samAdhAna- .. shuddhAtmAko kaise pahachAne, aisI antar dRuShTi, main gnAyak chaitanya hUn, aise nirantar use lagan lage to use pratikShaN usakA bhedagnAn antaramense pragaT ho ki yah vikalpa main nahIn hUn, main chaitanya hUn, chaitanya hUn, aisI dhArA antaramense gnAnadhArA pragaT ho to usakA vikalpa TUTakar, svAnubhUti ho aisI apUrva dashA (ho), use samyagdarshan kahanemen AtA hai. aur usamen lInatA baDhate-baDhate svarUp ramaNatA ho tab chAritradashA (hotI hai). vah antaramense pragaT hotI hai. bAkI shubhabhAvarUp ho vah puNyabandha hotA hai. lekin usase bhavakA abhAv nahIn hotA. aise gurudevakI vANImen bArambAr vah AtA thA. shAstrommen bhI usI prakArase AtA hai. ananta janma-maraN kiye lekin usamen bahut bAr....
AtmA bhinna aur sharIr bhinna, donon bhinna tattva hain, us tattvako pahachAnanA. sankalpa- vikalpa ho vah AtmAkA svabhAv nahIn hai, sab vibhAvabhAv hain. usase bhinna AtmAkA svabhAv pahachAnanA vah karanekA hai. chaitanyatattvakA svabhAv bhinna hai, use pIchhAnanA. usake liye tattva vichAr, vAnchan, dev-guru-shAstrakI mahimA ek AtmAko pIchhAnaneke liye (hote hain). dhyey ek honA chAhiye ki mujhe gnAyak AtmA kaise pahichAnamen Aye? gnAyakatAse bharA huA hai. usamen AnandAdi ananta guN hain, usase pIchhAnanekA prayatna karanA. usakI lagan, usakI mahimA, usakA vichAr, vAnchan sab karane jaisA hai.
gurudevakI vANImen to koI apUrvatA AtI thI. AtmAkI apUrvatA batAte the. ananta kAlamen bAharakA bahut kiyA. kriyAen kI, ye kiyA lekin AtmAko pahachAnA nahIn AtmA koI apUrva vastu hai. ek samyagdarshan jIvane ananta kAlamen prApta nahIn kiyA hai aur jinavarasvAmI mile nahIn. arthAt svayamne pIchhAnA nahIn hai. isaliye mile vah nahIn milaneke barAbar hai. ek samyagdarshan prApta nahIn huA hai aur ek bhagavAn nahIn mile hain. sachche dev-guru-shAstrako jo pIchhAne vah svayamko pIchhAne. svayamko pIchhAne vah dev-guruko pIchhAnatA hai. isaliye chaitanyako pIchhAnanekA prayatna karane jaisA hai.
AtmA jAnanevAlA tattva hai. usamen sukh, usamen Ananda sab hai. bAharamen jo mAnA hai, bAharamen kuchh nahIn hai. bAharase AtmAmen AtA nahIn. jisako jo svabhAv hai, usamense