... usakA ras antaramense Utar jAy aur svabhAvakI mahimA pragaT ho. svabhAv kaise pahachAnamen Aye? us jAtakA yathArtha gnAn, yathArtha samajhan, yathArtha virakti, yathArtha chAritra antaramense yathArtha kaise pragaT ho? ye to abhI bhAvanArUpase ... grahaN kiyA usamen yathArthatA kaise pragaT ho? yathArtha tyAgasvarUp AtmA, yathArtha gnAn, yathArtha darshan, yathArtha chAritra kaise pragaT ho? jo gurudevane batAyA vah mArga grahaN karane jaisA hai. usakI vRuddhi kaise ho?
.. tattvavichAr, mUl rahasya kyA? AchArya, gurudev kyA mArga batAte hain, usakA vichAr karanA, usakA vAnchan karanA, AtmAkI mahimA karanA aur dev-guru-shAstrane jo pragaT kiyA hai, shAstra jo batAte hain, un sabakA vichAr karanA. mArga to.. pahale to mArgakA yathArtha gnAn karanA ki mArga kaisA hai, aise. gnAn karaneke bAd usakA bhedagnAn karanA, usakI pratIt karanA, lInatA karanI. bhItaramen jo jAnanevAlA jo hai vah AtmA hai. ye sharIr kuchh jAnatA nahIn. vikalpa AtA hai, vah bhI kuchh jAnate nahIn, jAnanevAlA bhItaramen alag hai-bhinna hai, usako pahachAnanA. bhedagnAn karanA. main sphaTik jaisA nirmal anAdiananta AtmA hUn.
mumukShu- bhedagnAn karaneke liye, matalab yug aisA hai ki har chIj baDh gayI hai, har jagah par ashAnti hai. to kyA mandiramen hI ho sakatA hai? mandiramen baiThakar hI kar sakate hain?
samAdhAna- nahIn, mandiramen ho sakatA hai aisA nahIn hai. usakA sachchA gnAn karanese hotA hai. mandir to shubhabhAv karanekA, dev-guru-shAstra.. jab AtmAkI pahachAn nahIn hotI hai, to dev-guru-shAstrakI mahimA AtI hai, mandiramen jAtA hai, to mandirase nahIn hotA hai. usakA sachchA gnAn karanese hotA hai. usakA vichAr karanA, tattva vichAr karanA, mUl vastu kyA hai? usakA vichAr karanese, usakI lagan lagAye, usakI mahimA kare, jignAsA kare. vibhAvamen kuchh nahIn hai, mere AtmasvabhAvamen sabakuchh hai. aisI pratIt karanese, aisA vichAr karanese hotA hai.
mumukShu- hamArA dhyAn to pal-palamen TUTatA hai. jaise abhI bijalI gUl ho jAy, pankhA banda ho jAy to hamArA..
samAdhAna- lagan honese hotA hai. bAhar lakShya jAnese nahIn hotA hai. lagan lagAnI chAhiye. jaise vibhAvakI lagan hai, vaise AtmAkI lagan lagAnI chAhiye. paramen upayog jAtA hai, vaise svamen upayog lagAnA chAhiye. to ho sakatA hai. bhedagnAn karanese hotA hai.
mumukShu- nishchayamen kaise kUdanA? vyavahArako pakaDane jAy to vyavahAr hI pakaDamen rahatA hai. nishchayakI ArAdhanA karane jAte hain to shuShkatA ho jAtI hai.