samyagdarshanarUp hotA hai, phir chAritradashA AtI hai. usamen visheSh nirjarA hotI hai. pahale amuk nirjarA hotI hai, visheSh nirjarA munidashAmen hotI hai. vah sab paryAy hai.
parantu dravya apekShA-se shuddhAtmA anAdi (muktasvarUp hI hai). aisA dravya aur paryAy donon vastukA svabhAv hI hai. jo pragaT paryAy hotI hai muktikI, use paryAy kahate hain. aur anAdiananta dravya to muktasvarUp hai. muktasvarUp dravya hai, parantu vedan nahIn hai. usakA svayamko svAnubhUtikA vedan nahIn hai, paryAy pragaT nahIn huyI hai. dravya to shuddha hai, dravyamen kahIn ashuddhatAkA pravesh nahIn huA hai. dravya to shuddha hai. parantu paryAyakA vedan nahIn hai. svAnubhUtikA vedan kahAn hai? paryAy pragaT hue binA vedan nahIn hotA. isaliye jab usakI svAnubhUtikI dashA pragaT hotI hai, svAnubhUtikA vedan hotA hai.
vah svAnubhUti visheSh baDhane par vItarAgatA hotI hai isaliye use pUrNa vedan hotA hai. vah pragaT mukta dashA hai. ye shaktirUp mukta dashA hai. vah vyaktirUp muktadashA hai. isaliye dravya aur paryAyakA mel hai. dravya aur paryAy vastukA svarUp hai. isaliye shuddha paryAy nahIn hai, tabatak vedan nahIn hai. shuddhaparyAy pragaT huyI, isaliye use svAnubhUti, vItarAgadashAkA vedan hotA hai. isaliye vah pragaT mukta dashA hai, yah shaktirUp mukta dashA hai.
samAdhAna- .. us vakta yahAn sajAvaT Adi kI thI, svAdhyAy mandiramen bahut sundar thA. gurudevakA jIvan-darshan, gurudevake charaN, sab bahut achchhA lagatA thA. vahAn dekhane gayI to vah sab sajAvaT dekhakar aisA lagA ki gurudev yahAn virAjate ho to ye sab shobhe. aise vichAr Ate the, bhAvanA hotI rahI. us din ghar Akar pUrI rAt aisA huA, gurudev padhAro, padhAro aisA bhAvanAmen rahA. phir prAtakAlamen aisA svapna AyA ki gurudev devalokamen-se devake rUpamen padhAre. sab devakA hI rUp thA. jharIke vastra, hAr ratnake, ratnake vastra the.
gurudevane kahA ki aisA kuchh nahIn rakhanA, bahin! main to yahIn hUn. main yahI hUn, aisA do-tIn bAr kahA. Ap yahAn ho aise ApakI AgnA-se mAn len, parantu ye sab dukhI ho rahe hain. usakA kyA? gurudev to maun rahe. svapna to itanA hI thA. parantu us vakta sabako itanA ullAs thA ki mAnon gurudev virAjate hon aur utsav hotA ho, aisA thA. gurudev devake rUpamen padhAre. aisA svapna thA. pahachAne jAte the, gurudev devake rUpamen bhI guurudev hI hai, aisA pahachAnA jAtA thA.
mumukShu- mukh gurudevakA?
samAdhAna- mukh devakA thA. parantu pahachAn ho jAy ki gurudev dev hue hain aur devake rUpamen padhAre hain. aisA kuchh nahIn rakhanA, bahin! main to yahIn hUn, yahIn hUn, yahIn hUn. aisA tIn bAr kahA. devamen to aisI shakti hotI hai ki jahAn jAnA ho vahAn