mumukShu- paryAyake ShaTakArak svatantra hai?
samAdhAna- dravyadRuShTise svatantra hai. paryAy apekShAse paryAyake svatantra aur dravya apekShAse dravyake svatantra. bAkI paryAy dravyake Ashrayase hotI hai. dravyake Ashray binA paryAy nahIn hotI hai. apekShAse use gauN karake svatantra kahanemen AtA hai. dravyakI apekShAse use svatantra kahakar, paryAyako gauN karake use svatantra kahate hain. vah dravyakI paryAy hai. dravyako chhoDakar paryAy kahIn alag nahIn laTakatI hai. paryAy bhinna, ekadam sarva prakArase bhinna ho to vah dUsarA ek dravya ho jAya.
mumukShu- ..nahIn jAne huekA shraddhAn kharagoshake sIng samAn hai. muniko AgamagnAn ho aur ...
samAdhAna- kyA? jAnA hai, phir bhI shraddhAn nahIn hotA? jAnA huA vah aisA jAnA huA kahanemen AtA hai. antarase jAnA ho to use shraddhA huye binA nahIn rahatI. jAnA huA yAnI.. kyA kahA? AgamagnAn..?
mumukShu- AgamagnAn ho aur tattvArtha shraddhAn na ho.
samAdhAna- AgamagnAn to kiyA, lekin yadi antaramen shraddhA nahIn kI. arthAt usane shraddhA to aise kI hai, parantu antarase nahIn kI hai. isaliye vah jAnA hai, vah aisA jAnA hai ki antarakI pariNatiko milAkar nahIn jAnA hai. kShayopashamase jAnA hai. parantu antarakI pariNatiko milAkar, antarakI pariNatike sAth jo jAnanA chAhiye, vaise nahIn jAnA hai, isaliye usake sAth tattvashraddhAn nahIn hai. parantu jisane sachchA jAnA ho, usake sAth tattvArtha shraddhAn hue binA nahIn rahatA. aur tattvArtha shraddhAn sachchA ho, usake sAth sachchA gnAn hotA hai.
... dukh yAnI bahut AkulatA kare, aisA nahIn hai. andarase svayamkI pariNati hI aisI hotI hai ki kahIn TikatI nahIn. antaramen kuchh dUsarA chAhiye. kahIn shAnti nahIn lagatI. kRutrimatAse dukh hai, dukh hai, use dukh nahIn kahate. ekatvabuddhi ho rahI hai, use kahAnse dikhe? ras lagA hai, anukUlatAmen bah jAtA hai. jo AtmAko pahachAnatA hai, use anukUlatAmen bhI dukh lagatA hai. anukUlatA bhI AtmAko sukh denevAlI nahIn