nakkI kare ki ye gnAyakatA hai vah ananta gnAyakatA hai. vah gnAyakatA, itanA jAnA isaliye gnAyak hai, aisA nahIn. svatasiddha gnAyak jisamen nahIn jAnanA aisA AtA hI nahIn, aisA ananta-ananta gnAyakatA-se bharA jo svabhAv aur jo sukhako bAharamen ichchhatA hai, vah sukhakA svabhAv, sukhakA samudra svayam hI hai. aisA ananta svabhAvavAlA, ananta Ananda jisamen bharA hai, ananta gnAn jisamen bharA hai aur ananta svabhAv-se jo bharA hai aisA main chaitanya hUn. us chaitanyakI mahimA vichAr karake lAve ki vah vastu ananta dharmAtmak aur mahimAvant koI anupam hai. usakA vichAr karake mahimA lAye. shAstrommen AtA hai, AchAryadev kahate hain, gurudev kahate haiain ki ye vastu koI anupam mahimAvant hai. jo anubhavI hain, gurudev kahate hain, muni kahate hain ki AtmA koI anupam hai. to svayam vichAr karake nakkI kare.
svayamko to ek gnAnasvabhAv hI dikhatA hai, dUsarA kuchh dikhatA nahIn hai. to svayam vichAr karake andar-se svatasiddha ananta dharmAtmak hai, ananta achintya mahimA-se bharI hai, usakA vichAr karake nakkI kare to svayamko pratIt Ave. dev-guru-shAstra jo kahate hain ki koI apUrva vastu hai, terI vastu apUrva hai, tU usamen jA. to vah apUrva kaise hai? usakA vichAr karake svayam pratIt kare to ho. usakA lakShaN to amuk dikhatA hai, parantu svayamse nakkI karanA paDatA hai.
bAharamen sab jagah AkulatA hai. to nirAkulatA aur Ananda-se bharA ek AtmA hai. aisA gurudev kahate hain, AchArya kahate hain, sab kahate hain. antaramen hai vah kis prakAr- se hai, vah svayam vichAr karake, svabhAvako pahichAnakar nakkI kare ki usImen sab hai. to use mahimA Aye.
mumukShu- ananta guNAtmak hai vah sab vichAr dvArA nakkI ho sakatA hai?
samAdhAna- vichAr dvArA nakkI ho sakatA hai. use dikhatA nahIn hai, parantu nakkI ho sakatA hai. jo anAdiananta vastu ho vah mApavAlI nahIn ho sakatI. vah ananta agAdh svabhAv-se bharI hai. vichAr-se nakkI kar sakatA hai. usakI mahimA lA sakatA hai.
mumukShu- mumukShuke netra satpuraShako pahichAn letA hai. vahAn mumukShuke netrakA artha satpuruShakI vANImen A rahI AtmAkI sahaj mahimA aur anyakI usI shabdommen A rahI kRutrim mahimA, usake bIchakA bhed karatA hai, aisA kah sakate hain?
samAdhAna- usake netra aise hI ho gaye ho. pAtratA antaramen-se use satya hI chAhiye. satpuruShakI vANImen koI apUrvatA rahI hai, koI AtmAkA svarUp batA rahe hain. dUsarekI vANI aur unakI vANIkA bhed kar sakatA hai. usakA hRuday hI aisA ho gayA hai ki mujhe jo chAhiye, koI apUrva vastu, ye kuchh apUrva batA rahe hain. vah bhed