chain na paDe. AtmA kaise samajhamen Aye? AtmA kaise pahachAnamen Aye? usIkI dhUn, usakI bAr-bAr lagan laganI chAhiye. vastu kyA hai? tattva kyA hai? AtmAkA svabhAv kyA hai? usakA bArambAr chintavan, manan use antaramen chalatA rahe. antaramen khojanA, grahaN karanA svayamko hai. gurudevane mArga to batA diyA hai. grahaN, svabhAvako kaise grahaN karanA? jo vibhAv ho rahA hai, usamense sUkShma upayog karake antar AtmAko grahaN karanA, vah puruShArtha svayamko karanA hai.

mumukShu- .. usakA ekatva mithyA hai aur gnAnasvabhAv apanA hai, vahI ekatva yathArtha hai, isaprakAr use bArambAr apane samvedanamen prayatna karanA paDatA hogA? kaise hai?

samAdhAna- bArambAr usakA prayatna kare ki ye jo hai vah yathArtha nahIn hai. yah ekatvabuddhi hai vibhAvakI, vah yathArthatA nahIn hai. vah to mithyA hai. kyonki vah par vibhAv apanA svabhAv nahIn hai, AkulatArUp hai. usakI ekatvabuddhi TUTe kaise? aur svabhAvamen kaise ekatvatA ho? svabhAvako grahaN kare to svayamkA ekatva pragaT ho. svarUpakA ekatva aur parase vibhakta kaise ho, usakA bArambAr abhyAs kare to pragaT ho.

(svabhAvase) ekatva aur vibhAvase vibhaktakI vArtA jIvane sunI nahIn hai. gurudevane vah sab svarUp batAyA hai. antarakA svarUp bhI gurudevane pragaT karake sabako batAyA. (bAkI sab) shrut-sunanemen AyI, anubhavamen sab AyA. yah vArtA jIvane sunI nahIn, usakA parichay nahIn kiyA hai, shAstramen AtA hai. to sunaneemen to gurudevake pratApase A gayI. andar vichAramen, antaramen UtAranI svayamko bAkI rahatA hai.

mumukShu- .. gnAnamen jise kImat denI chAhiye usakI kImat AtI nahIn aur jisakI kImat dene jaisI nahIn hai, usakI kImat AtI hai, aise kaise gahare viparIt sanskAr DAle honge ki bArambAr aisA khyAl AtA hai ki vAsatvamen to kImatI chIj to shuddhAtmA hai ki jisamen aise ananta guN aise ananta sAmarthyase bhare hain. kShayopashamagnAnamen sab khyAlamen AtA hai. phir bhI kImat paisA ho to paisekI, dUsarI koI chIj ho to vahAn kImat dI jAtI hai aur usakI adhikatA ho jAtI hai. aise kaise gahare sanskAr DAle hain ki jisase vah sAph nahIn ho rahe hain?

samAdhAna- anAdi kAlake vah sanskAr viparIt paDe hain, isaliye bArambAr usakI sphUraNA hotI rahatI hai. aur andar vichAramen nirNayamen aisA Aye ki ye sab to jUThA hai, tuchchha hai, mahimAvant to AtmA hai ki jo ananta guNase bharA anupam hai, vah hai. phir bhI anAdise jo pariNati hai usamen pariNati dauDatI rahatI hai. usamen usakI ekatvabuddhi hai. usamen chalA jAtA hai. parantu prayatna karake, kShaN-kShaNamen puruShArtha karake usase svayam bhinna ho, to vah TUT jAya.