mumukShu- pravachanasAr shAstramen bhI hai ki arihantake dravya-guN-paryAyako jo jAne, vah AtmAko jAne.
samAdhAna- hAn, usamen AtA hai. arihantake dravya-guN-paryAyako jAnatA hai vah AtmAke jAnatA hai. svayamko jAne, vah bhagavAnako jAne. bhagavAnako jAne, vah svayamko jAnatA hai. svayamko svany dekh nahIn sakatA. bhagavAnake darshan kare, bhagavAnakI use mahimA Aye. guruke darshan kare, gurukI vANI sune isaliye guru par, bhagavAn par use mahimA AtI hai. usamense use vichAr Ate hain ki bhagavAn mAne kyA? bhagavAnakA dravya kyA? unakA AtmA kyA kAm karatA hai? unako kaun-se guN pragaT hue hain? aise vichAr karatA hai.
bhagavAnake dravya-guN-paryAyakA jo yathArtharUpase vichAr karatA hai, vahAn apane dravya- guN-paryAyakA vichAr AtA hai ki bhagavAn AtmA hai. AtmAmen ananta guN hain. unhonne puruShArtha karake pragaT kiye hain. bhagavAnakA AtmA hai vaisA merA AtmA hai. aise bhagavAnako pahachAnakar bhI apanI or jAtA hai. yadi yathArtha pahachAne to svayamko pahachAnatA hai. yathArtharUpase pahachAne to.
guru sAdhan kar rahe hain. koI vANI apUrva barasAte hain. unakA AtmA kyA kAm karatA hai? aise vichAr karate-karate apane AtmAkA vichAr AtA hai. shAstrake vichAr (karatA hai). shAstramen tattvakI bAt AtI hai. usamen use Ashcharya lagatA hai. vichAr kare ki shAstramen yah bAt AtI hai. usamense apane vichAr Ate hain.
lekin pratyakSha jo hai vah pariNati palaTanekA kAraN banatA hai. ek bAr pratyakSha dev aur pratyakSha guru mile to apanI pariNati-samyagdarshan prApta honekA kAraN banatA hai. phir shAstra, ek bAr sunaneke bAd shAstra paDhe vah alag bAt hai. parantu pratyakSha hote hain vah use pariNati palaTanekA kAraN banatA hai. aisA nimitta-naimittik sambandha hai.
mumukShu- antaranA bhAve vadhAvie..
samAdhAna- antaranA bhAve vadhAvie.
mumukShu- vah bhakti dekhakar aisA lagatA hai ki gnAnIko kis prakAr yah shubharAg