bahut log bhes lekar nahIn kahate hain? apane to samyagdarshan hotA hI hai. samyagdarshan nahIn hai? jain dharmako mAnate hain, itanA tyAg liyA to samyagdarshan hai hI, aisA bahut log mAn lete hain.
mumukShu- ... main samyagdRuShTiko vandan karatA hUn. munirAj vaise to samyagdRuShTiko vandan kare nahIn, parantu samyagdarshanakI mahimA batAyI...
samAdhAna- samyagdRuShTiko vandan karatA hUn arthAt vandan karatA hUn, aisI bhAvanA kare, parantu vandan-namaskAr nahIn hotA. aisA vyavahAr nahIn karate. jisane kAraN tattva jAnA, AtmAko jAnA, us kAraN par dRuShTi rakhanese jisamen kArya AtA hai, aisA kAraN tattva jisane grahaN kiyA, jisane bhedagnAn aur svAnubhUti pragaT kI, use main vandan karatA hUn. jagatamen sarvotkRuShTa ho to AtmA chaitanya dravya hai, use jisane lakShyamen liyA use vandan karatA hUn. aisA kahakar svayamko mahimA AtI hai. bAkI use namaskArakA vyavahAr muni nahIn karate.
mumukShu- samyagdarshanakI mahimA darshAte hain.
samAdhAna- samyagdarshanakI mahimA darshAte hain. mokShamArga jo pragaT hotA hai, usake anshase lekar pUrNatA paryant sab Adar karane yogya hai, aisA kahanA chAhate hain. chaitanyatattva mahimAvant hai, usakA ek ansh bhI pragaT ho, anshase lekar munidashA paryant sab Adarane yogya, sab mahimAvant, sab namaskAr karane yogya hai, aisA kahanA chAhate hain.
Namo arihantANan Adi AtA hai na? panch parameShThI namaskAra. usamen sab AchArya, upAdhyAy, munirAj jo baDe muni hote hain, chhoTe muni sab A jAte hain, un sabako main namaskAr karatA hUn. aise navakAr bole usamen sab A jAtA hai. lekin namaskArakA vyavahAr nahIn karate. Namo loe savva sAhUNan, sab muniko namaskAr karatA hUn. navakAr bole isaliye usamen sab muni A jAte hain. lekin baDe muni hon, ve chhoTe muniko namaskArako vyavahAr nahIn karate.
mumukShu- hamen adhikase adhik kitane bhavamen samyagdarshan prApta ho sakatA hai? yA vartamAn bhavamen bhI ho sakatA hai?
samAdhAna- kitane bhavamen ho sakatA hai? vartamAn bhavamen bhI ho sakatA hai, puruShArtha kare to is bhavamen bhI ho sakatA hai. aur dUsare bhavamen bhI ho sakatA hai. jab puruShArtha kare tab ho sakatA hai. use kahIn kAl nahIn lAgU paDatA. jo puruShArtha kare, apanI yogyatA taiyAr kare aur chaitanyatattvako grahaN kare to is bhavamen bhI kar sakatA hai aur dUsare bhavamen bhI kar sakatA hai. jab taiyArI kare tab ho sakatA hai.
mumukShu- samayakI maryAdA nahIn hai?