14 AtmA yadi lage, usamen Ananda lage to apanI taraph jAya. usakI mahimA lage. jagatamen sarvasva hove to main AtmA hI hUn. aisA anupam tattva, jisamen kisIk upamA lAgU nahIn hotI. aisA anupam tattva main hUn. bAharakI koI vastu anupam nahIn hai. mahimA nahIn Ave to bhItaramen jAye kaise? bhale yathArtha mahimA to jisakI pariNati yathArtha ho, use yathArtha mahimA hotI hai. parantu pahale usakA abhyAs to ho sakatA hai. abhyAs kare ki main chaitanya mahimAvant hUn. ye koI mahimAvant nahIn hai. aisA pahale bhI ho sakatA hai. aisA kAraN taiyAr hotA hai, bAdamen kArya AtA hai.

bhedagnAnakA abhyAs kare, yathArtha bhedagnAn to bAdamen hotA hai, parantu pahale usakA prayAs hotA hai. usakI mahimA, lagan, usakA bhedagnAnakA abhyAs hotA hai. kShaN-kShaNamen main chaitanya gnAyak hUn, ye sab merA nahIn hai, main chaitanya hUn, mere chaitanyamen sarvasva bharA hai, aisA bhedagnAnakA abhyAs pahale hotA hai. bhedagnAn bAdamen hotA hai, parantu pahale abhyAs hotA hai. pahale mahimA, abhyAs sab ho sakatA hai.

mumukShu- mAtAjI! vichAr karane-se abhyAs hotA hai?

samAdhAna- vichAr kare, vichArake sAth antaramen lagan honI chAhiye. mAtra vichAr- vichAr nahIn, parantu chaitanyakI lagan aur chaitanyakI mahimA lage, mahimApUrvak vichAr kare to Age baDhe. use jarUrat lage ki karane yogya to bas, ek AtmA hI hai. jagatamen to karane yogya ho to ek AtmAkA svarUp hI prApta karane yogya hai. aisI jarUrat laganI chAhiye. to jarUrat pUrvak yadi vichAr kare, yathArtha samajhan kare, usakI jarUrat lage to vah vichAr kare. tattva vichAr sAdhan hai, parantu ruchipUrvak honA chAhiye.

pratham bhUmikA vikaT lagatI hai, parantu apanA svabhAv hai, vah to sahaj hai. to sahajapane pragaT ho to gnAyakakI dhArA sahaj (ho jAtI hai). phir pariNati usake svabhAv taraph hI, sAdhakakI pariNati svabhAv taraph dauDatI rahatI hai. usakA puruShArtha us or jAtA hai. apanA svabhAv (hai).

pratham bhUmikAmen abhyAs kare to use kaThin lagatA hai. bAkI to apanA svabhAv hai isaliye sahaj hai aur sugam hai. jise svabhAv pragaT ho, use sahaj dhArA pragaT ho jAtI hai. gnAyakakI dhArA, svAnubhUti, usakI puruShArthakI dhArA sahajapane, sugamapane prApta hotI hai. svabhAv hai isaliye vah durlabh nahIn hai. durlabh anAdi kAlamen svayam par taraph gayA hai isaliye use durlabh ho gayA hai. parantu svabhAv taraph dRuShTi kare aur svabhAv taraph prayAs kare to vah sugam aur saral hai. AchAryadev kahate hain na, tU ugratA- se chha mahine puruShArtha kara. phir yadi prApta na ho (aisA nahIn hai), use prApta hue binA rahatA hI nahIn. parantu svayam prayAs nahIn karatA hai. prashamamUrti bhagavatI mAtano jay ho!