hai yA vAstavamen AtmA dravya aur paryAyake pradesh bhinna-bhinna hain?
samAdhAna- bhAvabhedase bhinna hai.
mumukShu- gurudev to aisA kahate the, aisA bahut log kahate hain.
samAdhAna- paryAy svayam svatantra hai aur dravya svatantra hai. dononkI svatantratA darshAne hetu usake pradesh (bhinna kahanemen Ate hain). paryAyakA aur dravyakA svarUp bhinna hai. isaliye usake pradesh bhinna hai. parantu yadi chaitanyakI vibhAvaparyAy jaD hI karatA ho to use chhoDanA rahatA nahIn, use kuchh puruShArtha karanA nahIn rahatA hai. vibhAvaparyAy hotI hai apane puruShArthakI mandatAse aur vah nij svabhAv nahIn hai. svabhAv nahIn hai, jisakA svabhAv bhinna usakA kShetra bhinna, vah vastu bhinna Adi sab usake bhAv apekShAse bhinna kahanemen AtA hai.
parantu jaise do dravya svatantra hain, ek chaitanyadravya, dUsarA jaDadravya, vah donon svatantra hain, vaise hI dravya aur paryAy vaise hI svatantra ho to paryAy svayam hI dravya ho jAya. to vah do dravya bhinna ho jAya. parantu do dravya bhinna hain, usI apekShAse dravya aur paryAy usI apekShAse bhinna hain, aisA nahIn hai.
dravya svayam shAshvat trikAl hai aur ananta guNase bharA dravya hai aur paryAy kShaNik hai evan ek ansh hai. aur dravya sat, guN sat, paryAy (sat). paryAy bhI ek sat hai. use sat batAneke liye aur vah bhI ek sat svarUp hai, vah darshAne hetu usake pradesh bhinna kahanemen Ate haiain. parantu vAstavamen jaisA AtmAkA kShetra bhinna hai aur jaisA kShetra pudagalakA bhinna hai, vaisA hI usakA kShetra bhinna ho to do dravya ho jAya. paryAy hai vah dravyake Ashrayase hotI hai. paryAy akelI svatantra Upar-Upar nahIn hotI hai. isaliye paryAyako dravyakA Ashray hotA hai. us apekShAse do dravya bhinna hain, vaisI hI paryAy svatantra nahIn hai. parantu amuk apekShAse usakI paryAy sat hai aisA batAneke liye, usakA bhAv bhinna hai, isaliye kShetra bhinna, isaliye vastu bhinna hai, aisA kahanemen AtA hai.
mumukShu- gnAn bhinna, rAg bhinna. rAgakA pradesh nirmal paryAyake na mAne, lekin rAgakA pradesh bhinna mAnanemen koI dikkat AtI hai?
samAdhAna- rAgakA pradesh bhale hI bhinna mAne. usamen koI dikkat nahIn AtI. parantu vah apane puruShArthakI mandatAse hotA hai. gnAnakI nirmal paryAy hai usakA to vedan hotA hai aur nij svabhAvarUp pariNati hai. aur ye to vibhAvarUp pariNati hai. isaliye usake pradeshabhed mAnanemen dikkat nahIn AtI, parantu vah apane puruShArthakI mandatAse hotA hai, usakA lakShya honA chAhiye. vah bilakUl jaDake hI hain, to svayamko puruShArtha karanA nahIn rahatA hai.