182
abhyAs kare. jabatak samajhamen na Aye, jabatak pragaT na ho, tabatak usakA abhyAs karatA hI rahe. mArga to ek hI hai-chaitanyako pahichAnanA, bhedagnAn karanA, usakI-nirvikalpa tattvakI svAnubhUti jabatak na ho, tabatak usakA abhyAs karatA hI rahe, usamen thake nahIn. usakA vichAr kare, usakA vAnchan kare, bArambAr-bArambAr karatA hI rahe, jabatak na ho tabataka.
mumukShu- itane sAre panth aur bhinna-bhinna sampradAy hain, usamen aisA hai kyA ki amuk hI lenA chAhiye? amukakA hI vAnchan karanA chAhiye aur dUsarekA nahIn karanA chAhiye, aisA hai usamen?
samAdhAna- sab sampradAy hai, parantu mArga to ek hI hai. svAnubhUtikA panth AtmAkA jo pragaT karanekA, AtmAkA jo svabhAv hai, AtmAkA sukh hai use pragaT karanekA panth to ek hI hai. jyAdA panth ho, matabhed hote hain, usamen satya kyA hai vah svayamko nakkI karanA paDatA hai. jise AtmAkA karanA hai, jise jignAsA jAgI hai, jise AtmAkA sukh prApta karanA hai, svayam hI nakkI kare ki kis mArgase AtmAkA svarUp prApta hotA hai? vah svayam hI nakkI kare. kaun-se guru aur kaun-sA panth satya hai, svayam hI nakkI karake us mArga par jAya. usake liye jyAdA panth...
koI kahAn ruk gayA hotA hai, koI kahAn ruk gayA hotA hai. koI paDhanemen, koI raTanemen, koI tyAg karanemen, koI kahAn-koI kahAn. parantu antarakI dRuShTi kyA? antaramen satya mArga kyA hai, vah mArga to ek hI hotA hai. svayamko hI us or muDanA hai, koI kar nahIn detA. svatantra hai, rakhaDanemen svayam svatantra aur pragaT karanemen bhI svayam svatantra hai. svayam hI nakkI kar le. jise jignAsA jAge vah satya grahaN amuk prakArase kar hI letA hai ki yah mArga sachchA hai. use pragaT bhale bAdamen ho, parantu pahale nakkI kare ki satya to yahI hai. ye guru kahate hain aur ye guru jo mArga batAte hain, vah sachchA hai. aisA svayam nakkI kar sakatA hai.
mumukShu- svAdhyAy karaneke bAd athavA amuk usakA bhAv karaneke bAd usakA koI nAp AtA hai ki kahAn tak usakA gnAn huA hai?
samAdhAna- jabatak svayam yathArtha samajhatA nahIn hai, (tabatak) svAdhyA karatA hai, usakA koI nAp nahIn hotA. antaramen prayojanabhUt gnAn honA chAhiye. AtmA kaun hai? usakA svabhAv kyA hai? usamen guN kyA hai? usakI paryAy kyA? usakA vibhAv kyA? ye pudagal kyA? chaitanya kyA? vah sab samajhaneke liye shAstrakA abhyAs hotA hai. antarase yathArtha samajhan ho, samajhaneke liye hai. usakA nAp nahIn hotA ki itanA paDhanA chAhiye aur itanA dhokhanA chAhiye. prayojanabhUt tattvakI pahichAn honI chAhiye.