110
samAdhAna- hAn, aise mahimA kare. Ap sarvasva ho, Apane sab diyA hai. Ap yahAn padhAre, Apane mArga batAyA to ham jAgRut hue hain. Apane hI hamen puruShArtha karanA sIkhAyA hai, aisA bole. lekin vah samajhatA hai ki, karanA to mujhe hai. parantu gurukA param upakAr hai, aisA samajhatA hai ki yah dishA badalI ho to gurune badalI hai. upakArabuddhimen, usake shubhabhAvamen aisA AtA hI hai.
mumukShu- bahut sundar spaShTIkaraN kiyA. jignAsukI bhUmikAmen, us bhUmikAmen bhI shubhabhAv sAthamen hotA hai, vah Aye binA nahIn rahatA. yah spaShTIkaraN bahut sundar AyA. kisIko bhay lage ki usamen pakSha Akar aTak to nahIn jAyenge na?
samAdhAna- vyavahArakA pakSha hokar aTak nahIn jAtA. svayam shraddhAmen samajhatA hai, usamen aTakatA nahIn.
mumukShu- mAtAjI! Aj Tepamen 38vIn gAthA chalI thI. usamen aisA AyA thA, apratihat bhAvakI bAt usamen thI. aur gurudev bhI kabhI-kabhAr kahate the ki bahinashrIke jAtismaraNagnAnamen kShAyik joDaNIkI bAt AyI thI. to kRupA karake kShAyik joDaNIkA svarUp kyA hai athavA vah kise prApta hotA hai, us viShayamen kuchh spaShTa karen.
samAdhAna- joDaNI kShAyik to jo apratihat dhArA hotI hai, usamen pragaT hotA hai. vah to bahut Age gayA ho use. jisamen shuddhAtmAkI sAdhanAkI paryAy visheSh- visheSh apratihat dhArAse juDatI hai, use joDaNI kShAyik kahanemen AtA hai.
mumukShu- barAbar spaShTa nahIn huA, mAtAjI! phirase jyAdA spaShTa kariye to.... vartamAnamen is kAlamen to kShayopasham samakit hotA hai. amRutachandrAchAryadevakA pUrA dhvani aisA thA ki kShayopasham samakit giregA hI nahIn aur ham kShAyik lekar hI rahenge to gurudev apratihatabhAvakI bAt bhI karate the aur sAth-sAth ApakI yah bAt bhI lete the. to usake sAth usakA kyA mel hai? kaise hai? yah kRupA karake samajhAIye.
samAdhAna- kShayopasham bhI aisA hotA hai ki apratihat hotA hai ki jo giratA nahIn, aisA. aur usamen usakI sab paryAy apratihatabhAvase, shuddhAtma svarUpakI paryAyen apratihat dhArAse pragaT hotI hai. aisI usakI dhArA hI pragaT hotI hai, joDaNI kShAyikamen.
mumukShu- dharma arthAt samyagdarshan, samyaggnAn pragaT karaneke liye ek to bhedavignAnakI paddhatikI bAt shAstramen bahut sundar AtI hai. dUsarI or gnAyakakI pratIt karanekI bAt bhI samayasAr, niyamasAr Adi granthommen AtI hai. to un donommen ek hI bAt hai athavA koI antar hai? athavA un dononkA mel kaise hai, yah samajhAnekI kRupA kIjiye.
samAdhAna- donon ek hI bAt hai. bhedagnAn, gnAyakakI pratIti karanI vah alag nahIn hai. gnAyakakI pratIti karanI ki main gnAyak hUn. anAdiananta shAshvat chaitanyatattva hUn.