150 paDe aisA nahIn hai. svayamko prayatna karanA bAkI hai, itanA gurudevane svAnubhUtikA mArga darshAyA hai. pahalese samajhA diyA hai. koI shankA hI nahIn rahe. koI dUsare darshan kyA kahate hain, usakI bhI shankA nahIn rahe, aisA unakI vANImen sab spaShTa AtA thA.

mumukShu- bhale samyagdarshan prApta nahIn ho, lekin usake jo sanskAr hai, vah kitane pramANamen apane sAth Ate hain?

samAdhAna- gahare sanskAr ho to sAth Ate hain. Upar-Uparase ho, jaise bAkI sab rUDhigat rUpase dharma karate hain ki dharma karanA chAhiye, aise rUDhigatarUpase ho to sAth nahIn Ate. parantu gahare sanskAr ho aur andar sachchI lagan lagI ho ki mujhe AtmA prApta karanA hI hai, mujhe AtmA kaise prApta ho, ye vibhAv mujhe nahIn chAhiye, ye sab AkUlatArUp hai, mujhe AtmA kaise mile, aisI andarakI lagan lagI ho to vah sAth Ate hain.

mumuukShu- aisI lagan lagI ho, parantu utanA bhedagnAn nahIn kiyA ho to? samAdhAna- bhale bhedagnAn nahIn kiyA ho, lekin lagan lagI ho to vah laganI, svayamkI laganI antarakI ho to vah sAth Ate hain, bhedagnAn bhale nahIn ho.

mumukShu- .. shurUAt karane ke liye bhedagnAn visheSh kaise karanA?

samAdhAna- pahale to AtmAko pahachAnanA ki AtmA kaun hai? main ek AtmA hUn, ye jAnane vAlA, jAnatA hai vah main hUn, ye jAnatA nahIn hai vah jaD hai. andar jo jAnane vAlA hai, vah main hUn. jAnane vAlA gnAn, Anandase bharA AtmA hai. us AtmAkA vishvAs karanA ki yah AtmA jAnane vAlA hai vahI main hUn. andar jo AkUlatA hotI hai, sankalpa-vikalpa, anek prakArake vikalpa hote hain, vah vikalpa bhI merA svabhAv nahIn hai, main usase bhinna hUn. aisI andar dRuDhatA kare, bArambAr usakA abhyAs kare.