324 ananta guN kis tarah hai? gnAnakA gnAn lakShaN, AnandakA Ananda lakShaN, chAritra chAritrarUp hai, (gnAn) jAnanekA kArya kare, Ananda AnandakA kArya kare. usake kArya par-se, usake lakShaN par-se pahachAn sakatA hai. use pahachAnakar guNabhedamen rukanA vah to vikalpa aur rAgamishrit hai. vah to bIchamen Aye rahatA nahIn. isaliye ek chaitanya par akhaNDa dRuShTi karake aur us dRuShTimen svayam sthir ho to usamen-se use svAnubhUti pragaT hotI hai. vikalpa TUTakar main nirvikalpa tattva hUn, aise sAmAnya astitva par, nij gnAyakake astitva par dRuShTiko nishank karake usamen yadi sthiratA, lInatA, AcharaN kare to svAnubhUti hotI hai.

do dravya bhinna hain, ye to dikhatA hai. parantu bhedagnAn to vibhAv-se karanA hai. ye to gnAn karanA hai. AtmA ananta-ananta shaktion-se bharapUr, ananta dravya usake pAs Aye to bhI apanA astitva rakhatA hai, aisI ananta shakti hai. isase atirikta usamen ananta guN hai, ananta dharma hain, un sabakA gnAn karaneke liye, usakA lakShaN aur kArya par-se pahachAn sakatA hai. phir usake bhed vikalpamen rukanA nahIn hai. vah guN to apanA svarUp hai. apane svarUpase guN bhinna nahIn hai. isaliye usakA gnAn karake, guNabhedamen nahIn rukakar, paryAyabhedamen nahIn rukakar svayam nij chaitanya par dRuShTi rakhe. mAtra jAn le ki yah guN hai, yah paryAy hai. guNabhedamen rukanekA koI prayojan nahIn hai. use jAnanekA prayojan hai. svayam apanemen sthir ho to svAnubhUti pragaT hotI hai.

jo vibhAv hai, shubhabhAv Unche-se UnchA ho to bhI apanA svarUp nahIn hai. usase svayamko bhinna karatA hai. lekin ise to vah jAnatA hai ki yah paryAy ek ansh hai, ye guN hain ve svayam ek-ek bhed hai, use jAn letA hai. chaitanya par akhaNDa dRuShTi kare, sAmAnya par dRuShTi kare. usamen jo visheSh paryAy hai vah pragaT hotI hai. usamen darshan, gnAn aur chAritra usamen sarva guNAnsh so samyagdarshan, sarva guNake ansh pragaT hote hain. aur usamen visheSh lInatA ho, lInatA hone-se munidashA Aye. antarmuhUrta-antarmuhUrtamen svarUpamen svayam nirvikalpa dashAmen bArambAr jamatA hai, usamen-se vItarAg dashA hotI hai. un sabamen bhinna-bhinna prakAr-se aTakanekI AvashyakatA nahIn hai. usakA prayojanabhUt jAn le, phir svayam apanI nishank pratIti-se lInatA karake Age baDhe to usamen-se use samyagdarshan (hotA hai). samyagdarshanake binA to kuchh hotA nahIn. Age baDhakar lInatA aur vItarAg dashA usImen pragaT hotI hai.

mumukShu- bahut sundar bAt Apane kahI. ek to aisA kahA ki rAg-se bhinnatA (karanI hai). bhedagnAn rAg-se karanekA hai. dravya-guN aur paryAyake bhedako jAnakar avalamban gnAyakakA karane-se bhedakA sahaj gnAn rah jAyagA, usamen aTakanA nahIn hai.

samAdhAna- usamen aTakanA nahIn hai. usakA bhedagnAn nahIn karanekA hai. usakA