194 huA. usamen use sab gnAt ho jAtA hai. ek gnAyakako jAnane par usamen sab A jAtA hai.

phir gaharI-gaharI spaShTatA to gurudevake pravachanamen dhIre-dhIre AtI thI. pahale to AtmA bhinna, andar nirvikalpa svAnubhUti hotI hai, vikalpase bhinna, shubhabhAvase bhinna. samayasAr shAstra sabhAmen rAjakoTamen paDhA. usake pahale to shvetAmbar paDhate the na, usamen-se sab AtmA par kahate the.

sahaj svabhAv hai, us par dRuShTi kare. us par dRuShTi karake vikalpase bhinna ho to antaramen svAnubhUti hotI hai. andar Ananda sAgar pragaT hotA hai, aisA gurudev bolate the tab aisA lagatA thA ki ye Ananda sAgar andar pragaT hotA hai, gurudev ye kaisI bAt karate hain? Ananda sAgar pragaT hotA hai (to) andar AtmAmen kaisA Ananda sAgar hogA? gnAnakA sAgar aur AnandakA sAgar bolate the.

mumukShu- Ananda sAgar.. kis prakArase usamen...?

samAdhAna- vah to andarakI svayamkI jignAsAse hI sab Age chalatA hai. main is gnAyakakA astitva grahaN karun, usamen sab hai. gnAyakamen sab bharA hI hai. svayam vichAr kare, andarase pratItikI dRuDhatA svayamko A jAtI hai ki is gnAyakake astitvamen sab (bharA hai), gnAyak svabhAvamen sab bharA hI hai. aisA andarase vichAr karake andarase aisI dRuDhatA A jAtI hai. ye vibhAv main nahIn hUn. svabhAvamen jo ho vah pragaT hotA hai. bas, mujhe ek svabhAv chAhiye, dUsarA kuchh nahIn chAhiye. svabhAvakA astitva hI grahaN kar lenA. usImen sab bharA hai.

ek gnAyak astitva merA svabhAv mujhe chAhiye, dUsarA kuchh nahIn chAhiye. anya sab spRuhA jise chhUT jAya. aisA nispRuh hokar ek gnAyakakA astitva grahaN kar letA hai. usamen lambe vichAr, vikalpakI jAlako chhoDakar astitvako grahaN karake andar lIn ho jAy to jo ho vah use pragaT hotA hai. andar Ananda sAgar bharA hai. usamen pratItimen dRuDh ho jAtA hai ki isImen sab bharA hai.