322
... Age nahIn jAy tabatak shAstra abhyAs, usakA chintavan, manan hotA hI hai. itanA paDhanA hI chAhiye yA itanA dhokhanA chAhiye, aisA koI siddhAnta nahIn hai. antarase samajhanA chAhiye. thoDA (prayojanabhUt) samajhe to bhI antarase pragaT ho. use thoDA AtA ho. shivabhUti muni the, unhen kuchh yAd nahIn rahatA thA. AtmA bhinna aur yah vibhAv bhinna (hai). itanI samajh huyI to antaramen Utar gaye.
mumukShu- sabamense ek AtmAko bhinna kar lenA..
samAdhAna- mA-ruSh aur mA-tuSh kahA to utanA bhI yAd nahIn rahA. gurudevane kyA kahA, rAg karanA nahIn, dveSh karanA nahIn, vah yAd nahIn rahA. bAI dAl dho rahI thI. mere gurune kahA, ye dAl bhinna, chhilakA bhinna. AtmA bhinna aur vibhAvabhAv bhinna. aisA bhAv grahaN kar liyA. andarase bhedagnAn kiyA, AtmA bhinna aur yah bhinna hai. aisA karake antarameense (grahaN kar liyA). mUl prayojanabhUt grahaN karanA hai.
mumukShu- aisA kuchh hai ki manuShyako bachapanamen athavA chhoTI umramen kam khyAl Aye aur baDI umra ho tab use jyAdA bhAv ho?
samAdhAna- aisA koI niyam nahIn hotA hai. UlaTA chhoTI umramen bahutonko jyAdA hotA hai. kisIko baDI umramen hotA hai, use umrake sAth koI sambandha nahIn hai. umrake sAth kuchh sambandha nahIn hai. AtmA svatantra hai.
jabatak na ho tabatak abhyAs karate hI rahanA. jise jo lagan lagI vah chhUTatI nahIn. laukikamen koI ras ho to usake pIchhe lagakar vah kAm karatA hI rahatA hai, na ho to bhI. kuchh bhI ho, bAharakI koI kalA sIkhanI ho, kuchh sIkhanA ho to vah karatA hI rahatA hai, jabatak na Aye tabataka. vaise isake pIchhe paDakar usakA abhyAs karatA hI rahe. utanA vishvAs aur utanI pratIti honI chAhiye ki isI mArgase AtmA pragaT honevAlA hai.