255
mumukShu- nirNay yathArtha hai, vah kaise mAlUm karanA? yathArtha nirNayamen aisA kyA hotA hai ki jo anubhavako lAtA hai?
samAdhAna- pahale jo buddhipUrvak nirNay hotA hai, vah gurudevane jo apUrva mArga batAyA, usakA nirNay vah ruchi-se sthUlatA-se karatA hai vah alag hai. antar-se jo nirNay karatA hai, vah nirNay svayamko hI khyAlamen A jAtA hai ki yah nirNay aisA yathArtha hai ki usake pIchhe avashya svAnubhUti hogI. vah svabhAvako pahachAnakar antaramen nirNay hotA hai ki ye jo chaitanya svabhAv hai vah main hUn, yah gnAyak svabhAv hai vah main hUn, yah vibhAv main nahIn hUn.
usakA svabhAv, andar-se apanA bhAv-svabhAv pahachAnakar nirNay hotA hai. vah nirNay aisA hotA hai ki use khyAl AtA hai ki yah kAraN aisA hai ki avashya kArya AnevAlA hai. vikalpa-se anshata bhinna hokar, svAnubhUtikI bAt alag hai, parantu use antar-se aisI pratIt hotI hai ki yah gnAyak hai vahI main hUn. yah vibhAv main nahIn hUn. ye jo shAshvat chaitanya svabhAv, usakA astitva use yathArthapane antaramen-se grahaN ho jAtA hai. vah bhale hI abhI nirvikalpa nahIn hai, to bhI buddhimen use aisA grahaN ho jAtA hai.
bAkI sthUlatA-se nirNay kare vah alag bAt hai. svayamko ruchi ho ki mArga yahI hai, dUsarA mArga nahIn hai, yah vastu koI apUrva hai. aisI ruchi ho vah alag bAt hai. parantu antaramen-se jo nirNay hotA hai vah svabhAvako pahichAnakar hotA hai ki ye jo chaitanya gnAyak hai, jitanA yah gnAn hai utanA hI main hUn, yah vibhAv main nahIn hUn. aisA antaramen-se use nirNay hotA hai. aur bArambAr use usakI dRuDhatA hotI hai. bArambAr usakI pariNati us taraph muDatI hai ki yah hai vahI main hUn, yah main nahIn hUn. is prakAr use svabhAvako pahachAnakar nirNay hotA hai.
jo svabhAvako pahachAnakar nirNay hotA hai, usake pIchhe use avashya svAnubhUti hue binA nahIn rahatI. usakA antar hI kah detA hai ki yah nirNay aisA hai ki yah svabhAv- gnAyak svabhAv hI main hUn, dUsarA kuchh main nahIn hUn. ye nirvikalpa svabhAv hai vahI main hUn. usakI lInatAkI kShatike kAraN abhI nirvikalpa honemen der lagatI hai. to bhI vah nirNay aisA hotA hai ki avashya usamen use svAnubhUti hue binA nahIn rahatI.
mati-shrutagnAnakI buddhi jo bAhar jA rahI thI. vah svayam apanA nirNay karatA hai ki yah gnAnasvabhAv hai vahI main hUn. anya kuchh main nahIn hUn. aisA nirNay karake phikShar apanI taraph, upayog apanI taraph muDakar usamen lInatA kare to svAnubhUti hotI hai. pahale gnAnasvabhAvako pahachAnakar nirNay kare ki yah jo gnAn hai vahI main hUn.