mumukShu- aisA AtA hai ki gnAnIkA ek shabda sune aur andaramen paTalA ho jAtA hai.
samAdhAna- palaT jAtA hai apane puruShArthase. upAdAn apanA hai. puruShArthake binA palaTanA nahIn hotA. gurudev kahate hain na, anek bAr bhagavAn mil to bhI svayam apane puruShArthakI kamIke kAraN palaTA nahIn. bhagavAnakA nimitta to joradAr thA aur gurudevakA nimitta joradAr thA. lekin svayam palaTatA nahIn.
mumukShu- palaTanA nahIn AtA.
samAdhAna- AtA nahIn aisA nahIn hai, svayamkI utanI taiyArI nahIn hai, nahIn to Aye binA rahe hI nahIn. lekin svayam palaTatA hI nahIn.
mumukShu- bhAvanA to hai ki palaTanA hai, puruShArtha karanA hai.
samAdhAna- palaTanA hai aisA vichAr kare. beDI toDanI hai, use sUjhe ki is prakAr beDI toD, to hI TUTe. beDIse jo ulajhA ho, vah beDI toDanekA mArga DhUnDhe binA rahatA hI nahIn. ulajh gayA hai ki yah kaise TUTe? usakA mArga chAhe jaise pUchhakar, svayam nakkI karake, chAhe jitane sAdhan ikaTThe karake toDe binA nahIn rahatA. jo vAsvatamen ulajhanen AyA hai, vah chhUTe binA nahIn rahatA. svayamko andarase vAstavik rUpamen lagI nahIn hai. utanI tIvra tAlAvelI nahIn hai. lage to toDanekA prayatna svayam hI karatA hai.
mumukShu- abhI vartamAn kAlamen to sabhI mumukShuonko yah bhAvanA hai ki hamen gnAnI gurudev mile hain, mAtAjI mile hain, bArambAr unakA parichay kare, bArambAr unake pAs jAyen, bArambAr samIp rahakar lAbh len. aisI bhAvanA hai. vaise sunanA, paDhanA sab hai. ab palaTanemen visheSh...
samAdhAna- antaramen dhIrA hokar, sUkShma hokar Age jAnA chAhie vah nahIn jAtA, anAdise yah sab karatA rahatA hai. vah use kaThin lagatA hai.
mumukShu- gnAnI bArambAr kahe to bhI use Age nahIn baDhanA hai?
samAdhAna- karanA to svayamko hI hai, dUsarA koI nahIn kar detA.
mumukShu- mahAvideh kShetra jaisA abhI yog hai. usamen yahI ek karane jaisA hai. phir bhI itanI der lagatI hai?
samAdhAna- svayam andar vichAr karake dekhe ki svayam hI pramAd karake aTakA hai. to svayamko pakaD sakatA hai ki svayam hI aTakA hai, koI rokatA nahIn.
mumukShu- koI DAkTar aisA injekshan lagAtA hai to tvarAse darda miT jAtA hai. vaise Ap..
samAdhAna- vah sab to bAharakA puNyoday hai. injekshan dekar nahIn bhI miTe,