mumukShu- rAg aur gnAn bhinna hai, yah kaise nakkI karanA?
samAdhAna- rAgakA svabhAv bhinna hai aur gnAnakA svabhAv bhinna hai. rAg hai vah AkulatArUp hai. rAg kahIn shAntirUp nahIn hai. vah to AkulatArUp hai, viparIt svabhAv hai. aur AtmAkA svabhAv jAnanekA hai-gnAyaka. vah gnAyak hai vah shAntirUp hai, AnandarUp hai. aur rAg hai vah AkulatArUp hai. isaliye dononke svabhAv bhinna hai, ata donon bhinna hain.
do bhinna-bhinna svabhAv ho, vah kisI bhI prakArase ek nahIn ho sakate. jaise shItalatA pAnIkA svabhAv, agnikA uShNatA svabhAv hai. uShNatA aur shItalatA donon virUddha svabhAv hai. vaise rAg aur gnAn donon virUddha svabhAv hai. isaliye donon bhinna hain. dononke lakShaN bhinna, jinakA svabhAv bhinna hain, vah donon vastu hI alag hai. gnAn bhinna hai, rAg bhinna hai, donon bhinna hain. isaliye dononko lakShaN pahichAnakar bhinna karanA ki AtmA shAnti, gnAyak-jAnanevAlA hai aur rAg hai so AkulatArUp hai. dononko lakShaNase bhinna karanA ki yah jAnanevAlA main aur ye rAg main nahIn hUn.
gnAyakamen lInatA karanI, gnAyakako grahaN karanA, gnAyakakI or dRuShTi karanI vahI muktikA mArga hai. rAgako apanA mAnA, rAg-or dRuShTi karanese paribhramaN utpanna hotA hai. usIse janma-maraN hote hain. rAgase, yah sharIr Adi bandhatA hai aur anek jAtake bhav prApta hote hain. gnAyakako jAnanese bhavakA abhAv hotA hai aur chaitanyakI svaparyAy shuddha paryAyakI utpatti hotI hai. isaliye gnAyakako jAnanA. usamen hI Ananda, shAnti, sukh sab usamen bharA hai. donon vastu hI bhinna-bhinna hain.
gurudev kahate the, bhagavAn AtmA bhinna hai aur ye bhinna hai. utanA hI AtmA hai (ki jitanA yah gnAn hai). jitanA rAg hai vah vibhAv hai. jahAn-jahAn rAg dikhe, jo-jo pariNamanamen vah sab vibhAv hai. gnAn hai vahI AtmA hai, gnAyak hai vahI AtmA hai. vahI sarvasva hai aur bAkI sab par vibhAv hai. vastu hai, koI alag vastu hai. use grahaN karanese usakI jo adabhUt paryAyen hain vah pragaT hotI hai.
mumukShu- Ananda gnAyakabhAvamense-svabhAvamense hI AtA hai? yA usake guNamense AtA