190 kar sakatA hai. sachchA mumukShu ho vah bhed kar sakatA hai. sachchA mumukShu ho vah bhed kar sakatA hai. unake parichay-se, unakI vANI-se bhed kar sakatA hai. parIkShA karake bhed kar sakatA hai.
mumukShu- dev-guru-shAstrakI mahimAke vakta AtmAkI khaTak rakhanekA Ap pharamAte ho, to vah donon ek pariNAmamen prayogAtmak rUp-se kaise karanA?
samAdhAna- dev-guru-shAstrakI mahimAke samay AtmAkI (khaTak honI chAhiye). us mahimAkA hetu kyA hai? dev-guru-shAstra, jinendra devane AtmA pragaT kiyA hai, ve kevalagnAn svarUp, pUrNarUp-se virAjamAn ho gaye, gurudev sAdhanA karate hain, shAstrommen bhI vah AtA hai, isaliye usakI mahimAkA hetu kyA hai ki unhonne jo chaitanyakA svarUp pragaT kiyA, isaliye unakI mahimA AtI hai. usakA artha vah hai ki unhonne vah svarUp pragaT kiyA isaliye unakI mahimA AtI hai. to us svarUpakI svayamko ruchi hai aur vah ruchi vaisI honI chAhiye ki vah svarUp mujhe pragaT ho.
ata rUDhigatarUp-se vah achchhA hai aise nahIn. unhonne jo pragaT kiyA vah Adarane yogya koI anupam vastu pragaT kI hai. aur vah vastu mujhe chAhiye. isaliye usamen ruchi aur dev-guru-shAstrakI mahimA donon sAth hote hain. jise mahimA, aisI samajhapUrvak mahimA Aye use AtmAkI ruchi sAthamen hotI hI hai. oghe oghe karatA ho (aisA nahIn). samajhapUrvak jise mahimA AtI hai use ruchi sAthamen hotI hI hai ki yah svarUp mujhe chAhiye. ye vibhAv achchhA nahIn hai, parantu svabhAv achchhA hai. ata jo dev- guru-shAstrane pragaT kiyA hai, usakI use mahimA AtI hai aur vah mujhe chAhiye. aisA andar-se samAyA hai. aisI ruchi sAthamen hotI hI hai. aisI samajhapUrvak jise mahimA Aye, use AtmAkI ruchi sAthamen hotI hI hai.
AtmAkI ruchi sAthamen na ho aur akelI mahimA kare to vah sab samajhe binAkA hai. anAdi kAl-se jo mAtra ruDhigatarUp-se kiyA vaisA. dev-guru-shAstra Adarane yogya kyon hai? ki unhonne AtmAkA svarUp koI apUrva pragaT kiyA hai, isaliye. isaliye unakA svayamko Adar hai. antaramen apanA Adar andar A jAtA hai.
mumukShu- AtmAkI khaTak rahatI ho aur mahimA AtI ho, vahI sachchI mahimA hai?
samAdhAna- vahI sachchI mahimA hai. use khaTak rahatI hI hai. jise sachchI mahimA Aye use AtmAkI khaTak sAthamen hotI hI hai. to sachchI mahimA hai.
gurudevane mArga kitanA spaShTa kiyA hai. prashna pUchhe usakA uttar detI hUn. mumukShu- gurudevake shabda bahut gambhIr, isaliye kuchh samajh nA sake. unakA gambhIr Ashay samajh na sake, Apane gurudevakA hRuday kholA isaliye ham bach gaye.