88

mumukShu- mumukShukI bhUmikAmen kaisA shubhabhAv hotA hai?

samAdhAna- mumukShuko ekatvabuddhi hai, bhinna nahIn huA hai. parantu vah mAnatA hai, vah mumukShu aisA mAnatA hai ki yah shubhAshubh bhAv merA svarUp nahIn hai. AtmA bhinna hai, AtmA nirvikalpa svabhAv gnAyak jAnanevAlA hai. parantu usakI pariNati pragaT nahIn huyI hai, isaliye vah shubhabhAvamen khaDA hai. use to ekatvabuddhi hotI hai. parantu usane vichAr karake jo nirNay kiyA hai ki, yah bhAv merA svarUp nahIn hai. vah nirNay sAthamen rahakar usase mujhe dharma hotA hai yA use sarvasva mAnatA hai, aisA mumukShu mAnatA nahIn. parantu antarakI shraddhA, vah alag bAt hai. lekin use vah sarvasva nahIn mAnatA. vah bhI ashubhase bachaneko shubhabhAvamen khaDA rahatA hai. parantu use AtmA bhinna nahIn rahatA hai. ekatva ho jAtA hai. usakI mAnyatA aisI rakhe ki, yah sarvasva nahIn hai, yah to hey hai. merA svabhAv nahIn hai. aisA vichAramen bhI vah rah sakatA hai.

AtmA grahaN nahIn huA hai, ashubhabhAvamen jAtA hai, kahAn khaDA rahegA? shubhabhAvamen khaDA hai. ruchi AtmAkI rakhe ki AtmAkA hI karane jaisA hai. yah merA svabhAv nahIn hai. sukh to AtmAmen hai, nirvikalpa svarUpamen hI sukh hai. vikalpAtmak pariNatimen sukh nahIn hai. nirvikalpa svarUp jo AtmA, usamen hI sukh hai. aisI ruchi rakhe. aisI ruchi rakhe aur ... ekatvabuddhi hotI hai. vichAramen ho, nirNayamen ho to bhI usakI pariNati bhinna nahIn huyI hai.

lekin jo kuchh nahIn samajhate hain, ekatvabuddhimen sarvasva mAnate hain, usakI to mAnyatA hI alag hai. vichArapUrvak bhI usakI mAnyatA barAbar nahIn hai. isane vichArase itanA nirNay kiyA hai to use Age baDhanekA avakAsh hai. laganI lagAye to Age baDhanekA avakAsh hai.