mumukShu- bhinna paDane par jo vishvAs Aye ki aisA gnAyak main hUn, vahAn thoDI dikkat hotI hai.
samAdhAna- ekatva ho rahA hai, isaliye aisA khyAlamen AtA hai. parantu andar main gnAyak jAnane vAlA hUn, gneyako jAnane vAlA aise nahIn, rAg mishrit main nahIn, parantu akelA gnAyak jo jAnane vAlA hai vahI main hUn, andar gaharAImen Utarakar nij svabhAvako lakShyamen le to le sake aisA hai. bAkI vaise lakShyamen lene jAye ki jAnane vAlA main, parako jAne vah main athavA rAgako jAne vah main, rAg mishrit gnAn main, vah to use sthUlatAse pakaDamen AtA hai. andar gaharAImen jAkar grahaN kare, aisI andarakI jignAsA, aisI laganI ho ki main kaun hUn? ye sab ho rahA hai, usamen main kaun hUn? svayam svayamke svabhAvako lakShyamen lekar bhinna hokar grahaN karanA chAhe to kar sake aisA hai. lekin andar gaharAImen Utare, utanI lagan laganI chAhiye, utanI jignAsA (honI chAhiye) ki main kaun hUn? mujhe kaise grahaN ho? to svayam svayamko grahaN kiye binA rahatA nahIn. svayam hI hai. sthUlatAse rAg mishrit grahaN hotA hai. lakShaNako bhinna karake lakShaN svayam pahachAn sake aisA hai.
mumukShu- anumAn gnAnase vichAr karate hain tab to khyAlamen AtA hai ki ye jAnatA hai kaun? jAnatA hai vah AtmA hai, vah gnAyak hai aur vah tU hai. aise anumAnase (hotA hai). lekin jab svasanmukh hokar lakShaNako khyAlamen lenekA prayatna karate hain, kyonki lakShaNase lakShyako pakaDanA hai, ab lakShaN hI bhinna nahIn paDe aur rAg mishrit khyAlamen Aye yA gney mishrit khyAlamen Aye ki yah jAnane vAlA main hUn, isaprakAr usamen sthApanA kaise karanI?
samAdhAna- svayamko andar laganI lage to vah svayam apanI sthApanA kar sakatA hai aur bhinna paD sakatA hai. lekin svayam bhinna hI nahIn paDatA. vikalpase aisA karane jAye to rAg mishrit use khyAlamen AtA hai. lekin andarase svayam bhinna hokar grahaN karanA chAhe to kar sake aisA hai. parantu utanA antaramen svayamko andar laganA chAhiye. gaharAImen Utarakar grahaN karanA chAhiye, to hotA hai.