2 maraN karate-karate bAhar kriyAmen ruk jAtA hai, kahAn-kahAn ruk jAtA hai. muktikA mArga to bhItaramen hai aur svAnubhUti Ananda AtmAmen-se pragaT hotA hai, bAhar-se to AtA nahIn. isaliye bhItaramen jAtA hai to bhItaramen-se chaitanyadev prakAshamAn hotA hai, vah bAhar- se nahIn hotA hai.

mumukShu- mAteshvarI! ye vachanAmRutamen AyA hai ki ruchi anuyAyI vIrya hai aur ham sab isIliye yahAn Aye hain aur Ate rahate hain, phir bhI hamArA sahI dishAmen ... kyon nahIn chalatI hai?

samAdhAna- yahAn ruchi hotI hai, lekin puruShArtha nahIn hotA hai. ruchi to hotI hai, lekin us jAtakA puruShArtha honA chAhiye. puruShArtha manda hai. ruchi, AtmAkI ruchi karanA. jo AtmA hai usako pahachAnanA. usake pIchhe prayatna, bArambAr prayatna karanA chAhiye. ruchikI tIvratA karanI chAhiye. kahIn chain na paDe, main AtmA hUn, main AtmA hUn, kahIn chain na paDe, vibhAvamen chain nahIn paDanA chAhiye aur bhItaramen chaitanyamen bArambAr dRuShTi, upayog bArambAr us taraph jAnA chAhiye. to puruShArtha karane-se pragaT hotA hai.

jaise sphaTik nirmal hai, jal nirmal hai, vaise AtmA nirmal hI hai. par taraph dRuShTi, upayog jAtA hai to usamen malinatA dikhanemen AtI hai. bhItaramen to malinatA hai nahIn, to bhItaramen jo jAtA hai ki main shuddha hUn, to shuddhAtmA taraph jAne-se shuddha paryAy pragaT hotI hai. bAharamen upayog dene-se ashuddha paryAy pragaT hotI hai.

mumukShu- vachanAmRutamen AyA hai ki gnAyakake lakShya-se tamAm laukik kArya karanA. khAte-pIte, uThate-baiThate gnAyakakA lakShya karanA. thoDA-sA spaShTa kIjiye.

samAdhAna- khAte-pIte (har vakta) ek gnAyakakA hI (lakShya rakhanA). usamen ekatva nahIn honA. main gnAyak hUn, gnAyak hUn, yah pahale to abhayAsarUp-se hotA hai. yathArtha pariNati gnAn honeke bAd gnAnIko yathArtha pariNati hotI hai. usako khAte-pIte usakI bhedagnAnakI dhArA rahatI hai, main gnAyak hUn, gnAyak hUn. pahale to abhyAs rahatA hai khAtA- pIte ki main gnAyak hUn. ye khAnekA svabhAv merA nahIn hai, ye sharIr bhI merA svabhAv nahIn hai, merA tattva nahIn hai, main to bhinna tattva hUn. aur vibhAv bhI merA svabhAv nahIn hai. isaliye khAte-pIte, chalate-phirate, sote sabamen main gnAyak hUn, aisA abhyAs karanA chAhiye.

gnAnIkI to aisI sahaj dashA rahatI hai. khAte-pIte, sote, svapnamen gnAyak hUn, aisI gnAyakakI pariNati-bhedagnAnakI dhArA usako nirantar chalatI rahatI hai. usamen truT nahIn paDatI. pahale to usakA abhyAs hotA hai ki main gnAyak hUn, gnAyak hUn. aise raTan karane mAtra nahIn parantu bhItaramen aisI taiyArI honI chAhiye ki main gnAyak hUn.