246
samAdhAna- kisake sAth charchA huyI thI?
mumukShu- varNIjIke sAtha.
samAdhAna- hAn, apane puruShArthakI mandatA-se rAgakI paryAy hotI hai. shuddhAtmAkI shuddha paryAy shuddhAtmAke Ashray-se hotI hai. aur puruShArthakI kamajorI-se rAgakI paryAy hotI hai. karma karavAtA nahIn. karma jabarajastI nahIn karavAtA. AtmA svayam rAgarUp pariNamatA hai.
jaise sphaTik harA, pIlA rUp pariNamatA hai, vah sphaTik pariNamatA hai. lAl- pIle phUl usamen nahIn Ate. vah to nimitta hai. pariNaman sphaTikakA hai. vaise pariNaman chaitanyakA hai. aur mUl svabhAv jo sphaTikakA hai, usakA nAsh nahIn hotA. AtmAke mUl svabhAvakA nAsh nahIn hotA hai. usake shuddha svabhAvakA nAsh nahIn hotA hai.
mumukShu- paryAy dravyamen-se nikalatI hai to nikalate-nikalate kuchh kam nahIn hotI hai? andar-se nikalatI hai to?
samAdhAna- to-to dravyakA nAsh ho jAya. rAg bhItaramen nahIn hai, rAgarUp AtmA pariNamatA hai. shuddhAtmAkI shuddha paryAy shuddhAtmAke Ashray-se hotI hai. bhItar-se nikalate- nikalate (kam ho jAy) to dravyakA nAsh ho jAya. aisA nahIn hai. dravya to ananta shakti (sampanna hai). ananta kAl dravya pariNaman karatA hai to bhI dravya to aisAkA aisA hai.
gnAnakI paryAy ek samayamen lokAlok jAnatI hai. to bhI ananta kAl pariNaman kare to usamen kam nahIn hotA hai. aisA koI dravyakA achintya svabhAv hai. usamen truT nahIn paDatI. ananta kAl pariName to bhI.
samAdhAna- ... koI kAraN-se dravya utpanna huA hai yA koI kAraN-se usakA nAsh hotA hai, aisA nahIn hai. dravya akAraN svatasiddha anAdiananta hai. aur usakA jo pariNaman hai, vah svata pariNamatA hai. vah kisIke Ashray-se pariNamatA hai yA koI use madad kare to pariNamatA hai, koI use viparIt kare to viparIt ho aur sulaTA kare to sulaTA ho, aisA nahIn hai. akAraN pAriNAmik dravya-use koI kAraN lAgU nahIn paDatA. vah svayam pariNamatA hai.
svayam anAdiananta svabhAvamen pariName usamen vibhAv andar usake svabhAvamen pravesh nahIn karatA. aisA akAraN svayam apane svabhAv-se pariNamatA hai, aisA usakA svabhAv hai. aur vibhAv ho to bhI vah svayam svatantra pariNamatA hai. aur svayam svabhAvako pragaT kare to bhI svatantra hai. usamen nimitta kahanemen AtA hai, parantu vAstavamen svayam pariNamatA hai. usamen koI kAraN lAgU nahIn paDatA. to hI use dravya kahA jAy ki jise koI kAraN lAgU nahIn paDatA. koI nimittake Ashray-se pariName, kisIkI madad-se pariName to us dravyakI dravyatA hI nahIn rahatI.