hain, use svayam antarase grahaN kare. aur use aisI gaharI jignAsA hotI hai. ek AtmAkA prayojan hotA hai, dUsarA koI prayojan jise nahIn hai. koI bAharakA prayojan athavA bAharamen Age AnekA, aisA kisI bhI prakArakA prayojan nahIn hai, ek AtmAkA hI prayojan nahIn hai. ek AtmAkA hI prayojan hai. use amuk prakArakA vibhAvakA ras kam (ho jAtA hai), amuk prakArakI kaShAyonkI mandatA ho jAtI hai. jo anantAnubandhIke kaShAy hain vah use manda ho jAte haiain aur antaramen ek AtmAkA hI prayojan hotA hai. "kaShAyakI upashAntatA mAtra mokSha abhilASh'. jise mokShakI abhilAShA hai. antaramen AtmArthakA ek prayojan hai, vah pAtratA hai.

koI bhI kAryamen mujhe AtmA kaise samajhamen Aye? use ek hI dhyey hotA hai. bhedagnAn kaise ho? kaise puruShArtha karun? kaise karun? kaise mArga samajhamen Aye? AtmA kaun hai? usakA svabhAv kyA hai? vibhAv kyA hai? sab nakkI karaneke liye, tattvakA nirNay karaneke liye vichAr, vAnchan Adi sab antarase (hotA hai). jise antarase aisI jignAsA ho, vah karatA rahe, usake liye laganI lage. aur jab tak vah nahIn ho tab tak bAharamen dev-guru-shAstrakI mahimA, jinendradev, guru, shAstramen kyA AtA hai? gurudevane kyA hai? sabakA vah antaramen vichAr kare.

ek shuddhAtmA kaise pahachAnamen Aye? vibhAv binAkA, jisamen vikalpa nahIn hai, jo nirvikalpa tattva hai, vah kaise pahachAnamen Aye? usakA bhedagnAn kaise ho? vah mArga kaise mile? svAnubhUti kaise ho? kyA vastu svarUp hai? usakA bArambAr vichAr kare. bArambAr antarase usakI jignAsA (kare). din-rAt usakA manthan hotA hai, vah pAtratAkA ek lakShaN hai.