PDF/HTML Page 460 of 1906
single page version

samAdhAnaH- .. bhItarame.n AtmAko pahachAne. AtmAkA svabhAv hI dharma hai. AtmAme.n darshan hai, AtmAme.n j~nAn hai, AtmAme.n chAritra hai, sab AtmAme.n hai, AtmAse bAhar nahI.n hai. AtmA to koI alaukik vastu hai. usako pahachAne. usake svabhAvakI or dR^iShTi kare, usakA j~nAn kare, usame.n lInatA kare. sab AtmAke Ashrayame.n hotA hai. bAharake Ashrayase nahI.n hotA hai. mAtra shubhabhAv kare, nav tattvakI shraddhA aur shAstrakA j~nAn kar le, dravya-guN-paryAyakA aisA j~nAn kare aur chAritra-pa.nch mahAvrat, aNuvrat kare to aise laukik dharmakI mukhyatA nahI.n rahatI. alaukik dharmase mukti hotI hai. laukikase puNyabandha hotA hai. puNyabandha to jIvane ananta kAlame.n kiyA, lekin usase koI bhavakA abhAv nahI.n huA. puNyabandha huA, devalok huA to chAr gatikA bhramaN to vaise chAlU hI hai.

mumukShuH- jin dharmako dR^iShTi pradhAn dharma kahaneme.n mukhyatA barAbar banatI hai?

samAdhAnaH- dR^iShTi pradhAn dharma hai. AtmAkI or dR^iShTi kare, AtmAko pahachAne, AtmAkI svAnubhUti kare. usakI pradhAnatA rahatI hai. jain dharmakI pradhAnatA svAnubhUtime.n hai. dravya par dR^iShTi karaneme.n pradhAnatA rahatI hai.

gurudev kahate the na? svAnubhUti pradhAn jain dharma hai. svAnubhUtikI pradhAnatA rahatI hai. AtmAkI yathArtha svAnubhUti. dhyAn karate hai.n, kuCh log aisA kahate hai.n ki hame.n anubhUti ho gayI. aisA dhyAn karanese kalpit anubhUti ho jAy aisI anubhUti nahI.n. AtmAko pahachAn karake, AtmAkA astitva grahaN karake, j~nAyakakA bhedaj~nAn kare, j~nAyak par dR^iShTi kare bAdame.n svAnubhUti hotI hai. vah svAnubhUti yathArtha hai. vartamAname.n kitane hI log dhyAn karate hai.n, bahut karate hai.n. aisA dhyAn karate hai.n, kalpanA karate hai.n, kuCh milatA nahI.n hai. isaliye kuCh shAnti nahI.n hai, aisA kahate hai.n. mu.nbaIme.n koI aisA dhyAn karake kahate hai.n, hamako shAnti nahI.n hai.

AtmAko grahaN nahI.n karate hai.n. AtmAkA astitva grahaN kiye binA dhyAn kare to aise kalpanA mAtra ekAgratA kare. vikalpako manda kare aur shubhabhAvarUp hove phir (kahe), mujhe prakAsh huA, aisI kalpanA ho jAtI hai. parantu AtmAke svabhAvako pahachAne

PDF/HTML Page 461 of 1906
single page version

aur AtmAkI or dR^iShTi kare, AtmAkA yathArtha j~nAn kare. bAdame.n usakI svAnubhUti yathArtha hotI hai. yathArtha j~nAnapUrvak yathArtha dhyAn honA chAhiye.

mumukShuH- yathArtha j~nAnapUrvakame.n dR^iShTipradhAn honA chAhiye.

samAdhAnaH- hA.N, dR^iShTipradhAn honA chAhiye. yathArtha j~nAn usako kahate hai.n ki jisame.n dR^iShTikI pradhAnatA rahatI ho. dR^iShTikI pradhAnatA rahatI hai, vah muktikA mArga hai. dR^iShTi dravya par dR^iShTi karanese (hotA hai).

mumukShuH- ... sAgar uChal rahA hai. apane chidAnda prabhume.n ananta shaktikA sAgar paDA huA hai. vartamAname.n j~nAnashakti aur darshanashaktikA a.nsh khulA huA hai. us vartamAn darshan, j~nAnakI shaktiko-a.nshako svabhAvakA a.nsh, ToDaramalajI sAhabane bhI pharamAyA hai. lekin jab anubhavame.n a.ntarakI or j~nAn jhukatA hai, us kAlame.n j~nAn, darshan dono.n hI svarUpakA svasa.nvedan Ananda letA hai. to vah darshan letA hai yA j~nAn letA hai? vartamAn khulA huA a.nsha.

samAdhAnaH- darshan bhI letA hai aur j~nAn bhI letA hai aur lInatA bhI letA hai. darshanakI paryAy.. darshan arthAt pratItarUp darshan lenA chAhiye. avalokanarUp darshan hai vah to avalokanarUp hai. pratItarUp jo darshan hai, usakA anubhav vedaname.n AtA hai. j~nAname.n bhI AtA hai aur chAritrame.n bhI AtA hai.

mumukShuH- j~nAnakI hI mukhyatAse AtmA svabhAvakI ana.nt shaktio.nke vedaname.n pratyakSha A jAtA hai jAnaneme.n, AtmAkI anubhUtime.n...?

samAdhAnaH- dR^iShTike jorase svAnubhUti hotI hai. dR^iShTikA jor hove to svAnubhUtI hotI hai. mAtra akele j~nAnase nahI.n hotA. dR^iShTike jorase svAnubhUti hotI hai. dR^iShTike jor binA j~nAn sachchA nahI.n ho sakatA. dR^iShTikA jor hotA hai to j~nAn sachchA hotA hai. dR^iShTike jor binA svAnubhUtime.n aisI lInatA hotI nahI.n. dR^iShTike jor binA akele j~nAnamAtrase nahI.n hotA. j~nAn to sAthame.n rahatA hai.

mumukShuH- lakShaN jo..

samAdhAnaH- vah avalokanarUp darshan hai aur vah pratItarUp darshan hai.

mumukShuH- vah pratItarUp shraddhAkI paryAyame.n chalA jAtA hai.

samAdhAnaH- hA.N, shraddhAkI paryAya. yah darshanaguName.n avalokanarUp hai.

mumukShuH- j~nAn bhI to sAthame.n hotA hai. darshanakA a.nsh khulA hai, vaise j~nAnakA a.nsh j~nAnopayog bhI khulA hai. to j~nAnopayog aur darshanaupayogame.nse darshan upayog a.ntarame.n avalokan karatA hai yA j~nAnakA upayog andar jAtA hai vah avalokan karatA hai?

samAdhAnaH- dono.n avalokan karate hai.n. pratItake jorase bhItarame.n jAtA hai to sAmAnyarUp

PDF/HTML Page 462 of 1906
single page version

darshan bhI sAthame.n hai aur visheSh j~nAn bhI sAthame.n hai. dono.n avalokan karate hai.n. avalokanarUp to dono.n hote hai.n.

mumukShuH- sAmAnya avalokaname.n to vah bhed nahI.n pADatA.

samAdhAnaH- bhed nahI.n pADatA, vah to sattAmAtra (grahaN karatA hai). sattAmAtra avalokan usame.n AtA hai. j~nAname.n bhed AtA hai. j~nAn sAmAnyako jAnatA hai, j~nAn visheShako jAnatA hai. j~nAn sabako jAnatA hai. darshaname.n sattAmAtra AtA hai.

mumukShuH- darshan svasa.nvedan na lagAkar j~nAnakA svasa.nvedan aisA bAr-bAr jinAgamame.n AtA hai ki yah anubhUti j~nAn svasa.nvedanase hotI hai.

samAdhAnaH- j~nAnakA svasa.nvedan.. darshanakI bAt usame.n lete nahI.n hai. sAmAnya upayog hai isaliye j~nAnakI bAt lete hai.n. j~nAn visheSh hai isaliye. darshan to sAthame.n rahatA hai. isaliye j~nAnakI bAt lete hai.n. j~nAn visheSh hai na. sAmAnya aur visheSh dono.nko jAnatA hai. darshan samAnya hotA hai isaliye usakI bAt nahI.n AtI hai, j~nAnakI bAt AtI hai.

... dono.n sAthame.n rahate hai.n. pariNati to chalatI rahatI hai. upayog bhale bAhar jAye to bhI pariNati jo svasanmukh amuk pariNati A.nshik ho vah pariNati shraddhAkI pariNati, svAnubhUtikI yA bAhar Aye savikalpa dashAme.n to bhI amuk pariNati chalatI rahatI hai. upayog bhale bAhar jAye. j~nAyakakI j~nAyakarUp pariNati shuddha pariNati amuk a.nshame.n pragaT huyI hai, vah chalatI rahatI hai. upayog bhale bAhar jAya. amuk labdhame.n, usakI amuk pariNati chalatI rahatI hai.

mumukShuH- dono.nkI sAth chalatI hogI? nirvikalpa pratItirUp to shraddhAkI hai aur nirvikalpa dashAme.n jitanI shuddhikA a.nsh baDhA utanI pratItirUpake sAth sthiratArUp...

samAdhAnaH- pratItirUp aur sthiratArUp pariNati chalatI rahatI hai. usame.n j~nAn jo amuk ughADarUp rahatA hai, upayogarUp bhale nahI.n rahatA hai to bhI. labdharUp kahate hai.n na? labdha hai yAnI gupta hai aisA nahI.n, parantu labdha yAnI amuk ughADarUp usakI pariNati rahatI hai. upayog bhale bAhar jAye to bhI j~nAnakI rahatI hai, pratItakI rahatI hai, chAritrakI rahatI hai. shuddha pariNati rahatI hai.

mumukShuH- aisI dashA sahajapane chalatI rahatI hai?

samAdhAnaH- sahajapane chalatI rahatI hai. sahaj puruShArtha hai. sahaj yAnI usakI kR^itakR^itya dashA ho gayI aisA nahI.n, parantu sahaj puruShArtha chalatA hai. aisA sahaj puruShArtha svasanmukh (chalatA hai). amuk pariNati to sahajarUp chalatI hai, usake sAthame.n puruShArtha bhI rahatA hai. sAdhakadashA hai to sahaj puruShArtha to sAthame.n rahatA hai.

PDF/HTML Page 463 of 1906
single page version

mumukShuH- sahaj puruShArtha lAgu paDatA hai?

samAdhAnaH- sahaj puruShArtha rahatA hai. dravya svaya.n kR^itakR^itya (hai). dravya apekShAse pUrNatA parantu amuk a.nsh abhI to paryAyame.n pragaT huA. puruShArtha sahaj sAthame.n rahatA hai.

... shuddha pariNati sAthame.n ho, dravya par dR^iShTi ho, bhedaj~nAnakI dhArA chalatI ho to use vyavahAr pUjA kahaneme.n AtA hai. nahI.n to vyavahAr kahaneme.n Aye, us prakArakA vyavahAr kahaneme.n Aye. akelA vyavahAr vah vAstavik vyavahAr nahI.n hai. nishchayake sAth vyavahAr ho vah vyavahAr hai. use bhAvanA hai, jij~nAsA hai ki mujhe AtmA kaise pragaT ho? dravya par dR^iShTi kaise pragaT ho? vItarAgabhAvakI bhAvanA kare, jij~nAsA kare. j~nAyak... aur shuubhabhAv sAthame.n Aye vah to shrAvako.nko vah vyavahAr hotA hai. bAkI sachchA vyavahAr to samyagdarshanapUrvak hotA hai.

mumukShuH- ... dR^iShTime.n na nishchayakA vyavahAr, na paryAyakA paralakShyI vyavahAr..

samAdhAnaH- nishchay nahI.n hai, vyavahAr nahI.n hai, dravya par dR^iShTi nahI.n hai. nishchay nahI.n pragaT huA hai, vyavahAr pragaT nahI.n huA hai.

... samyagdarshan hai, usake sAth a.ntarame.n sthir nahI.n ho sakatA hai, isaliye shubhabhAv sAthame.n AtA hai. aur shubhabhAvake sAth bAhya aShTa dravya Ate hai.n. usase pUjA kare, isaliye use vyavahArakA Arop AtA hai. vastuko vyavahArakA Arop vah sthUl vyavahAr hai. andar shubhabhAvakA vyavahAr... aur andar shuddha pariNatipUrvak ho to kahaneme.n Aye.

mumukShuH- kharekhar to apanI hI pUjA ..

samAdhAnaH- dravya par dR^iShTi hai, AtmAkI mahimA hai. parantu bAhar shubhabhAvame.n vItarAgatAkI mahimA AtI hai, shubhabhAvame.n. vItarAg jinendra dev vItarAg ho gaye, svarUpame.n jam gaye, sthir ho gaye. aho..! vItarAgadashA! jinendra dev, jinho.nne vItarAgI dashA pragaT kI hai. jo AtmAme.n sa.npUrNarUpase samA gaye hai.n. unakA jise Adar hai ki vah dashA Adarane yogya hai. dhanya hai vItarAgI dashA! jinendra dev! is tarah use bhagavAnake Upar mahimA AtI hai. isaliye use pUjAkI bhAvanA AtI hai.

bhagavAnakA kis prakAr Adar karu.N? isaliye samyagdR^iShTiko gR^ihasthAshramame.n AdarakA mahimAkA bhAv AtA hai, isaliye pUjA karatA hai. bhagavAn par mahimA AtI hai. unakI vastue.N ChUT gayI hai aur sarvasa.ngaparityAg huA hai, isaliye bhagavAnake darshan karate hai.n. darshan karake bhI mahimA karate hai.n, stotra rachate hai.n, sab karate hai.n. aur gR^ihasthAshramame.n khaDA hai, sab chIj-vastu Adi hotI hai. tyAgI nahI.n huA hai. isaliye bhagavAnako amuk vastue.N chaDhAtA hai. vastukA tyAg (karatA hai). gR^ihasthAshramame.nse tyAg karake bhagavAnako chaDhAtA

PDF/HTML Page 464 of 1906
single page version

hai aur bhagavAnakI mahimA karatA hai. svaya.n apane sharIrake liye, kuTumbake liye sab karatA hai, bhagavAn to sarvotkR^iShTa hai isaliye bhagavAnakI pUjA aur mahimA AtI hai, isaliye pUjA karatA hai. uttam vastuo.nse pUjA karatA hai. j~nAyakakI j~nAyakadhArA ChUTatI nahI.n hai. usame.n ekatvabuddhi nahI.n hotI hai. sAthame.n j~nAyakatA khaDI rahatI hai. shubhabhAv AtA hai. j~nAyakatA bhedaj~nAn (chAlU hai).

jo shubhabhAv AtA hai us kShaName.n j~nAyakakI dhArA usakI bhinna hI hai. to bhI use aisI mahimA AtI hai. shubhabhAvame.n sthiti kam paDatI hai, parantu use bhagavAn par bahut bhAvanA AtI hai. isaliye shubhabhAvame.n mithyAdR^iShTiko jo ras paDatA hai, usase samyagdR^iShTiko jo ras paDatA hai, sthiti kam paDatI hai. kyo.nki yadi a.ntarame.n samA jAye to turanta (ChUT jAtA hai). use la.nbI sthiti nahI.n paDatI hai. mithyAdR^iShTiko sthiti paDatI hai aur ras paDatA hai. kyo.nki use svabhAvakI mahimA hai. AtmAkA svarUp jAnA aur svabhAvakI mahimA AyI hai. svAnubhUti dashAme.n aur pratItame.n jo mahimA AyI hai, yah a.nsh jo pragaT huA hai, pUrNatAkI jo mahimA AyI hai, vah mahimA svaya.n andar sthir nahI.n ho sakatA hai (to) bhagavAn par mahimA AtI hai. shubhabhAv AtA hai ki bhagavAnane sarvotkR^iShTa kevalaj~nAn dashA pragaT kI, vItarAg dashA pragaT kI, dhanya hai vah vItarAg dashA! aise shubhabhAvame.n mahimA AtI hai, isaliye bhagavAnakI bhakti karatA hai, stuti karatA hai, pUjA karatA hai. parantu usI kShaN apanI j~nAyakakI bhedaj~nAnakI dhArA use bhinna hI vartatI hai.

padmana.ndI AchAryane bhagavAnake stotra rache hai.n. he bhagavAn! ye bAdalake TUkaDe kyo.n ho gaye? ki indro.nne jo nR^itya kiyA usame.n unakA hAth (aiso huA to) bAdalake TUkaDe ho gaye. bhagavAn! mai.n har jagah Apako dekhatA hU.N. is prakAr bhagavAnakI stuti karate hai.n. Ap hI jagatame.n sarvotkR^iShTa ho, Ap hI Adar karane yogya ho. is prakAr bhagavAnakI stuti (karate hai.n).

Apake darshanase yah hotA hai, Apake darshanase pAp naShTa hote hai.n, Apake darshanase... anek prakArakI stuti karate hai.n. parantu a.ntarame.n j~nAyakakI bhedaj~nAnakI dhArA bhinna vartatI hai. vah bAharame.n dikhAyI nahI.n detI, parantu a.ntarakI usakI pariNati bhinna vartatI hai.

mumukShuH- ... dhArA chAlU hai, isaliye andarame.n use j~nAyakakI pakaD chAlU rahatI hai. to usI prakAr jij~nAsuko bhI bhagavAnakA bahumAn karate hue...

samAdhAnaH- bhagavAn vItarAg ho gaye. us vItarAgatAkA svaya.nko Adar hai, svaya.nko ruchatA hai. usakI ruchi anusAr rahatA hai. mujhe AtmA kaise pragaT ho? bhagavAnane jo AtmA pragaT kiyA, vaise AtmAkA mujhe Adar hai. vah AtmA mujhe kaise pragaT ho?

PDF/HTML Page 465 of 1906
single page version

aisA j~nAyak mujhe pragaT ho, aisI j~nAyakakI pariNati mujhe pragaT ho. aisI a.ntarame.n bhAvanA (hotI hai). bhagavAnane aisI dashA pragaT kI, vah dashA Adarane yogya hai.

vaisA AtmAkA svarUp hai. jaise bhagavAn hai.n, vaisA mai.n hU.N. aisA AtmA mujhe kaise pragaT ho? aisI ruchi use sAthame.n (hotI hai). ruchivAnako aisI ruchi honI chAhiye. use bhagavAnakI vItarAgI dashAkA Adar hai. bhagavAnakA anupam svarUp hai, vaisA merA svarUp hai. vah mujhe kaise pragaT ho, aisI bhAvanA sAthame.n honI chAhiye.

mumukShuH- yAnI usame.n usakI ruchi puShTa hotI hai?

samAdhAnaH- ruchi puShTa hotI hai. vItarAg dashAkI ruchi. AtmAkI ruchi puShTi hotI hai. jaisA bhagavAnakA AtmA hai, vaisA merA AtmA hai. aisA AtmA mujhe kaise pragaT ho? AtmAkI ruchiko puShTa karatA hai.

mumukShuH- bhagavAnako dekhakar use aisI bhAvanA hotI hai ki aisA sa.npUrNapanA mai.n kaise prApta karu.N.

samAdhAnaH- hA.N, kaise prApta karu.N? aisA svarUp mujhe kaise prApta ho? bhagavAnane jo mArga a.ntarame.n pragaT kiyA, vaisA mujhe kaise ho? prAra.nbhase lekar a.nt tak bhagavAnane jo pragaT kiyA, vah sab mujhe kaise pragaT ho? usakI svaya.nkI ruchiko puShTa kare. vah svaya.n vItarAgI dashAkA Adar karatA hai. use bhedaj~nAnakI dhArA nahI.n rahatI hai, parantu apanI bhAvanA aur ruchiko puShTa karatA hai. jij~nAsu ho vaha. bAkI to jo oghe-oghe rUDhigatarUpase karatA ho, usakI bAt nahI.n hai. jij~nAsu ho,.. bhagavAn jaisA svarUp mujhe kaise prApta ho?

jin pratimA jin sArakhI. jin pratimA jin sArakhI, alpa bhav sthiti jAkI, so hI jin pratimA pramANe jin sArakhI. jisakI bhav sthiti alpa hai vah jin pratimAko... jineshvar jaisI... kyo.nki bhagavAnakI mudrA jo hai samavasaraName.n baiThe ho.n, vaisI mudrA jin pratimAme.n (hotI hai). is prakAr bhagavAn yAd Aye. bhagavAnakI mudrA dekhakar bhagavAn yAd Aye. us prakAr bhagavAnako jo svIkAratA hai ki yah bhagavAnakI hI mudrA hai. mAno bhagavAn baiThe ho.n! aisA svIkAratA hai. alpa bhav sthiti jAkI so hI... a.ntarame.n ruchipUrvaka.

mumukShuH- vItarAg bhagavAnakA bi.nb dekhakar use andarame.n chaitanya..

samAdhAnaH- ise apanA chaitanyabi.nb yAd Aye. Ta.nkotkirNa chaitanyabi.nb bhI aisA hI hai. svarUpame.n lIn ho jAye aisA hai. bAhar jAnA vah merA svarUp nahI.n hai. a.ntarame.n jAnA vahI is chaitanyadevakA svarUp hai. jaise bhagavAn hai.n, vaisA hI mai.n hU.N.

(bhagavAnake) dravya-guN-paryAyako jAne, apane dravya-guN-paryAyako jAne. bhagavAn kaise

PDF/HTML Page 466 of 1906
single page version

hai.n? bhagavAnakA dravya kaisA? unake guN kaise? unakI paryAy kaisI pragaT huyI? is prakAr svaya.nko vichAr AnekA ek mahA... svaya.n puruShArtha kare to. bhagavAnakA svarUp chAro.n orase vichAre. kShaN-kShaName.n j~nAyak yAd Aye. ruchivAnako aisA hotA hai ki bhagavAn mere hR^idayame.n rahe. jaise bhagavAn hai.n, vaisA hI merA AtmA hai. use gaharAIme.n aisI ruchi rahatI hai ki mujhe merA Atmadev kaise pragaT ho? aisI ruchi andar sAthame.n rahanI chAhiye. aisA puruShArtha mai.n kab karu.N? is prakAr puruShArtha karanese prApta hogA. is prakAr samajhan sAthame.n honI chAhiye. shrAvak gR^ihasthAshramame.n ho, usake bajAy mandirame.n jAye to ek shubh pariNAm honekA kAraN hotA hai. parantu jij~nAsu ho to vichAr karanekA avakAsh hai. jo nahI.n samajhatA hai, (to) rUDhigatarUpase to sab chalatA hI hai.

mumukShuH- shAstrame.n to ek hI pahalU Aye, isame.n to mAno pUrA svarUp jIva.ntarUpase khyAlame.n Aye us prakArase grahaN karanekA kAraN banatA hai.

samAdhAnaH- hA.N, kAraN banatA hai. chAro.n orase vichAr karanekA... puruShArtha kare to vichAr kar sake. vichAr karanekA kAraN bane. bhagavAn jinendra devakI mahimA Anese bhI vichAr karanekA kAraN banatA hai. sAkShAt gurukI vANI ho usakI to kyA bAt karanI! ... samajhA nahI.n, usame.n sAkShAt vANI kAraN banatI hai. bhagavAnakI, gurukI vANI sAkShAt ho to andarase chaitanyako palaTanekA kAraN banatA hai. chaitanyamUrti. parantu yah jinendra pratimAkI bhI utanI hI mahimA shAstrame.n AtI hai. niddhat aur nikAchit karma, bhagavAn jinendra devakI pratimAse ChUT jAte hai.n, aisA AtA hai. parantu us prakArakI apanI pariNati taiyAr honI chAhiye. nimitta to ... rUDhigatarUpase nahI.n hotA hai, samajhanapUrvak ho to hotA hai.