aisI bhAvanA hai aur dravya par dRuShTi, gnAyakakI dashA, gnAyakakI Dor chhUTatI nahIn. chAhe jaise bAhya sanyogamen ho, sAdhanAkI paryAyamen ho, dhyAnamen ho to bhI usakI gnAyakakI DorI chhUTatI nahIn. aur yah laDAIke prasangamen ho to bhI usakI gnAyakakI DorI andar hai. bhedagnAnakI dhArA aur gnAyakako grahaN kiyA hai, vah grahaN kiyA, jo Alamban liyA vah Alamban use chhUTatA nahIn. bAhya koI bhI sanyog use toD nahIn sakate. aisA Alamban Ave to hI usakI sAdhakadashAkI paryAyen hotI hai.

AchAryadev kahate hain, main shuddha chinmAtra mUrti hUn. to bhI are..! merI pariNati kalmAShit- mailI ho rahI hai. shuddha chinmAtra mUrti gnAyakakA Alamban hai. aur abhI chAritrakI dashA adhUrI hai. vah bhI use gnAnamen sAthamen vartatI hai. gnAnamen sab vartatA hai. puruShArthakI DorI lInatAkI or jAtI hai aur gnAyakakA AlambanakA bal aur Ashray bhI sAthamen chalatA hai. use gnAyak, pratyek prasangamen gnAyaka. dhyAn ho, shukladhyAn ho to bhI vah vyavahAr hai. lekin vah sAdhakadashA bIchamen Aye binA rahatI hI nahIn. kyonki paryAy, vibhAvakI paryAy hotI hai. usase bhedagnAn huA, samyagdarshan huA aur svAnubhUtikI dashA pragaT huyI, phir svAnubhUtikI dashA baDhatI jAtI hai, phir bhI abhI adhUrI paryAy hai, usakA kartA hotA nahIn, to bhI asthiratAmen rAgAdi vartate hain, apane puruShArthakI kamajorIse. usakA use khyAl hai. isaliye puruShArthakI Dor apanI or chAlU hI hai. lInatA-andar svarUpamen samA jAnekI lInatA chAlU hI hai.

mumukShu- paramAtmatattva bhI padArthakA ansh hai aur dhyAnAvalI bhI padArthakA ansh hai. yah ansh hai vah AshrayarUp hai, aur yah ansh gauN karanA..

samAdhAna- paramAtmatattva hai vah svayam pUrA dravya hai. ananta sAmarthyase bharapUr dravya hai pUrA. sAmAnya svabhAv hai. lekin vah pUrI vastukA sAmarthya hai. abhed hai. dhyAnAvalI hai vah sAdhakadashA hai. usamen shubhabhAv mishrit hai. aur ekAgratA jo antaramen hotI hai, jo antaramen vikalpa chhUTakar hotI hai, ekAgra pariNati andar svarUpakI ramaNatA vah alag bAt hai. vah nirvikalpa dhyAn hai. aur yah vikalpavAlA dhyAn hai, usamen shubhabhAvakA Ashray hai. to bhI ekAgratA ho, chauthe guNasthAnamen jo svarUp ramaNatA hai, pAnchave guNasthAnamen jo shuddhi pragaT huyI hai, chhaThThe-sAtavemmen (shuddhi pragaT huyI hai) vah bhI adhUrI paryAy hai. adhUrI paryAy bhI pUrNa svabhAv, mUl svabhAv, asal svarUp usakA nahIn hai. adhUrI paryAy jitanA bhI AtmA nahIn hai. use bhI vah gauN karatA hai.

adhUrI paryAyakI bhUmikA baDhatI jAtI hai, guNasthAnakI dashA, chhaThThe-sAtavemmen, phir shreNi mAnDatA hai, vah sab adhUrI paryAy hai. adhUrI paryAy aur pUrNa paryAy, sab dravyadRuShTimen gauN hotI hai. sabako nikAl detI hai. to bhI gnAnamen donon vastu use khyAlamen hai.