samay TikanevAlI nahIn hai. andarase nyArA hI nyArA, bhinna hI bhinna rahatA hai. har samaya. jAgate, sote, svapnamen sabamen vah nyArA hI nyArA, gnAyak hI rahatA hai. aisI gnAn- vairAgyakI shakti use pragaT huI hai.
gnAn-vairAgya shakti. gnAn-vairAgyakI aisI adabhut shakti pragaT huyI hai ki use lep hI nahIn lagatA. antaramen aisI koI use shakti pragaT huyI hai. sab prakArase vah bhinna ho gayA hai. usakA Adar hI nahIn karatA. kisI bhI prakArase yah vibhAv AdaraNIy nahIn hai, yah sansAr AdaraNIy nahIn hai, man-vachan-kAyAse, kisI bhI prakArase AdaraNIy nahIn hai. sab prakArase andar bhinna ho gayA hai. dravyadRuShTise usakI shraddhAmen, sab prakArase bhinna ho gayA hai, isaliye vah bandhatA nahIn. aisI usakI pariNati hI ho gayI hai. mAtra vikalparUp nahIn yA nirNay karake nirNay ek or paDA rahA hai, aisA nahIn. usakI pariNati hI nyArI rahatI hai, nyArI pariNati (ho gayI hai). isaliye vah bandhatA nahIn.
use aisA hotA hai ki yah kuchh AdaraNIy nahIn hai. kab aisI vairAgyakI pariNati ho ki yah sab chhUTakar main mere svarUpamen lIn ho jAUn aur pUrNa lIn ho jAUn. kab muni banun, kab yah sab chhUT jAy, aisA bhAvanA use vartatI hai. andarase bhinna rahatA hai. gRuhasthAshramamen hone par bhI svAnubhUtimen lIn hotA hai. bAhar Aye to bhinna hI bhinna rahatA hai.
AtA hai na? vRukShakA mUl kATaneke bAd vah vRukSha panapatA hI nahIn. usakA mUl kaT gayA hai. sukhabuddhi hI bandhanakA kAraN hai. jahAn dekho vahAn ekatvabuddhi. usane buddhimen nirNay kiyA ho ki main bhinna hUn, to bhI usakI pariNatimen har vakta ekatvabuddhi hI ho rahI hai. sab pariNatimen ekatvabuddhi (hotI hai). usase bhinna, usI kShaN bhinna bhAsanA chAhiye, usI kShaN bhinna nahIn bhAsatA. vichAr kare ki main bhinna hUn, bhinna hUn. lekin jis kShaN pariNati hotI hai, usI kShaN vah bhinna nahIn rahatA hai.
aur gnAnIkI pariNati sahaj aisI hai ki jis kShaN vikalpa AtA hai, usI kShaN vah bhinna rahatA hai. phir use vichAr nahIn karanA paDatA ki main bhinna hUn, main bhinna hUn. aisA vichAr nahIn karanA paDatA. jis kShaN vikalpa AtA hai, usI kShaN vah bhinna rahatA hai. shubhAshubh pratyek bhAvamen jis kShaN vikalpa hotA hai, usI kShaN (bhinna rahatA hai).