242 aisA bhI bane. gurudevakA to aisA thA ki jo andar kArya kare use asar kiye binA rahe hI nahIn. lekin svayamko kArya karanA hai. svayam kArya karatA nahIn. svayamkI bhUl hai.
mumukShu- svayamko svastha nahIn honA hai.
samAdhAna- svayam taiyAr nahIn hotA. "karma bichAre kaun, bhUl merI adhikAI'. svayamkI bhUl hai, par kyA kare? bAharake sAdhan kyA kare? svayam hI nahIn palaTatA hai.
mumukShu- palaTanA itanA kaThin hai ki svayam palaTatA nahIn?
samAdhAna- anAdikA abhyAs hai. kaThin nahIn hai, sahaj hai. lekin svayamkA pramAd hai. ... jAgRut hI nahIn hotA, aisA hai. jAgRut honA apane hAthakI bAt hai. gurudevakI vANI sabako jAgRut karatI hai. sabako ruchi to huI, phir puruShArtha karanA to svayamke hAthamen hai. unak vANI aisI thI ki sabako ruchi ho jAya. AtmAkI or ruchi pragaT ho jAya. yah sab sansAr nisAr hai. AtmA hI ek sArabhUt hai. aise kitane hI jIvonko andar ruchi ho jAya. lekin phir Age baDhanA apane hAthakI bAt hai.
mumukShu- ApakI vANI sunanI hai...
samAdhAna- ... vibhAv pariNati hotI hai, vah svayamke puruShArthakI mandatAse hotI hai. mandatAse hotI hai, lekin usamense bhedagnAn kare ki main yah chaitanya hUn, dUsarA kuchh merA svarUp nahIn hai. svayam grahaN kare usamen use apanA pUrNa svarUp use pratItamen A gayA. lekin bAdamen use bhedagnAnakI dhArA nirantar rahatI hai. aise vikalpase nirNay kare aise nahIn, parantu sahaj rahe. sahaj pratikShaN din-rAt, kShaN-kShaNamen bhinna pariNati rahe. usamen pariNati sahaj rahe. usanen lInatA karate-karate use sahaj lInatA baDhe to pUrNa paryAy pragaT hotI hai. pUrNa svarUp to kevalagnAn ho tab hotA hai.
mumukShu- grahaN kaise karanA? kaisA puruShArtha karanA?
samAdhAna- pUrNa kevalagnAn to is kAlamen pragaT nahIn hotA. abhI to bhedagnAn aur samyagdarshan mAtra hotA hai aur chAritradashA tak amuk (had) tak pahunchA jA sakatA hai. kyonki abhI utanI puruShArthakI dhArA kevalagnAn ho vahAn tak (nahIn pahunchatI). yah pancham kAl hai na. jab yahAn mahAvIr bhagavAn vicharate the, tab yahAn kevalagnAn paryant sab pahunchate the. lekin abhI to ek samyagdarshan aur usakI amuk prakArase lInatA hotI hai. lekin usakA pUrNa grahaN, usakA dravya svarUp to pahale grahaN ho jAtA hai.
main chaitanya dravya anAdiananta shAshvat hUn. main jAnanevAlA gnAyak hUn. jo jAnanevAlA hai vah svayam hai. svayam hI jAnanevAlA hai. use pUrNa grahaN ho jAnA chAhiye. usake bAd usakI paryAy arthAt usakI jo kevalagnAnakI dashA hai vah bAdamen hotI hai. lekin