294 pragaT hotA hai. gnAn gnAnamense, Ananda Ananda svabhAvamense pragaT hotA hai. shubhabhAv bIchamen AtA hai, lekin shubhabhAv bhI puNyabandhakA kAraN hai. shuddhAtmAko pahachAne to antarase shuddha paryAy pragaT ho aur bhavakA abhAv ho. jab tak shuddhAtmAko na pIchhAne, pUrNatA na ho tab tak shubhabhAv Aye, parantu vah chaitanyakA svabhAv nahIn hai, vah vibhAvabhAv hai. isaliye chaitanyako bhinna pIchhAnanA, vahI sarvasva aur vahI sArabhUt hai. use pIchhAnane jaisA hai.
mumukShu- usake liye kyA upAy karanA?
samAdhAna- upAy, bas ek hI antaramen lagan usIkI lagAnI, usIkI mahimA. bAharakI lagan kam karanI. vah ek hI karane jaisA hai. jIvanamen sarvasva vahI hai. usakI shraddhA, usakI pratIti gRuhasthAshramamen ho sakatA hai. antar pahachAnanekA prayatna (karanA). usakA bhedagnAn, use bhinna pIchhAnanA, vah sab ho sakatA hai.
phir, visheSh jab bhinnatA ho, bhedagnAnakI dhArA pragaT ho, svAnubhUti ho, munidashA to bAdamen AtI hai. ye to use gRuhasthAshramamen bhedagnAn, sachchI pratIti (hotI hai). gRuhasthAshramamen ho to antar dRuShTi karake svayam antaramense bhinna kar sakatA hai. lekin usakI lagan, utanI ruchi, utanA vichAr, antaramen manthan karake nirNay kare pahachAnanekA to hotA hai.
jaise shakkarakA svabhAv mIThAs, pAnIkA svabhAv ThaNDA hai, sphaTik svabhAvase nirmal hai. vaise AtmA svabhAvase nirmal hI hai. lekin use anAdise vibhAvabhAvakI bhrAnti huyI hai ki main malin ho gayA, vibhAvakA pravesh ho gayA hai. AtmA svabhAvase nirmal anAdiananta hai. ananta bhav ho gaye phir bhI vah svabhAv tattva to jyonkA tyon hai. isaliye vah tattva vartamAnamen aisA hai aur trikAl vaisA hai. isaliye use prayatna karake pahachAn lenA. vahI jIvanakA sarvasva hai. usIke liye, use pIchhAnanekA prayatna karanA.
mumukShu- Apake jo bhI udagAr yahAn nikale hain, bahut sundar hain. Apane jo... binA nahIn chalegA. Ap kitanA achchhA bole.
samAdhAna- nahIn chalegA. svayam AtmAkI sAdhanA kare usamen dev-guru-shAstrako sAthamen rakhatA hai. antarakA svabhAv pragaT ho usamen dev-guru-shAstra sAthamen hote hI hain. koI bAr bolA hogA isaliye likh liyA hogA.
mumukShu- bahut sundar A gayA hai. chaitanyake binA nahIn chalegA.
samAdhAna- vaise dev-guruke binA bhI nahIn chalegA.
mumukShu- sab liyA hai. shAstra liyA, phir apanA shrutakA chintavan, sab bol Apane liye hain.
samAdhAna- bole hon, vah likh le.