pariNati bhinna karatA huA apane astitvako bArambAr grahaN kare aur usamen aise dRuDhatA kare to use sahaj honekA prasang Aye. bArambAr use is tarah grahaN kare to ho.
mumukShu- pariNati ekamek ho rahI hai, us vakta gnAn bhinna paDe to yah rAg bhinna hai, yah main hUn aur yah main nahIn hUn, vah yathArthapane sachchA abhyAs ho.
samAdhAna- sachchA ho ki yah gnAn so main hUn aur yah main nahIn hUn.
mumukShu- is abhyAsamen thoDI dikkat hotI hai. utanI sUkShmatA hai.. kyonki avyakta hai, upayog to vyakta hai aur astirUp hai. aur vah aise astirUp hai ki rAgase bhinna hai. isaliye jis prakArase hai us prakArase grahaN karanekA prayatna athavA to upayog sUkShmatA ho to hue binA rahe nahIn. phir bhI abhI bhI nahIn ho rahA hai, isaliye utanI ruchikI kachAs, upayogakI sUkShmatAkI kachAs, abhyAsakI kachAs athavA chaTapaTI utanI kam hai?
samAdhAna- chaTapaTI kam hai, sUkShmatA kam hai, prayatna kam hai, sab sAthamen hai. yathArtha lagan lage to yathArtha andarase puruShArtha hue binA rahe nahIn, bhinna hue binA rahe nahIn. andar sab sAthamen hai, sab kachAs sAthamen hai.
mumukShu- abhyAsase bhinna to paD sakatA hai.
samAdhAna- paD sakatA hai.
mumukShu- gnAn upayog, gnAnamen khyAlamen to pakaDamen AtA hai ki yah gnAnaupayog aur yah vRutti bhinna hai, yah rAg bhinna hai aur yah main bhinna hUn, aisA abhyAs kare to bhinna to paD sakatA hai.
samAdhAna- bhinna paD sakatA hai. abhyAs bArambAr kare to bhinna paD sakatA hai. parantu vah bArambAr abhyAs karatA nahIn hai. buddhise nakkI karake chhoD detA hai. bArambAr abhyAs karanemen use shram paDatA hai, use mehanat paDatI hai, bArambAr vaisI utanI tIkhI ruchi nahIn hai ki yah merI jarUrat hI hai, aisA tIkhA nahIn hai isaliye vah prayatna kam karatA hai, nahIn karatA hai. usake liye sUkShmatA karake kShaN-kShaNamen main yah bhinna hI hUn, aisA prayatna to ho sakatA hai, parantu vah karatA nahIn hai.
mumukShu- AdhA ghaNTA, ek ghaNTA lagAtAr baiThakar isIko gnAnako bhinna gnAnamen leneke liye ekAd ghaNTA baiThA, phir bhI us gnAnako jaise gnAnamen bhinna lenA hai us prakArase gnAnamen bhinnarUpase nahIn AtA hai. aur pahalese main bhinna hUn, aisA Upar-Uparase chalA jAtA hai.
samAdhAna- thoDI der use vichAramen Ave, phir jo bhI ho vichArommen amuk prakArakI sthUlatA ho jAtI hai isaliye chalA jAtA hai. aisA hotA hai.