254

mumukShu- vahI kahatI hUn ki puruShArtha aur karma. hamAremen puruShArtha aur karma dononko karIb ek sthAnamen rakhate hain ki Apane Apake karma kaise bAndhate ho aur kaise chhoDate ho, us par Apake AtmAkI unnati ginI jAtI hai.

samAdhAna- bAhya sanyog prApta karanA, paise milanA, ye milanA, dUsarA sab milanA vah puNya-pApake kAraN hai. parantu andaramen jo rAg-dveSh hote hain, sankalpa-vikalpa (hote hain), vah karma nahIn karavAte. yadi karma hI karavAte hon... usamen karma nimitta hai. yadi rAg-dveSh karma kare aisA ho to svayam parAdhIn ho gayA. to kisIko ham aisA nahIn kah sakate ki tU rAg mat karanA, tU dveSh mat karanA. to upadesh kaise diyA jAy ki tU aise doSh mat kara. tU yahAnse vApas muD jA, tU aisA mat kara. aisA kyon kahanemen AtA hai? ki svayam kar sakatA hai aur vApas muDatA hai. isaliye puruShArthamen svayam svatantra hai. usamen svayamke jo pariNAm hote hain, vah pariNAm badalanamen svayam svatantra hai. usamen karma nimitta hai. parantu pariNAm kaise badalanA vah apane hAthakI bAt hai.

parantu bAhya uday jo Aye, sharIramen rog AyA, koI ashAtA vedanIy AyI, dhan mile, na mile, vah sab svayam badal nahIn sakatA. kisIko achchhA dhandhA mile, kisIko na mile, vah sab svayam badal nahIn sakatA. parantu apane bhAvako svayam badal sakatA hai. rAg-dveSh kitanA karanA aur kaise karanA, vah svayam badal sakatA hai. rAg-dveShako jaise badal sakatA hai ki svayam shAnti rakhanI, chAhe jaise sanyog Aye to AkulatA nahIn karanI, khed nahIn karanA, vah jaise badal sakatA hai, vaise svayam apane svabhAvako pahichAnanA, parase bhinnatA karanI, AtmAmen jAnA, vah sab svatantrarUpase svayam kar sakatA hai. bhAv badal sakatA hai. parantu bAharakI nahIn kar sakatA. bAharakA sab puNyAdhIn hai. lekin rAg-dveSh palaTakar antaramen jAnA, vah (karanemen) svayam svAdhIn hai.

yadi rAg-dveSh bhI palaT na sake to-to jIv ekadam parAdhIn ho gayA. rAg karma karAve, dveSh karma karAve, ab main kyA karun? mujhase kuchh nahIn ho sakatA. to upadesh vyartha jAtA hai. AchArya aisA kahate hain, tU rAg-dveSh mat kar, tU vikalpa mat kar, tU shAnti rakha. vah sab upadesh vyartha hai. svayam badal sakatA hai, shAnti rakh sakatA hai. karma hI karavAtA ho to upadesh kyon? isaliye karma apane bhAvako nahIn kar sakatA. rAg-dveShamen svayam juDatA hai aur badalatA bhI svayam hai. vah apane hAthakI bAt hai. svabhAvako pahichAnanA, usakA puruShArtha karanA usake liye AtmA svatantra hai.

mumukShu- matalab karmakA bandhan AtmAko us jAtakA hai hI nahIn?

samAdhAna- karmakA bandhan to hai, bandhan hai. use karmakA bandhan, ATh prakArake karma jIvako bandhate hain. gnAnako rokanevAle, darshanako rokanevAle, mohanIyamen nimitta ho,