262
mumukShu- AtmA kaisA hai?
samAdhAna- AtmA ananta guNase bharA koI apUrva tattva hai, vah anupam tattva hai. jise jagatamen kisIkI upamA lAgU nahIn paDatI. koI jaD tattva yA koI bAharakA devalok yA chakravartIkA pad yA aur kisIkI upamA lAgU nahIn paDatI, aisA chaitanyatattva vah chamatkArI anupam tattva hai. usakA Ananda koI alag hai, usakA gnAn alag hai, vah mahimAvant padArtha hai. shAshvat hai. vah AtmA koI alag hI tattva hai, apUrva tattva hai. jagatase koI alag hai. duniyA jo jagatamen dikhatA hai usase koI alag hI tattva hai. usakI svAnubhUti kare to hI vah pahachAnanemen Aye aisA hai.
pahale vichArase nakkI kare ki AtmA kaisA hai? usakA svabhAv gnAn lakShaNase pahachAnanemen AtA hai. usakA gnAnalakShaN mukhya hai. bAkI ananta guNase bharA agAdh tattva hai. us tattvakI pratIti karake, vichAr karake, andar svAnubhUtimen usakA anubhav ho aisA koI apUrva anupam padArtha hai. usakI mahimA kare to hI vah Age jA sakatA hai.
chakravartIke pad Adi sab bAharake pad usake Age phike hain. ek Atmapad hI shreShTha aur sArabhUt hai. vahI rasamay hai. bAkI sab jagatakI vastu usake pAs nIras aur phikI hai. aisA vah anupam tattva hai. AAcharyadev kahate hain, ham antaramen jAte hain. AtmAke alAvA hamen bAharakA sab tuchchha aur phIkA lagatA hai. ek AtmA hI sarvoparI tattva, Urdhva ek hI tattva sarvasva hai. ham jisakA nirantar anubhav karate hain, vahI tattva sarvase shreShTha hai, aisA anupam tattva hai.
mumukShu- ... kramabaddhamen kaise ghaTit karen? vartamAnakA puruShArtha bhAvike kramabaddhamen us pariNAmarUp to nahIn ho sakatA na ki vahAn-se ... le jAy athavA aise koI sanyog Aye ki jo vartamAnamen is orakA puruShArtha hai, usase viparIt kramabaddha ho, aisA to hotA hI nahIn.
samAdhAna- jis prakArakA puruShArtha hotA hai, usI prakArakA usakA kramabaddha hotA hai. usI prakArakI usakI vartamAn ruchi hai. AtmAkI or jisakI ruchi hai, jise gnAyakakI prIti hai, gnAyak hI chAhiye, dUsarA kuchh nahIn chAhiye. yah sharIr bhinna, AtmA bhinna.