karanA to svayamko hai puruShArtha karake. usake tattva vichAr, bhedagnAnakA prayatna, parase ekatvabuddhi toDanI, bhedagnAn karanA sab svayamko karanA hai. dev-guru-shAstrakI mahimA, gnAyak- -gnAyakakA raTan sab apaneko karanA hai.

mArga batAnevAle gurudev is manuShyabhavamen mile. anubhUti muktikA mArga hai. vikalpa toDakar AkulatA (chhoDakar)... nirAkul svabhAv AtmA hai, gnAnasvabhAv AtmA hai. main gnAn hUn, ye sab kuchh main nahIn hUn. main to shubhAshubh bhAvase bhinna main gnAyak svabhAv hUn. shubhAshubh bhAv apanA svabhAv nahIn hai. bIchamen Ate hain, to bhI apanA svabhAv nahIn hai. to usako hey jAnakar gnAyak svabhAvakA abhyAs karanA, vah karanA hai. apanA svabhAv hai usako bhUl gayA hai. to usako grahaN karanA chAhiye. shAstramen AtA hai na? vah parakA vastra oDhakar so jAtA hai. guru batAte hain ki, uTh! terA yah svabhAv nahIn hai. ye to parakA hai. tU grahaN kar le. tere svabhAvako lakShaN dekhakar pahachAn le. jab lakShaN khyAlamen Ave tab bhedagnAn karatA hai. yah karanA hai, vahI ek svAnubhUtikA mArga hai. bhedagnAn karanA vahI. gurudevake pAs samajhe hain.

mumukShu- Apake pAs sIkhane milegA. samAdhAna- ananta kAlase samajh binA paribhramaN huA hai. sachchA samajhan kare to muktikA mArga mile. antar AtmAkA lakShaN pahachAne. AtmAkA kis svabhAvase hai, use grahaN kare.