239
ananta kAl-se jo nahIn huA aisA anupam tattva, aisA anupam Ananda aur ananta guN-se bharA chaitanyadravya, usakI svAnubhUti hotI hai. shUnyadashA nahIn hotI hai, jAgRuti hotI hai. vibhAvamen jo thA, usase usakA jIvan palaT jAtA hai. usakI pariNati nyArI ho jAtI hai. usakI dashA koI adabhut ho jAtI hai. shUnyatA nahIn hotI. apanA chaitanyakA astitva grahaN kare, usakA bhedagnAn karake bhItaramen jAy to usakI prApti hotI hai.
mumukShu- svAnubhav to paryAyamen hotA hai. to sampUrNa AtmA us paryAyamen A jAtA hai? paryAy to ek samayakI hai, to sampUrNa AtmA usamen kaise AtA hai?
samAdhAna- ek samayakI paryAy hai. parantu AtmA to akhaNDa hai. ek paryAy ansh hai, vah palaT jAtI hai. AtmA svayam akhaNDa hai. vah anAdiananta shAshvat dravya hai. ek paryAy jo ansh hai, usamen pUrA anshI nahIn A jAtA. paryAy to ansh hai. svAnubhUti hotI hai, svAnubhUti paryAyamen hotI hai, parantu usamen dravya akhaNDa hai. pUrA dravya paryAyamen ghUs jAtA hai, aisA nahIn hai. paryAyamen pUrA dravya A jAtA hai, aisA nahIn.
mumukShu- usakI anubhUti hotI hai? paryAyamen anubhUti hotI hai.
samAdhAna- paryAyakI anubhUti hotI hai.
mumukShu- lekin samay to bahut hI kam rahatA hai. mAlUm nahIn paDatA hogA.
samAdhAna- mAlUm nahIn paDatA hai, aisA nahIn hai. samay antarmuhUrta hotA hai. jisakI dashA badal jAtI hai, usako vedan-svAnubhUti hotI hai. chaitanyadravya hai, koI dUsarI vastu nahIn hai. svayam sva hI hai. svakA anubhav sva karatA hai to usako khyAl nahIn AtA hai, aisA nahIn hotA. usako khyAlamen AtA hai, usakA vedan hotA hai. paryAy ansh hai, vah ansh palaT jAtA hai, parantu dravya to shAshvat rahatA hai. dravya to anAdiananta shAshvat hai.
mumukShu- svAnubhav honeke pahale dashA kis prakArakI hotI hai?
samAdhAna- usake pahalekI dashA to vah bhedagnAnakA abhyAs karatA hai. svAnubhUtike bAd bhedagnAnakI sahaj dhArA rahatI hai. gnAyakakI dhArA, udayadhArA donon bhinna rahatI hai. svAnubhUtike pahale vah abhyAs karatA hai ki main chaitanya bhinna hUn, main gnAyak hUn. main anAdiananta shAshvat tattva hUn. ye paryAy to kShaN-kShaNamen badalatA huA ansh hai. main anshI akhaNDa hUn. aise usakI dRuShTi dravya par rahatI hai. usakA-dRuShTikA viShay dravya rahatA hai aur aisA abhyAs karatA hai. yathArtha to svAnubhUtike bAd hotA hai. svAnubhUtimen yathArtha hotA hai. usake pahale usakI pratIt karatA hai, usakA abhyAs karatA hai. bArambAr main chaitanya hUn, ye vibhAv merA svabhAv nahIn hai. main chaitanya gnAyak hUn, aisA abhyAs karatA hai.
mumukShu- gnAnadhArA chalatI hai.