nahIn hai. vichAr kare, vAnchan kare, svAdhyAy kare. mUl prayojanabhUt tattvako jAnanA chAhiye. adhik jAne isaliye samajhamen Aye yA adhik paDhe to samajhamen Aye aisA kuchh nahIn hai. prayojanabhUt samajhe to AtmAko pahachAne. AtmAke dravya-guN-paryAy kyA hai, parapadArtha kyA hai, vibhAv kyA hai, svabhAv kyA hai, (aisA) prayojanabhUt samajhe to muktikA mArga hotA hai. jyAdA samajhe aur bahut paDhe, aisA koI usakA artha nahIn hai. bIchamen ashubhabhAvase bachaneko shubhabhAv Ate hain, dev-guru-shAstrakI mahimA, shAstra svAdhyAy Adi hotA hai, tattvakA vichAr hotA hai, prayojanabhUt tattvako jAnaneke liye. visheSh jAne to use gnAnakI nirmalatA hotI hai, usamen koI nukasAn nahIn hai. lekin jyAdA jAne aur jyAdA paDhe to hI hotA hai, aisA usakA artha nahIn hai.

shivabhUti muni kuchh nahIn jAnate the. yAd nahIn rahatA thA. bAI dAl dho rahI thI. chhilakA bhinna aur dAl bhinna, aisA bhinna samajhakar (yAd A gayA ki), mere gurune aisA kahA hai, aisA samajhakar yah AtmA bhinna, sharIr bhinna aur vibhAvasvabhAv merA nahIn hai, isaprakAr bhedagnAn karake antaramen Utar gaye. gnAyakako pahachAnakar, bhedagnAn karake svarUpamen lIn ho gaye to unhen mArga prApta ho gayA. shreNi lagAkar kevalagnAn ho jAye. prayojanabhUt jAne usamen sab A jAtA hai.

mumukShu- prayojanabhUtake Upar koI nAm to nahIn likhA hotA ki yah prayojanabhUt hai. prayojanabhUtako nakkI kaise karanA?

samAdhAna- prayojanabhUt-sva-parakA bhedagnAn karanA yah prayojanabhUt hai. svayamke dravya- guN-paryAy aur anyakA, paradravyakA svabhAv aur svadravyake svabhAvako bhinna karanA, yah prayojanabhUt hai. mUl vastu chaitanyako pahachAnanA. gnAyak, gnAyak vastu svabhAvase ek hai. usamen guN aur paryAy, lakShaNabhedase bhed hai, mUlamen bhed nahIn hai. usamen guN lakShaNase bhinna hain. aise dravya-guN-paryAyakA svarUp pahachAne. usakA pariNaman hotA hai vah paryAy hai. isaprakAr mUl vastuko samajhe. dravya-guN-paryAyako (samajhe), yah sab mUl prayojanabhUt hai.

tattvakI sab bAt samajhe, yah prayojanabhUt hai. mUlabhUt vastu. tiryanchako nau tattvake nAm bhI nahIn Ate, to bhI andaramen main yah hUn aur yah vibhAv hai (aisA) samajhatA hai. andaramen sAdhakadashA pragaT hotI hai. use samvar A jAtA hai, Age baDhane par nirjarA hotI hai, sab usamen A jAtA hai, nAm nahIn Ate hain phir bhI. karmakI sattA kitanI, usakI prakRiti, usakA kyA, usakA ras kitanA, usakI sthiti kitanI Adi kuchh nahIn AtA. use devalok kyA, narka kyA, usake bhed, kahAn-se kahAn jAtA hai aur kahAn-se kahAn jAtA hai, vah sab nahIn AtA hai. sattA, sthiti, prakRiti Adi kuchh nahIn AtA hai. mUl prayojanabhUt tattva bhedagnAn AtA hai.