samAdhAna- sthUl buddhivAle jIv hain, isaliye samajh nahIn sake aisA nahIn hai. gurudevane is pancham kAlamen padhArakar unakA yahAn avatAr huA, bahut samajhAyA hai. kahIn shankA rahe aisA nahIn hai. itanA spaShTa kiyA hai. pratyek jIvonko, pUre hindustAnake jIvonko jAgRut kiyA hai. kuchh shankA rahe aisA nahIn hai. sthUl buddhimen samajhamen nahIn Aye aisA nahIn hai.
mUl prayojanabhUt tattvako pahachAne to yah samajhamen Aye aisA hai. rAgase bhedagnAn kare. yah gnAyak main hUn aur yah rAg main nahIn hUn. vah antarase yadi samajhe, gnAyak svabhAvako-gnAnasvabhAvako pahachAnakar antarase yah jo vibhAv hai vah merA svarUp nahIn hai, main to gnAyak hUn, aise pahachAne to pahachAn sake aisA hai. usamen jyAdA shAstra jAne to pahachAne aisA nahIn hai.
prayojanabhUt tattva gurudevane kahA hai ki tU gnAyak AtmA hai aur yah shubhAshubh bhAv terA svarUp nahIn hai. usase tU bhinna ho jA. usase bhinna honese andarase bhedagnAn hotA hai. is kAlamen bhedagnAn na ho sake aisA nahIn hai. kyonki is kAlamen dharma ho nahIn sakatA, aisA nahIn hai. samyagdarshan ho sakatA hai. shAstramen AtA hai ki jitanA yah gnAnasvabhAv hai utanA hI tU hai. tujhe AtmAko pahachAnanA ho to gurudevane bhI kahA hai ki jitanA yah gnAnasvabhAv hai, utanA tU hai. jitanA yah paramArtha svarUp AtmA hai ki jitanA yah gnAn hai. is gnAnasvarUp AtmAko tU pahachAna.
gnAnasvarUp AtmA hai, usImen tU ruchi kar aur prIti kara. vah gnAnasvarUp AtmA hI satya paramArthasvarUp AtmA hai. use tU pahachAn le. kalyANasvarUp gnAnasvarUp AtmA hai, usamen hI sab bharA hai. vah mahimAvant hai. gnAn yAnI sirpha jAnanA (itanA hI nahIn hai), vah mahimAse bharA AtmA hai. gnAyak arthAt chaitanyadev hai, use tU pahachAna. usImen tU ruchi kar, use jAnakar usamen santuShTa ho aur usImen tU tRupta ho. gnAnasvarUp AtmA is kAlamen pahachAn sake aisA hai. yah vibhAv merA svarUp nahIn hai, vah to AkulatA hai. gnAnasvarUp AtmAmen hI shAnti aur santoSh hai. use tU pahachAna. pahachAnA jAy aisA hai. is kAlamen pahachAn nahIn sake aisA nahIn hai. parantu antarase laganI lage, utanI jignAsA jAgRut ho to pahachAnA jAya.
sthUl buddhi hai, parantu prayojanabhUt tattvako (jAn sakatA hai). svayam gnAnasvarUp AtmA svayamke pAs hai, kahIn khojane jAnA paDe aisA nahIn hai. use gaharAImen Utarakar, gnAn hai vahI main hUn, anya kuchh main nahIn hUn. usamen yadi tujhe santuShTatA ho aur mahimA Aye to vah pahachAnA jAy aisA hai. (parase) bhinna ho to usamense tujhe santoSh hokar usamen hI tujhe tRupti hogI. karane jaisA vah ek hI hai.