294
samAdhAna- samayakI maryAdA nahIn hai. gurudevane aisA mArga batAyA, use svayam grahaN karake puruShArtha kare, ek gnAyak tattva hI grahaN karane jaisA hai. usakI pariNati abhI bhI pragaT kar sakate hain aur bhaviShyamen bhI kar sakate hain. abhI karate-karate utanA puruShArtha nahIn chale to bArambAr usakA abhyAs kare, bArambAr jignAsA kare, bhAvanA kare ki gnAyak hI AdaraNIy hai, gurudevane kahA vahI mArga Adarane yogya hai. chaitanyakA dravya- guN-paryAy kyA hai, use pahachAnanekA prayatna kare. yah vibhAv kyA hai? svabhAv kyA hai? sabako pahachAnanekA prayatna kare. ek chaitanya hI AdaraNIy hai, dUsarA kuchh AdaraNIy nahIn hai. aisI bArambAr bhAvanA kare. aisA karate-karate usamen gahare sanskAr paDe to dUsare bhavamen bhI kar sakatA hai. use kAlakI maryAdA nahIn hai. apanI mandatAke kAraN aTakatA hai. svayam puruShArtha kare to hotA hai. aisA anajAnA mArga milanA mushkil, gurudevane batAyA. vah mArga koI apUrva mArga hai. usakI mahimA Aye, AtmAkA svarUp koI apUrva hai, anupam hai, vah kaise prApta ho, gaharI ruchi kare to ho sakatA hai.
mumukShu- bAharake viShayamen itane ekamek ho jAte hain ki isamen ruchi sthir honemen bahut .. lagatA hai.
samAdhAna- der lagatI hai. usamense bhI bArambAr prayatna karatA rahe. vahAnse ruchi svayamkI or lAnekA bArambAr prayatna karatA rahe. karane jaisA yahI hai, aisA nirNay kare, shraddhA kare, bArambAr prayatna karake palaTe. palaTe binA chhUTakArA nahIn hai. vah ek upAy hai. svayam palaTe binA shAntikA dUsarA koI upAy nahIn hai. shAntikA upAy svayamko hI palaTanA hai. koI nahIn kar detA, svayamko hI palaTanA hai. gurudevane mArga darshAyA. dev-guru-shAstra sab nimitta banate haiain. karanA svayamko hI hai. sarva dravyakI svatantratA batAyI hai. tU kar to ho sake aisA hai. tujhe koI rokatA nahIn. karmakA uday tuje jabarajastI rokatA nahIn. tU kar to ho sake aisA hai.
mumukShu- karmakA bahAnA nikAle vah bhI galat hai.
samAdhAna- galat hai. karma rokatA nahIn, karma to nimitta hai. svayam puruShArtha kare to karma use ADe nahIn Ate. karma bhI badal jAte hain, svayam puruShArtha kare to.
mumukShu- kramabaddhakA bahut shikShaN diyA hai. ... bahut parichay thA na, isaliye kramabaddhake pustakake AdhArase .. hai.
samAdhAna- kramabaddhako puruShArthake sAth sambandha hai. puruShArtha binAkA kramabaddha hotA nahIn. svayam ruchi palaTe, puruShArtha kare, apanI or Aye, usakA kramabaddha us prakArakA hotA hai. lekin svayam palaTatA nahIn aur bAharamen ruchi karake baiThA hai, to usakA kramabaddha us prakArakA hotA hai. jise bAharakI ruchi hai usakA kramabaddha us prakArakA hai. apanI