samAdhAna- utanA hI satyArtha paramArtha hai, jitanA gnAn hai. usamen tRupta ho, usamen santuShTa ho.
mumukShu- isamen sadA rativant ban, isamen sadA santuShTa re. aisI gAthA hai.
samAdhAna- hAn, "isase hI ban tU tRupta, uttam saukhya ho jisase tujhe.' aur gurudev bhI yahI kahate the ki gnAn hai vah tU hai. arthAt gnAyak so tU hai. gnAnamAtramen sab A gayA. gnAnamAtramen AchAryadev kahate hain, sab A gayA. usamen tRupta ho, usamen santuShTa ho, tujhe sukh (prApta hogA). gnAnamAtra kahakar gnAyak kahate hain. usamen ananta guN bhare hain, usamen ananta Ananda bharA hai. sab usamen bharA hai. ata asAdhAraN AtmAkA gnAnaguN jo lakShaN tujhe pahachAnamen AtA hai, us lakShaN dvArA lakShyako pahachAn le. bas! usImen sab bharA hai.
mumukShu- akele gnAnako mukhya karake bAt kI hai, parantu ananta guNakA piNDa aisA jo gnAyak, use dRuShTimen leneke liye vah darshAyA hai.
samAdhAna- hAn, use dRuShTimen leneke liye, pUrA gnAyak grahaN karaneke liye. ananta guNakA astitva gnAyakarUp hai, use grahaN kara. gnAyak, usamen pUrA dravya A jAtA hai.
mumukShu- pahale vikalpa ho, bAdamen vikalpakA abhAv ho jAtA hai?
samAdhAna- pahale nirvikalpa tattvakI yathArtha pratIti hotI hai ki yah gnAyak hai vah main hUn. aisI yathArtha pratIti hotI hai. bIchamen vikalpa to hote hain, parantu bArambAr usakA abhyAs kare, usakI lInatA kare, usakI pratItiko dRuDh kare to nirvikalpa hotA hai. bArambAr usakI bhedagnAnakI dhArA ugra kare to nirvikalpa ho.
mumukShu- utAvalIse..
samAdhAna- utAvalIse nahIn. dhairya, shAnti, bhAvanAse aur jignAsAse. AkulatAse nahIn, parantu usakI bhAvanA ugra ho, jignAsA ho, parantu dhairyase puruShArtha kare. AkulatA karane-se nahIn hotA. bArambAr gurudevake upadeshamen vahI AtA thA.
mumukShu- kuchh bhI paDhe, das pankti paDhe, lekin usamen-se mukhya bAt yah Aye, pUrA pravachan paDhe to bhI yahI bAt Aye. kartRutvakI bAt kahIn Aye hI nahIn. gnAnakI bAt Aye. isamen-se paddhati kyA? Aj bahut achchhA spaShTIkaraN huA.
samAdhAna- tU kartA nahIn hai, parantu gnAtA hai aisA Aye. tU gnAnako grahaN kara.
mumukShu- ... vaise to kartAbuddhi manda paDatI hai. parantu jAnatA hUn, vah to merA svabhAv hai. phir bhI koI kAryasiddhi to hotI nahIn hai. bahut samayase yah abhyAs karate ho. lekin yah bAt satya hai ki gurudevane gnAn dvArA gnAyakako hI darshAyA hai. bahut sundara.