38
samAdhAna- svabhAvakI pariNati... samyagdRuShTi apane astitvakI jo pratIt huyI, use gnAyakakI dhArA hai. vah pariNati gnAyak gnAyakarUp pariNamatI hai. aur main is svarUp hUn aur is svarUp nahIn hUn, aisI pariNati to use sahaj chalatI hai. main chaitanya gnAyak svarUp hUn aur is svarUp nahIn hUn. yah hUn aur yah nahIn hUn. aisI do jAtakI usakI pariNati, aisA sahaj gnAn use vartatA hI rahatA hai. upayogarUp nahIn hai. vah labdha hai usakA matalab ek or paDA hai, aisA nahIn. use vedanamen aisA AtA hai ki main yah hUn aur yah nahIn hUn. yah main hUn-gnAyak hUn aur yah nahIn hUn. aisA sahaj gnAn nirantar use gnAyakakI dhArA rahatI hI hai. savikalpa dashAmen aisI gnAyakadhArA vartatI rahatI hai.
mumukShu- ahampanA rUp vRutti athavA vyApAr nirantar chalatA hI rahatA hai.
samAdhAna- vah nirantar chalatI hai. main yah hUn, isaliye usamen main nahIn hUn, aisA A jAtA hai. main yah hUn, isaliye parase bhinna yah main hUn.
mumukShu- yah main hUn, aisI pariNati (vartatI hai to) vahAn use svaprakAshak kahanA hai?
samAdhAna- svaprakAshak aur par, donon sAthamen A gayA. svaparaprakAshak hai. usakI pariNati svaparaprakAshak hai. pratIti-yah main hUn-aisA dRuDh hai. pratIti nirvikalpa hai, parantu gnAnakI dhArA hai ki yah main hUn aur yah nahIn hUn, vah svaparaprakAshak hai. asti aur nAsti donon gnAnamen A gayA hai. pratItimen main yah hUn, dRuShTimen yah main hUn, aisA (hai). bAkI gnAnakI-gnAyakakI dhArA chalatI hai. yah main hUn aur yah nahIn hUn. us jAtakI sahaj pariNati hai.
mumukShu- dishA sva taraph karanI hai, vah ek alag bAt hai. bAkI svabhAv to aisA hI hai.
samAdhAna- svabhAv to aisA hI hai. dishA sva taraph palaTanI hai. samAdhAna- dravya-guN-paryAy to vastukA svabhAv hai. paryAy ek ansh (hai). ansh jitanA anshI nahIn hai. (anshI) akhaNDa hai, vah to ansh hai. dRuShTikI apekShA-se paryAy meremen nahIn hai. paryAy hai hI nahIn, aisA to nahIn hai. dravya-guN-paryAy vastukA svabhAv hai.
gnAn sabakA hotA hai. dravya-guN-paryAy sabakA. paryAy jitanA, ek ansh jitanA kShaNik, aisA kShaNik svabhAv AtmAkA nahIn hai. AtmA shAshvat hai. paryAy kShaN-kShaN palaTatI rahatI hai. aise gnAn karanA. paryAy nahIn hove to paryAy Upar-Upar nahIn hotI hai, paryAy dravyake Ashrayase hotI hai.
mumukShu- shikharajImen charchA huyI thI gurudevakI varNIjIke sAth, usamen unhonne kahA thA ki ... hotA hai. to gurudevane kahA thA, rAgakI paryAy .. hotI hai.