210 astitva AyA usamen nAstitva A jAtA hai. vibhAvase virakti aur svabhAvakI orakA astitva grahaN kar liyA hai.
mumukShu- usake liye koI dRuShTAnta? jisase gnAnIkA svarUp khyAlamen Aye ki yah virakti kis prakArase hai? gnAnIkA sahaj puruShArtha jo chalatA hai, us sahaj puruShArthakA koI dRuShTAnta?
samAdhAna- usakA puruShArtha chAlU hI hai. gnAn-vairAgyakI shakti, achintya shakti, gnAn-vairAgyakI aisI shakti hai ki kahIn ekatva nahIn hotA, bhinna hI bhinna sadA rahatA hai. sadA bhedagnAnakI bhAvanA, avichchhinnarUpase bhedagnAn bhAtA hai. arthAt andaramen avichchhinna dhArAse svarUpamen sthir nahIn ho jAye, vahAn bhedagnAn yAnI is or bhedagnAn lenA aur antaramen gnAyakadhArAkI ugratA karatA jAtA hai, lInatA baDhAtA jAtA hai. samyagdarshanamense pAnchavA, chhaThThA munidashA paryant usakI gnAyakadhArA (baDhatI jAtI hai), gnAyakakI lInatA baDhatI jAtI hai. is orakA yah puruShArtha hai. gnAyakamen lInatA baDhatI jAtI hai. is or bhedagnAnakI dhArA (chalatI hai), vikalpase bhinna paDatA jAtA hai. dRuShTi apekShAse sab prakArase bhinna ho gayA. aur AcharaNamen jo bAkI hai, vah svayam gnAyakakI gnAtAdhArAkI ugratA karatA jAtA hai, lInatA baDhAtA jAtA hai aur vibhAvase bhinna paDatA jAtA hai.
mumukShu- isaliye vibhAv kaTatA jAtA hai.
samAdhAna- hAn, vibhAvase bhinna (hotA jAtA hai). usakA ras thA vah nahIn hai. pratyAkhyA, apratyAkhyAn AdikA jo kaShAy hai, vah chhUTakar ... hote jAte hain. andar lInatA baDhatI jAtI hai, isaliye sab vibhAvakA ras, sthiti, ras sab TUTate jAte hain.
mumukShu- gnAyakadhArAkI jo shuruAt hai vah to prayatnapUrvakake vikalponse hI hotI hai na?
samAdhAna- shurUAtamen vikalpa hote hain, lekin jo sahaj dhArA ho gayI, phir use vikalpa sAthamen nahIn rahatA. sahaj ho gayA, usake bAd vikalpa sAthamen nahIn hai.
mumukShu- shurUAt to prayatnapUrvakake vikalpase hI hotI hai?
samAdhAna- shurUAt, jab samyagdarshan nahIn huA hai, tab to vah abhyAs karatA hai us vakta vikalpa sAthamen Ate hain ki main gnAyak hUn, gnAyak hUn. aise vikalpa Aye. lekin gnAyak ho gayA, gnAyakakI dhArA chAlU ho gayI, nirvikalpa dashA ho gayI, phir bAhar Aneke bAd use vikalpa karake bhinna nahIn rahanA paDatA. usakI gnAyakakI dhArAkI pariNati sahaj (chalatI hai). apanI Dor apane hAthamen hI hai. vikalpa kiye binA, bhinna hI bhinna rahatA hai. vikalpa kiye binA puruShArthakI gati aisI chAlU rahatI hai. vikalpa kiye binA, hai puruShArthakI gati parantu chAlU rahatI hai. vikalpa binA puruShArthakI gati