, vah jānanevālā bhinna rahatā hai, aisā use abhyās karanā chāhiye. to āpake kahaneke bād is prakār vichāramen liyā, lekin abhī bhī bhāvamen barābar baiṭhatā nahī̃n. āp do-chār dr̥uṣhṭānta dekar is bātako adhik spaṣhṭa kījiye.

samādhānaḥ- amuk vichārase, amuk vichārase evan yuktise kahanemen āye. bākī karanā to svayaṅko hī paḍatā hai. kaise svayam bhinna paḍatā hai, vah to jis prakārakī svayaṅkī bhūmikā ho aur jis prakārakā svayaṅkā prayatna ho, us prakārase svayam hī bhinna paḍatā hai. yah to ek vichār evan yuktise kahanemen ātā hai ki, aisā vichār

PDF/HTML Page 608 of 1906
single page version

kare. bākī use sahaj honā chāhiye. vichār kyā karanā aur kaise karanā, vah svayam kahān̐ aṭakatā hai, aur svayam kyā karatā hai, vah svayaṅko hī grahaṇ karanā paḍatā hai.

vichār kare ki yah sharīr to jaḍ hai, kuchh jānatā nahī̃n. vah to jaḍ hai, usamen jo pudagalake....

mumukṣhuḥ- bahut sundar kahī. kudaratī baḍā din hai aur baḍī bāt ā gayī.

samādhānaḥ- ... abhyās karanā hai. utanā svayam kar sakatā hai. dravya par dr̥uṣhṭi karake bhedagnānakā abhyās (kare), ātmākā āshray lenā hai. usakā ātmākā āshray grahaṇ kare to usamen vikalpa chhūṭanekā prasaṅg ātā hai. bākī ekadam kisīko antarmuhūrtamen hotā hai vah alag bāt hai.

mumukṣhuḥ- ... samādhānaḥ- hān̐, yah shraddhā to barābar rakhanā.

prashamamūrti bhagavatī mātano jay ho! mātājīnī amr̥ut vāṇīno jay ho!

 

< Previous Page Next Page >