ho jAtA ho to vAnchan karanA, vichAr karanA. anek prakAr-se upayogako badalate rahanA.
mumukShu- ApakI vANI bahut mIThI aur saral lagatI hai. itanI saral lagatI hai ki andaramen sab samajhamen AtA hai.
samAdhAna- koI bAr ugra ho, koI bAr dhIre ho, jignAsuko aisA hotA rahatA hai. ... bIchamen hotA hai. nimitta-upAdAnakA aisA sambandha hai. isaliye jitanA satsamAgam ho us prakArakA prayatna karanA. aur apanI taiyArI karanI. karanekA svayamko hI hai. usakA svabhAv hai vah sahaj hai. parantu pariNatiko palaTanA vah puruShArtha hai. puruShArtha aur sahaj, aisA hai.
mumukShu- abhI tak gurudevashrIko sunate the, sab karate the, parantu usamen apekShA gnAn, gurudevakA hRuday gAmbhIrya kyA hai, vah hamen barAbar samajhamen nahIn AtA thA. isaliye gurudev bahut apekShAen letee the. parantu ham shabdommen hI le jAte the aur samajhamen nahIn AtA thA. Apake pratAp-se hamen thoDA samajhamen Ane lagA. mahimA bhI AtI hai, lagatA hai ki aho! yahI satya hai. aisA mArga hai, pahale ... jaise Apane kahA, jise lagI hai usIko lagI hai, pihU pihU pukAratA hai. usake liye vaisI utkanThA jAgRut nahIn hotI hai, to usamen hamArI kyA bhUl hotI hogI? athavA hamen kis prakAr-se vaisA lage, Ap darshAIye.
samAdhAna- antaramen utanI puruShArthakI mandatA rahatI hai, bAharamen aTak jAtA hai isaliye. antaramen bas, yahI karanekA hai, satya yahI hai. svabhAvamen hI sukh hai, sab svabhAvamen bharA hai. bAhar kahIn nahIn hai. utanI antaramen ruchikI tIvratA nahIn hai. isaliye puruShArthakI mandatA hai. ruchi hai, parantu ruchikI mandatAke kAraN, puruShArthakI mandatAke kAraN vah tIvratA nahIn ho rahI hai. tIvratA ho to puruShArtha utpanna hue binA rahe nahIn. mandatA rahatI hai, apanI hI mandatA rahatI hai. usakA kAraN apanA hai, anya kisIkA kAraN nahIn hai. apanI ruchi manda hai aur apane puruShArthakI mandatA hai. isaliye usamen ruk gayA hai.
mumukShu- vachanAmRutamen AtA hai ki sUkShma upayog karake gnAyakako pakaDanA. sUkShma upayogamen kyA gUDhArtha hai? prayogAtmak paddhati-se sUkShma upayog (karanA)?
samAdhAna- upayog bAharamen sthUlarUp-se bAhar vartatA rahatA hai. svayam sthUlatA- se bAhya padAthAko jAnanekA prayatna kare, vikalpako pakaDe vah sab sthUl hai. parantu andar AtmAko pakaDanA vah sUkShma hai.
AtmAkA jo gnAnasvabhAv, gnAyakasvabhAvako pakaDanA vah sUkShma upayog ho to pakaDamen AtA hai. kyonki vah svayam arUpI hai. vah kahIn varNa, gandha, ras, sparshavAlA nahIn