254
samAdhAna- vikalpa bhI jAnanemen AtA hai ki vikalpa AyA, vikalpa AyA, vikalpa AyA. vaise gnAn bhI jAnanemen AtA hai. arUpI hai to bhI jAnanemen AtA hai ki yah gnAn.. gnAn.. gnAn hai. arUpI hove to bhI gnAn jAnanemen AtA hai.
... pratyakSha kar liyA hai. unako dravya-guN-paryAy, asankhyAt pradesh sab pratyakSha gnAn (gochar) hai. isaliye unakI vANI nimitta hotI hai. apaneko to upAdAn-se hotA hai. upAdAn apanA aur bhagavAnakI vANI nimitta hotI hai. lakShya apaneko denA hai. bAhar lakShya kare ki bhagavAn aise hain, aise hain to svasanmukh dRuShTi nahIn hotI. parantu bhagavAn hai vaisA main hUn, aise dRuShTi antarmukh kare to svAnubhUti hotI hai. svAnubhUti, kevalagnAn jaisA nahIn hai ki kevalagnAn sab pratyakSha jAnatA hai, aisA. parantu usakA vedan aur Ananda aur usake ananta guN Adi vedanamen AtA hai vah pratyakSha hai. dekhanemen nahIn AtA hai ki aise asankhya pradesh hai.
mumukShu- itanA durlabh kyon paD rahA hai? Apake nikaTamen, gurudevashrIke pAsamen ham sab bhAI-bahan bahut samayase (rahate hain).
samAdhAna- puruShArtha apaneko karanA paDatA hai. anAdikA abhyAs hai aur bAhar upayog jAtA hai. dishA palaT denI hai. dishA palaTanI hai. apanA svabhAv hai isaliye sulabh hai. parantu anAdikA abhyAs hai isaliye bAhar dauDatA hai. bAr-bAr dauDatA hai, antaramen nahIn jAtA hai. isaliye durlabh ho rahA hai. aise-aise chakkar khAtA hai. apanI or nahIn jAtA hai, isaliye durlabh ho jAtA hai.
svabhAv hai isaliye sulabh hai. jisako hotA hai usako antarmuhUrtaman hotA hai, nahIn hotA hai usako kAl lagatA hai. bhagavAnake samavasaraNamen antarmuhUrtamen kevalagnAn prApta kar letA hai, koI muni ban jAtA hai, kisIko samyagdarshan hotA hai. aisA antarmuhUrtamen bhI hotA hai. kisIko abhyAs karane-se hotA hai. yah to panchamakAl hai. isaliye durlabhatA dekhanemen AtI hai. parantu svabhAv hai apanA to puruShArtha karane-se ho sakatA hai.
mumukShu- prashna liyA hai rAjamalajI pANDe sAhabane ki kevalI bhagavAnake gnAnamen- nondhamen kaun jIv kab mokSha jAyagA. aur aisA bhI AyA ki DhAI pudagal parAvartan kAl jisakA sheSh rah jAyagA, usake bAd vah samyagdarshan prApta karegA. to phir Udhar jor kyon diyA gayA? idhar svabhAv par puruShArthakA jor hogA to svAnubhav hogA.
samAdhAna- bhagavAnake gnAnamen, bhagavAnake kevalagnAnakA svabhAvako batAte hain ki bhagavAnake gnAnamen sab hai. kab, kaun-sA jIv mokSha jAyagA. bhagavAn to sab jAnate hain. bhagavAnake kevalagnAnakI bAt kahI hai ki kevalagnAnamen to sab A gayA hai. parantu bhagavAnane aisA jAnA hai ki yah jIv puruShArtha karane-se mokSha jAyagA. bin puruShArtha-