362 chaitanya hUn aur yah main nahIn hUn, aise yathArtha bhedagnAn karatA hai.
mumukShu- phir to use apaneAp use andar mArga mil jAtA hai?
samAdhAna- mArga svayam hI khoj letA hai. jo guru dvArA mArga milA hai, vah mArga anusAr antaramense svabhAvako grahaN karatA hai, bhedagnAn karatA hai ki ye shubhAshubhabhAv bhI merA svabhAv nahIn hai. shubh bIchamen AtA hai, parantu chaitanyakA mUl svarUp nahIn hai. isaliye apanA yathArtha svabhAv, jo gurudevane kahA, dev-guru-shAstra jo kahate hain, us anusAr svayam grahaN karake apanA mArga svayam hI andarase khoj letA hai. yah svabhAv hai, yah vibhAv hai usakA lakShaN pahichAn letA hai.
anupam mArga hai, anAdikA anajAnA hai. anAdi kAlase bAhya kriyAmen dharma mAnatA hai, shubhabhAv thoDA kiyA to dharma mAn liyA. lekin vah to puNyabandhakA kAraN hai. muktikA mArga to antaramen rahA hai.
mumukShu- guruke pAs upadesh sune aur samyagdarshan or turanta chAritra jin jIvonko hotA hogA, un jIvonko pahale to ruchi nahIn thI, ek shabda sunane pahale ruchi bhI nahIn thI. phir ekadam aisI ruchi bhI ho gayI, vah to kitanA use bal AtA hogA.
samAdhAna- svabhAv-orakA bala. ruchi arthAt yathArtha pratIti. pratham to jo guru kahate hain use sunatA hai. gurune kyA kahA usakA Ashay grahaN karatA hai. gaharAIse Ashay grahaN karatA hai. us jIvako AtmAkA karanA hai, aisI ruchi hotI hai, parantu jo yathArtha ruchi andar svabhAv grahaN ho, aisI ruchi to andar pahachAn ho tab use hotI hai. parantu vah antarmuhUrtamen sab kar letA hai.
shivabhUti munine antarmuhUrtamen kar liyA. gurune kahA, mAtuSh aur mArUSh bhUl gaye. koI rAg karanA nahIn, dveSh karanA nahIn. vah terA svabhAv nahIn hai. aisA gurukA Ashay thA. vah shabda bhUl gaye. gurune kyA kahA, vah bhUl gaye. vah aurat dAl aur chhilakA bhinna-bhinna karatI thI. mere gurune yah kiyA kahA hai, bhinnatA karanI. ye dAl aur chhilakA bhinna-bhinna hai. vaise yah svabhAv bhinna hai aur vibhAv bhinna hai. aise usane Ashay grahaN kar liyA aur antaramen bhedagnAn ho gayA. puruShArthase bhedagnAn kar liyA. bhedagnAnakI ugratA karate-karate antaramen lInatA baDhI, yathArtha munidashA ho gayI, samyagdarshan ho gayA. yathArtha munidashA ho gayI. antarmuhUrtamen pahunch gaye.
mumukShu- vah to itanA jaldI ho gayA..
samAdhAna- apanA svabhAv hai na. yadi andar puruShArthase pahunche to der nahIn lagatI. aur jo anAdikA abhyAs hai usImen tanIjatA hai to kitanA kAl nikAl detA hai. aur yadi svabhAv grahaN kare to antarmuhUrtamen (ho jAtA hai).