110
chaturtha kAlamen bhagavAnake samavasaraNamen ekadam prApta kar lete the aur is panchamakAlamen gurudevane mArga batAyA to ekadam prApta ho jAy aisA hai, prApta nahIn ho aisA nahIn hai. is kAlameen samyagdarshan ho sake aisA hai. kevalagnAn ho sake aisA nahIn hai, parantu samyagdarshan prayojanabhUt gnAn to ho sake aisA hai. tiryanch hai vah nAm tak nahIn jAnate ki kise Asrav kahate hain, kise bandha kahate hain, kise puNya-pAp kahate hain, usakA nAm nahIn jAnate. parantu yah gnAn so main hUn aur jo yah sab AkulatAsvarUp hai vah main nahIn hUn. main usase bhinna chaitanyadev gnAyak hUn. is prakAr bhAv samajhakar, tiryanch nAm tak nahIn jAnate aise kitane hI tiryanch DhAI dvIpake bAhar hain, ve bhI AtmAkA gnAn kar sakate hain. pUrva sanskAr ho to vah tiryanchake bhavamen ekadam kar sakatA hai. to is manuShyabhavamen kyon nahIn ho sakatA? ho sake aisA hai.
mumukShu- svabhAvakI ruchi kare, vah sthUl buddhi ho to bhI sUkShma buddhi ho gayI, kahanemen Aye?
samAdhAna- sthUl buddhi ho to bhI sUkShma buddhi ho jAtI hai. apanA svabhAv hai na. sthUl buddhi arthAt usakI buddhi bAhar jAtI hai. antaramen dRuShTi kare to vah sUkShma buddhi jAtI hai aur sUkShma hokar svayamko pahachAn sakatA hai, na pahachAn sake aisA nahIn hai.
AchAryadev kahate hain na ki tU abhyAs kara. is AtmAkA chha mahine abhyAs kar, phir dekh andar hotA hai yA nahIn. parantu svayam abhyAs hI nahIn karatA hai. chaitanyamen nishchal hokar antaramen dekh, AtmA pragaT hotA hai yA nahIn. parantu svayam antaramen jAkar dekhatA nahIn, usakA abhyAs karatA nahIn. thoDA samay kare phir aisA vichAr kare ki mainne bahut kiyA. lekin kShaN-kShaNamen usakI laganI laganI chAhiye. jaisI ekatvabuddhi hai to nirantar chal rahI hai, vaise bhedagnAn karanekA antaramen vaisA prayatna nahIn karatA hai. kShaN-kShaNamen svayam bhedagnAnakI dhArA pragaT kare, aisA prayAs nahIn karatA hai, isilaye kahAnse pragaT ho? sthUl buddhi ho to bhI sUkShma ho jAy aur is prayojanabhUt tattvako pahachAne evan AtmAke bhavakA abhAv ho. aur andarase AtmA pragaT hotA hai, nahIn ho sakeaisA nahIn hai. is kAlamen gurudevane param upakAr kiyA hai. durlabhako bhI sulabh kar diyA hai.
mumukShu- sUkShma buddhi ho aur aisA prayatna na kare to sthUl buddhi ho jAya.
samAdhAna- svayam aise sanskAr gahare nahIn DAle aur vaisA hI rahe to sthUl ho jAya. lekin svayam sanskAr DAle, sUkShma buddhi (karake) svayam antaramen gaharAImen jAy to usake sanskAr sAthamen Aye to dUsare bhavamen pragaT honekA avakAsh hai.
mumukShu- sAtavIn narkakA nArakI samyagdarshan pragaT karatA hogA vah bhI sUkShma buddhise