kahate hain ki, tU tere shuddhAtmAko pahachAna. tU sarva shubhabhAvase bhinna terA shuddhAtmA hai, aisA guru kahate hain. parantu jignAsuko bhI shubhabhAv Aye binA nahIn rahate. usamen koI vyavahArakA pakSha nahIn ho jAtA. use vyavahArakA pakSha aise nahIn ho jAtA. usase lAbh mAne, usamen sarvasva mAne, usase mokSha mAne to usamen vyavahArapakSha hotA hai. bAkI shubhabhAv Aye usamen vyavahArakA pakSha nahIn ho jAtA. aisI usamen shraddhA nahIn ho jAtI. shubhabhAvanA Aye to aisI shraddhA nahIn ho jAtI ki isase mujhe lAbh hotA hai yA mokSha hotA hai. aisI shraddhA jignAsuko sAthamen ho jAy, aisA nahIn hotA.
use buddhipUrvak aisA nirNay hotA hai ki gurune kahA hai ki terA shuddhAtmA vikalpa rahit nirvikalpa hai. shubhabhAv bhI terA svarUp nahIn hai. gurune kahA. aur use vichArase aisA baiThA hai. isaliye usamen shraddhA nahIn ho jAtI hai ki shubhabhAv AyA isaliye usamen vyavahArakA pakSha ho gayA aur shraddhA aisI ho gayI. aisA nahIn hotA.
vyavahArakA pakSha kise ho jAtA hai? ki aisI shraddhA hai sAthamen ki isase mujhe lAbh hotA hai. dev-guru-shAstra mujhe kar dete haiain, ve kare aisA ho, mere puuruShArthase nahIn hotA, aisI jise mAnyatA hai, use vyavahArakA pakSha hotA hai. usakI shraddhA aisI ho ki main mere-se karungA tab hogA. guru mujhe upakArabhUt hain, gurune sab diyA hai. aisI shubhabhAvanA Aye usamen vyavahArakA pakSha nahIn ho jAtA. usakI shraddhA to bhinna rahatI hai. yathArtha shraddhAkI alag bAt hai, jo sahaj bhedagnAn aur shraddhA (hotI hai vah). parantu ye use jo buddhipUrvak shraddhA hai, usamen shraddhAkI bhUl nahIn hotI. gurukI bhakti kare usamen shraddhAkI bhUl nahIn hotI hai, usamen vyavahArakA pakSha nahIn ho jAtA. bhagavAnakI bhakti kare, gurukI kare, shAstrakI kare to usamen jignAsuko pakSha nahIn ho jAtA. usamen sarvasvatA mAne to hotA hai.
mumukShu- bahut sundar spaShTIkaraN Apane kiyA. mumukShu- shubhabhAvako hey samajhatA hai aur Aye binA rahe nahIn, aisA bhI samajhatA hai. donon bAt hotI hai.
samAdhAna- aisA samajhatA hai, donon samajhatA hai. use shraddhA hai ki shubhabhAv to hey hai. to bhI vah jignAsuko bhI Aye binA nahIn rahatA. shubhabhAv Aye isaliye shraddhAkI bhUl ho jAy, aisA kuchh nahIn hotA. shubhabhAvamen vah bhakti kare, isaliye use vyavahArakA pakSha ho gayA, aisA nahIn hai. usakI shraddhA to antaramen vah svayam jAnatA hai ki gurune aisA kahA hai ki shuddhAtmA terA bhinna hai, shubhabhAv terA svarUp nahIn hai aur svayamne bhI nakkI kiyA hai. isaliye usamen shraddhAkI bhUl nahIn hotI.
mumukShu- mahimA kare tab to aise kare ki Ap hI mere sarvasva ho.