samAdhAna- hAn, mUl digambar kriyAkAnDamen the.
mumukShu- aisA prahAr kiye binA chhUTakArA nahIn thA.
samAdhAna- mArga prakAshak to aisA hI kahe. aise hI hotA hai. shAstrommen sab AtA hai, apekShAse sab AtA hai. ek bAt svayam svatantra dravya hai, vah bAt alag hai. upAdAnakI dRuShTikI bAt alag hai aur yah bAt alag hai. us bAt par vajan denekA koI prayojan nahIn hai. dravya par dRuShTi karanekA prayojan hai. shubhAshubh bhAv merA svarUp nahIn hai. main usase bhinna hUn. aise bhAvanA karake phir bAharamen aise shabda prayog karanekI (jarUrat nahIn hai). jo mArga prakAshak na ho use aisA bolanekI koI jarUrat nahIn hai.
mumukShu- paDhanA, sunanA (hotA hai), parantu nishchay nahIn huA hai. vAnchanamen kis prakArakA dhyAn rakhanA ki jisase nishchay ho?
samAdhAna- gnAyakakA lakShya kaise ho? aisI ruchi rakhanI. vah AtmAke liye hai na. ek AtmArthakA prayojan hai. AtmAkA svarUp kaise samajhamen Aye? AtmAkA nishchay kaise ho? satya vastu kaise samajhamen Aye? is hetuse shAstramense svAdhyAy kare. satya vastu kaise grahaN ho, is hetuse. AtmA kaise samajhamen Aye? gnAyak kaise samajhamen Aye? gnAyak kise kahate hain? gnAyakakA lakShaN kyA? jAnanA. vah jAnapanA kaise pahachAnamen Aye? gnAyak kaise pahachAnamen Aye? yah vibhAv kyA? svabhAv kyA? kaise pahachAnamen Aye? dravya-guN-paryAyakA svarUp kyA? vah samajhaneke liye, AtmAke prayojanake liye samajhanA. gnAyakakA lakShya nahIn huA hai (to) usakA lakShya kaise ho? usakI ruchi rakhanA, vah hetu rakhanA. shAstra mAtra jAnaneke liye nahIn, parantu AtmAkA svarUp kaise samajhamen Aye, is hetuse-sva hetuse vichAr karanA, paDhanA.
mumukShu- prayojan AtmAkA honA chAhiye.
samAdhAna- prayojan AtmAkA honA chAhiye. bhavakA abhAv kaise ho? bAharakA ananta kAl sab kiyA, shubhabhAv kiye, puNyabandha huA, sab hotA hai, parantu AtmAkA svarUp kaise samajhamen Aye? bhavakA abhAv kaise ho? svabhAvakA sukh kaise prApta ho? aisA hetu honA chAhiye.
mumukShu- anumAnase-anumAn gnAnase AtmA prApta nahIn ho sakatA. samayasAramen to lakShya-lakShaNakA bhed batAkar jo gnAnakA lakShaN prasiddha hai, usase anumAnase hI lakShya karavAnA chAhate hai?
samAdhAna- vah anumAnamen aisA kahanA hai ki mAtra Upar-Uparase anumAn kiyA aise nahIn. parantu andar yathArtha anumAn, svabhAvako pahachAnakar anumAna. lakShaNase lakShya