sahaj hI bhinna paD jAtA hai. apanA astitva gnAyakarUpamen astitva grahaN ho to usamen dUsarA jo hai vah sahaj hI bhinna paD jAtA hai. yah main hUn, isaliye ye main nahIn hUn, usamen sAthamen A jAtA hai.
mumukShu- vikalpAtmak dashAmen jabatak aisI pratIti na ho, tabatak aisA gholan arthAt aise vichAr, yathArtha vichAramen lenA?
samAdhAna- aise vichAr use gholanamen chalate rahe, jabatak use gnAyakakA astitva antaramen-se grahaN na ho, tabatak vichAr chalate rahe ki ye rAg main nahIn hUn. merA svabhAv gney nahIn hai, main to gnAnasvabhAv hUn. aise vichAr chalate rahe. parantu bhinna kab paDe? apanA gnAyakakA astitva grahaN ho to usakA bhedagnAn usamen sahaj A jAtA hai.
mumukShu- gnAyak hI gnAnamen gnAt ho rahA hai, arthAt gnAnakI paryAy jAnanerUp pariNamatI hai. vah jo Apane kahA na ki, usase paragneyase aur rAgase bhinna paDe aur apanA .. astitva usake khyAlamen Ave, usake bAd utpAd-vyayako gauN karake sAmAnyako..
samAdhAna- sAmAnyako lakShyamen le. .. pariNamanevAlA hUn, par svabhAvarUp nahIn. aise lakShyamen liyA. main sAmAnya dhruv anAdiananta gnAyak hUn, usamen sAthamen A jAtA hai. usamen use kAlakI or dRuShTi nahIn karanI paDatI. kAlako khojane nahIn paDatA. parantu ye jo astitva hai, vah astitva trikAl hai, aisI pratIti use usamen sAth A jAtI hai.
sahaj svatasiddha astitva aisA hI hotA hai ki jo trikAl hotA hI hai. sahaj astitva gnAyakakA hai. vah kisIne banAyA huA kRutrim nahIn hai, sahaj astitva hai, anAdiananta hai.
mumukShu- main gnAyak hI hUn, aise to vibhAg karake parase bhinna paDanekA prayatna..
samAdhAna- gnAyak gnAnarUp pariNamatA hai. usakI vichArakI vidhimen kuchh bhI Aye, parantu use ek gnAyak grahaN karanA hai. vichAr-vidhimen use kram paDe ki ye gney main nahIn hUn. ye rAg main nahIn hUn. phir prashasta bhAvakA guNabhed, usamen vikalpa sAthamen rahate hai. yah gnAn, yah darshan, yah chAritra. athavA merA gnAn hai vah pariNamatA hai, ye pararUp nahIn pariNamatA. aise use guN-guNIkA bhed paDe, vichArakI vidhimen vah Aye, usakA kram paDe, lekin grahaN ekako karanA hai. kisIko dravya-guN-paryAyarUpase Ate hain, kisIko utpAd-vyay-dhruvarUpase Aye, kisIko ye gnAtA-gnAn-gney aisA bhed karake Aye, aise kisI bhI prakArase, koI bhI shabda bhAShAmen ho, parantu use mUl ekako grahaN karanekA hai.
gneyase bhinna karanA, vibhAvase bhinna karanA, aur guNabhed, paryAyake bhed vah bhI vikalpa hai. usamen vAstavik guNabhed yA paryAyabhed mUl vastumen nahIn hai. grahaN ekako karanA hai. kram use vichArakI vidhimen us tarah Age-Age kram paDate hain. pahale sthUl hote-